ភ្នំពេញ ៖ យុវជនម្នាក់បានសន្លប់ធំនេះហ្នឹងកន្លែង ហើយក៏ត្រូវបានមិត្តភក្ដិជួយសង្គ្រោះដោយដឹកបញ្ជូនទៅកាន់មន្ទីរពេទ្យភ្លាមដែរ ក្រោយពេលដែលយុវជនម្នាក់នេះជិះម៉ូតូលឿនដូចហោះទៅបុកម៉ូតូមួយគ្រឿងទៀតយ៉ាងពេញទំហឹងនោះ។
ហេតុការណ៍គ្រោះថ្នាក់ចរាចរណ៍ខាងលើនេះបានកើតមានឡើងកាលពីរាត្រីថ្ងៃទី១០ ខែកុម្ភៈឆ្នាំ២០១៥ ដោយម៉ូតូបង្កម៉ាកហុងដាសេ125 ពណ៌ខ្មៅ ពាក់ស្លាកលេខកណ្ដាល1L 5604 បើកបរដោយយុវជនម្នាក់ បើកបរលឿនដូចហោះទៅបុកម៉ូតូមួយគ្រឿងទៀតម៉ាកស្មាស ពណ៌ក្រហម ពាក់ស្លាកលេខភ្នំពេញ1AG 0175 បើកបរដោយបុរសម្នាក់មិនបានរងរបួសធ្ងន់នោះទេ តែអ្នកបើកបរម៉ូតូបង្កបានរងរបួសធ្ងន់សន្លប់ធំនៅកន្លែងកើតហេតុ។
សាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញម៉ូតូបង្កបើកបរតាមបណ្តោយផ្លូវ២៥៩ ក្នុងទិសដៅពីត្បូងមកជើង ក្នុងល្បឿនលឿនដូចហោះ ហើយក៏បានជ្រុលទៅបុកម៉ូតូមួយគ្រឿងទៀតម៉ាកស្មាស ដែលធ្វើដំណើរតាមផ្លូវ១២២ ក្នុងទិសដៅពីកើតមកលិចយ៉ាងពេញទំហឹងបណ្ដាលឲ្យអ្នកបើកបរម៉ូតូបង្កម៉ាកហុងដាសន្លប់ធំតែម្តង ហើយក៏ត្រូវបានមិត្តភក្ដិជួយសង្គ្រោះដោយដឹកបញ្ជូនទៅកាន់មន្ទីរពេទ្យភ្លាមដែរ។
ក្រោយពេលកើតហេតុ ភាគីទាំង២បានដោះស្រាយបញ្ចប់គ្នានៅកន្លែងកើតហេតុ ដោយមិនមាននរណាសងនរណាឡើយ៕
ស្រីរ័ត្ន
0 Comments