ទីក្រុងអារិហ្សូណាដ៏តូច ជាកន្លែងដែលនាងខេឡា ជិន មូអេលី (Kayla Jean Mueller) ធំដឹងក្តីនោះ បានជួបជុំគ្នាកាន់ទុក្ខនៅថ្ងៃអង្គារ ដោយបានដឹងថា បុគ្គលិកជំនួយអាយុ២៦ឆ្នាំ ដែលបានធ្វើដំណើរជុំវិញពិភពលោកនៅក្នុងការស្វែងរកដើម្បីជួយអ្នកដ៏ទៃនោះបានស្លាប់នៅក្នុងខណៈពេលស្ថិតនៅក្នុងដៃរបស់ពួកសកម្មប្រយុទ្ធរដ្ឋឥស្លាម។
នៅក្រុងវ៉ាស៊ីងតោន ប្រធានាធិបតីលោកបារ៉ាក់អូបាម៉ា (Obama) បានសន្យាថានឹងនាំពួកអ្នកចាប់នាងមូអេលីធ្វើចំណាប់ខ្មាំងទៅកាន់តុលាការ "មិនថា វាចំណាយពេលយូរប៉ុណ្ណានោះទេ"។
ការចាប់នាងមូអេលីធ្វើជាចំណាប់ខ្មាំងរយៈពេល១៨ខែ ត្រូវបានគេរក្សាទុកជាសម្ងាត់នៅក្នុងកិច្ចប្រឹងប្រែងដើម្បីជួយរាងនាង។ ក្រុមរដ្ឋឥស្លាមបានអះអាងនៅថ្ងៃសុក្រថា នាងបានស្លាប់នៅក្នុងការវាយប្រហារតាមអាកាសរបស់ប្រទេសហ្សកដានី កាលពីពេលថ្មីៗដែលសំដៅទៅលើពួកសកម្មប្រយុទ្ធ។ នៅថ្ងៃអង្គារឪពុកម្ដាយរបស់នាង និងពួកមន្ត្រីសហរដ្ឋអាមេរិកបានបញ្ជាក់អះអាងពីការស្លាប់របស់នាង។ មន្ទីរប៉ង់តាហ្កោននិយាយថា មន្ត្រីសហរដ្ឋអាមេរិកនមិនដឹងថា តើនាងស្លាប់យ៉ាងម៉េចឫនៅពេលណានោះទេ ប៉ុន្តែប្រាកដថាមិនមែនស្លាប់ដោយសារការវាយប្រហារតាមអាកាសរបស់ហ្សកដានីទេ៕
រឹទ្ធ
0 Comments