ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់ឲ្យដឹងថា កាលពីថ្ងៃទី១១ ខែកុម្ភៈ ឆ្នាំ២០១៥នេះ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១៣លើក ក្នុងនោះយប់១១លើក, បណ្ដាលឲ្យមនុស្សស្លាប់ចំនួន១០នាក់ (ស្រី០១នាក់) រងរបួសធ្ងន់០៩នាក់ (ស្រី០៥នាក់), និងរបួសស្រាល១១នាក់ (ស្រី០២នាក់)។
នៅក្នុងហេតុការណ៍គ្រោះថ្នាក់ចរាចរណ៍ទាំង១៣លើកនេះ បានបង្កឲ្យមានការខូចខាតយានយន្តសរុប២១គ្រឿង ក្នុងនោះមានម៉ូតូចំនួន១៨គ្រឿង,រថយន្តធុនតូចចំនួន០២គ្រឿង,រថយន្តធុនធំ០១គ្រឿង និងថ្មើរជើង០១នាក់។
របាយការណ៍ខាងលើប្រាប់បន្តថា មូលហេតុដែលបណ្ដាលឲ្យកើតមានករណីគ្រោះថ្នាក់ចរាចរណ៍គឺបណ្ដាលមកពីល្មើសល្បឿន០៦លើក, ប្រជែងគ្រោះថ្នាក់០២លើក,មិនគោរពសិទ្ធ០២លើក និងស្រវឹង០៣លើក ក្នុងនោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន២៣នាក់ (យប់១៨នាក់)។
ប្រភពព័ត៌មានពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា រថយន្តពិន័យសរុបចំនួន៦៧៩គ្រឿង (រថយន្តធំ២៥០គ្រឿង)ស្មើនិង៧០២ករណី ,ករណីល្មើក្រដាសស្នាម៣៧៧គ្រឿង ស្មើនិង៣៨០ករណីរួមមាន ប័ណ្ណបើកបរហួសសុពលភាព២៦ករណី,គ្មានប័ណ្ណអាជីវកម្ម៣៨ករណី,ប័ណ្ណអាជីវកម្មហួសសុពលភាព០៤ករណី,ប័ណ្ណបើកបរខុសប្រភេទយានយន្ត០៥ករណី, គ្មានឆៀក៣៧ករណី, បើកបរហួសល្បឿនកំណត់២១ករណី,ឆៀកហួសសុពលភាព១២ករណី,បើកបរមិនពាក់ខ្សែក្រវាត់២៣៥ករណី,មិនគោរពសញ្ញាចរាចរណ៍០១ករណី ,ករណីល្មើសបច្ចេកទេសមាន៣០២គ្រឿង ស្មើនិង៣២២ករណីរួមនមាន ដឹកសំពីងសំពោង២៥៧ករណី,ដឹកលើសចំណុះ២០ករណី,កង់សឹករេចរឹល១៧ករណី,ស្លាកលេខបាក់ ឬខូច០១ករណី,ភ្លើងបំភ្លឺមិនគ្រប់គ្រាន់១១ករណី,បាឡុងតាកេរ០៤ករណី,ខូចគន្លឹះសុវត្ថិភាព០៧ករណី,គ្មាន ឬខូចរបាំងភក់០៤ករណី និងគ្មានរនាំងសុវត្ថិភាព០១ករណី។
ដោយឡែកម៉ូតូត្រូវបានពិន័យសរុបចំនួន២០៦៣គ្រឿង ក្នុងនោះមានជិះម៉ូតូអត់ពាក់មួក១១៣៤ករណី,ជិះម៉ូតូអត់កញ្ចក់៨៣៧ករណី,ជិះម៉ូតូអត់កញ្ចក់ និងមួក១០ករណី,ស្រវឹងបើកបរ០៤ករណី,មិនគោរពសញ្ញាចរាចរណ៍៤៥ករណី,ម៉ូតូបើកភ្លើងពេលថ្ងៃ៣០ករណី, និងស្លាកលេខបាក់ឬខូច០១ករណី៕
រ៉ាវុទ្ធ
0 Comments