ភ្នំពេញ ៖ អតីតម្ចាស់ពានរង្វាន់តារាចម្រៀងសាកលថ្នាក់ជាតិ អ្នកនាងសាំង សុម៉ាលីដែត ត្រូវជាចៅស្រីបង្កើតរបស់លោកយាយ ចេក ម៉ាច ជាអ្នកចម្រៀងយីកេដ៏ល្បីល្បាញ កាលពីជំនាន់ដើមបន្ទាប់ពីផ្អាកពីការងារសិល្បៈទាំងស្រុង ទៅរស់នៅសាងសុភមង្គលស្នេហ៍ជាមួយស្វាមីជាច្រើនឆ្នាំឯសហរដ្ឋអាមេរិកយ៉ាងសុខស្រួលមកនោះ ឥឡូវត្រូវរងការចោទ ពីសំណាក់ម្ចាស់ហាងលក់សម្លៀកបំពាក់ទេពីថា សាំង សុម៉ាលីដែត ធ្លាប់បោកយកសម្លៀកបំពាក់២០កំប្លេ ទៅស្លៀក តែបែរជាមិនឲ្យលុយ។
ថ្មីៗនេះនៅលើបណ្ដាញសង្គមយក្សហ្វេសប៊ុក ត្រូវបានទស្សនិកជនប្រទះឃើញម្ចាស់ហាងលក់សម្លៀកបំពាក់ទេពីសរសេរសាបង្ហោះជាសាធារណៈ ដៀលអតីតតារាចម្រៀងសាំង សុម៉ាលីដែត ដោយចំៗថា ស្អាតបាតណាស់ តែចរិតអន់យកសម្លៀកបំពាក់ពីហាងគេរាប់ឆ្នាំទៅច្រៀង ធ្វើមិនដឹង ។ តើអ្នកជាមនុស្សបែបណា២០កំប្លេ អូនរស់នៅស្រុកគេយ៉ាងមានសេចក្ដីសុខ …….។
ប្រភពខាងលើបានបញ្ជាក់ថា ដំបូងគាត់(សុម៉ាលីដែត )អាសាយកសម្លៀកបំពាក់ខ្ញុំឡើងឆាក់ណាស់ដ៏ពេលគាត់ត្រូវការទៅក្រៅប្រទេស គាត់ក៏ថា ជួលសម្លៀកបំពាក់ស្លៀកដោយឲ្យខ្ញុំរាប់ឲ្យគាត់ ហើយគាត់ជួលដូចជាឲ្យខ្ញុំ៤០$ ក្នុង១ខែដ៏ជើងក្រោយទៀត ក៏ប្រាប់ថា បងខ្ញុំត្រូវការសម្លៀកបំពាក់ទៅច្រៀងនៅក្រៅប្រទេសទៀត ខ្ញុំក៏រៀបចំឲ្យគាត់ទាំងថ្មីទាំងចាស់ជិត២០កំប្លេឲ្យខ្ញុំដូចជា៥០$។
តាមរយៈសារដដែលនោះ ត្រូវបានម្ចាស់ហាងលក់សម្លៀកបំពាក់ទេពីបន្ថែមថា បើរហូតមកទល់ពេលនេះមានរយៈពេលប្រហែលជិត៣ឆ្នាំហើយ ខ្ញុំព្យាយាមទាក់ទងទៅគាត់ដែលតែទាំងម៉ាក់ប៉ាគាត់ និងគាត់នៅស្រុកគេនិងធ្វើមិនដឹងគួរណាស់ គាត់តើត្រូវ callមកប្រាប់ខ្ញុំបើអត់ប្រាប់មកខ្ញុំឲ្យខោអាវនេះតែគាត់គ្មានភាពថ្លៃថ្នូរទេយករបស់គេ ហើយធ្វើមិនដឹងមិនគិតថា ជាកំលាំងញើសឈាមគេទេ …..។
យ៉ាងណាមិញជុំវិញរឿងរ៉ាវនៃចោទប្រកាន់ ពីសំណាក់ម្ចាស់ហាងលក់សម្លៀកបំពាក់ទេពីទៅលើអតីតតារាចម្រៀងអ្នកនាង សាំង សុម៉ាលីដែត នេះដែរយើងក៏មិនទាន់អាចសន្និដ្ឋានបានទេថា តើវាជារឿងពិតឬមួយយ៉ាងណានៅឡើយទេ ខណៈពេលនេះយើងមិនទាន់មានការភ្លឺណាមួយពីអ្នកនាង សាំង សុម៉ាលីដែតនោះ៕
សាំង សុម៉ាលីដែត ត្រូវម្ចាស់ហាងទេពី ចោទថាបោកយកសម្លៀកបំពាក់២០កំប្លេ
0 Comments