ពោធិ៍សាត់ ៖ បុរសម្នាក់ ត្រូវបានផាលអាត្រាក់ទ័រកៀបក្បាលជាប់ខាងក្រោយស្លាប់ ខណៈពេលដែល ចុះមកខាងក្រោយត្រាក់ទ័រកាន់កូនសោ យកក្បាលស៊កខាងលើផាល ហើយលើកដៃ រុញចង្កេះលេខកន្លែងឲ្យត្រាក់ទ័រនោះលើកផាល។
លោក ធាង ឡេង អធិការនគរបាលស្រុកវាលវែង បានឲ្យដឹងនៅម៉ោ៥ល្ងាចនេះថា កាលពីវេលាម៉ោង ១និង០០នាទី រសៀលថ្ងៃទី០៩ ខែវិច្ឆិកា ឆ្នាំ២០១៥ ក្នុងភូមិឆាយលូក ឃុំអូសោម ស្រុកវាលវែង ខេត្តពោធិ៍សាត់ ដោយបុរសរងគ្រោះម្នាក់ឈ្មោះ ភា អាយុ២៦ឆ្នាំ ស្រុកកំណើតនៅ កោះដាច់ ខេត្តកណ្ដាល ដែលជាតៃកុងត្រាក់ទ័រ ភ្ជួរដីចំការនៅភូមិកើតហេតុខាងលើ ត្រូវបានផាលអាត្រាក់ទ័រកៀបក្បាល ជាប់ខាងក្រោយស្លាប់ដោយខុសបច្ចេកទេសខ្លួនឯង។
លោក ឡេង បន្តថា ខណៈដែលបុរសនេះបញ្ចេះត្រាក់ទ័រ បម្រុងទៅភ្ជួរដីចំការ ដោយសារតែផាលត្រាក់ទ័រនោះ អត់ឡើង ក៏ចុះមកខាងក្រោយត្រាក់ទ័រកាន់កូនសោ យកក្បាលស៊កខាងលើផាល ហើយលើកដៃ រុញចង្កេះលេខកន្លែងឲ្យត្រាក់ទ័រនោះលើកផាល ទំនងភ្លេចគិត ក៏ត្រាក់ទ័រនោះ ទាញផាលឡើងលើកៀបក្បាលខ្លួនឯងស្លាប់តែម្ដង៕
តៃកុងត្រាក់ទ័រម្នាក់ត្រូវផាលត្រាក់ទ័រកៀបក្បាលស្លាប់យ៉ាងអាណោចអាធ័ម
0 Comments