ក្រុមមន្ដ្រីអង្កេតស្រាវជ្រាវទៅលើករណីធ្លាក់យន្ដហោះរុស្ស៊ី នៅក្នុងប្រទេសអេហ្ស៊ីបនោះ កំណត់ថា ឮសំឡេង ដែល៩០ភាគរយប្រាកដណាស់ថា ជាសំឡេងផ្ទុះដោយគ្រាប់បែកមួយគ្រាប់នៅក្នុងកន្លែងបើកបរ។ សមាជិកម្នាក់នៃក្រុមអង្កេតស្រាវជ្រាវបានប្រាប់ Reuters យ៉ាងដូច្នេះកាលពីថ្ងៃអាទិត្យ។
យន្ដហោះធុន Airbus A321 បានធ្លាក់រយៈពេល២៣នាទី បន្ទាប់ពីហោះហើរចេញពីតំបន់រីសតទេសចរណ៍ Sharm al-Sheik កាលពី៨ថ្ងៃមុននោះ ដោយសម្លាប់មនុស្សទាំងអស់២២៤នាក់ ជាអ្នកដំណើរ និងក្រុមយានិក។ ក្រុមសកម្មប្រយុទ្ធរដ្ឋឥស្លាម ដែលកំពុងតែប្រយុទ្ធជាមួយកងកម្លាំងសន្ដិសុខអេហ្ស៊ីប នៅជ្រោយ Sinai បាននិយាយថា ខ្លួនជាអ្នកធ្វើឲ្យយន្ដហោះនោះធ្លាក់។
សមាជិកនៃក្រុមអង្កេតស្រាវជ្រាវអេហ្ស៊ីប ដែលស្នើសុំមិនឲ្យបញ្ចេញឈ្មោះដោយសារតែរឿងដ៏រសើបនោះ បានឲ្យដឹងថា មានការបញ្ជាក់អះអាង និងការវិភាគកាន់តែវែងឆ្ងាយទៅ នូវស្នូរសំឡេងដែលកត់ត្រាបាននៅក្នុងប្រអប់ខ្មៅនោះ គឺជាគ្រាប់បែកមួយ។ យើងកំណត់បានថា ៩០ភាគរយ គឺជាគ្រាប់បែកដែលបានផ្ទុះ។
ការអធិប្បាយរបស់សមាជិកនៃក្រុមមន្ដ្រីអង្កេតស្រាវជ្រាវ បានកំណត់នូវកម្រិតការពិតកាន់តែច្បាស់ថែមឡើងទៀតអំពីមូលហេតុនៃការធ្លាក់យន្ដហោះ លើសពីគណៈកម្មការស៊ើបអង្កេត ដែលធ្លាប់បានប្រកាសជាសាធារណៈរួចមកហើយនោះ។
មន្ដ្រីស៊ើបអង្កេតនាំមុខលោក Ayman al- Muqaddam បានប្រកាសកាលពីថ្ងៃសៅរ៍កន្លងទៅនេះថា យន្ដហោះនោះបានបង្ហាញឲ្យឃើញនៅពេលហោះឡើងដល់ពាក់កណ្ដាលអាកាសពេលកំពុងហោះហើរអូតូ-ពីឡុត ហើយស្នូរផ្ទុះក៏លានឮឡើងនៅវិនាទីចុងក្រោយដែលថតបាននៅក្នុងបន្ទប់បើកបរ។ ប៉ុន្ដែលោកនិយាយថា វាជាការសន្និដ្ឋានលឿនពេកទៅវិញទេ អំពីថា ហេតុអ្វីទើបបានជាយន្ដហោះនោះធ្លាក់។
នៅពេលត្រូវបានសួរបញ្ជាក់បន្ថែមថា ដោយឡែកការពាក់ព័ន្ធទៅនឹងការសង្ស័យ១០ភាគរយទៀតនោះ តើជាអ្វីទៅ? អ្នកស៊ើបអង្កេតស្រាវជ្រាវនោះបដិសេធមិនលើកយកមកនិយាយទេ ប៉ុន្ដែបានរៀបរាប់ថា អាចបណ្ដាលមកពីការផ្ទុះនៃប្រេងឥន្ធនៈ សូរសំឡេងលោហធាតុ នៅក្នុងយន្ដហោះ ឬក៏ដោយសារ lithium batteries៕
Reuters
ក្រុមមន្ដ្រីអង្កេតស្រាវជ្រាវ អះអាងដល់ទៅ ៩០ភាគរយថា គ្រាប់បែកផ្ទុះធ្វើឲ្យយន្ដហោះរុស្ស៊ី ផ្ទុះធ្លាក់
0 Comments