ក្រោយពីទទួលបានការសម្ងាត់រួចមក ក្រុមនគរបាល ចាប់ខ្លួនបានពួកឧទ្ទាមម៉ៅនិយមចំនួន៥នាក់ដែលមកពីក្រុមជីវពល JJMP នៅក្នុងរដ្ឋភាគខាងកើតចាខាន់ប្រទេសឥណ្ឌា កាលពីថ្ងៃចន្ទម្សិលមិញនេះ។
ក្រុមនគរបាល បានចុះប្រតិបត្តិការរុករកមួយនៅតំបន់ព្រៃឌូនដ័រ ស្ថិតនៅជិតស្នងការដ្ឋាននគរបាលស្រុកប៉ាឡាមូ ក្រោយពីទទួលបានដំណឹងពីការលាក់ខ្លួនរបស់ពួកឧទ្ទាមម៉ៅនិយមនៅទីនោះ។
ស្នងការនគរបាលស្រុកប៉ាឡាមូ គឺលោកម៉ាយូ ប៉ាតែល បាននិយាយថា ពួកគេបានរកឃើញសញ្វវុធ និងគ្រាប់រំសូវជាច្រើន អំឡុងការវាយឆ្មក់លើកនេះ។
លោកប៉ាតែល បានបន្តទៀតថា អង្គភាពរបស់លោកចាប់ខ្លួនពួកឧទ្ទាមម៉ៅនិយម បានចំនួន៥នាក់ ដែលជាបណ្តាញរបស់ក្រុមជីវពល JJMP ហើយបានរកឃើញអាវុធប្រភេទ ៣១៥ចំនួន៥ដើម និងគ្រាប់រំសេវជាច្រើនទៀត។
សូមបញ្ជាក់ថា ពួកឧទ្ទាមម៉ៅនិយម ដែលច្រើនគេស្គាល់ថា ក្រុមឧទ្ទាម “ណាហ្សាល់” នៅក្នុងប្រទេសឥណ្ឌានោះ បានបង្កអំពើហិង្សាឥតឈប់ ក្នុងគោលបំណងដើម្បីផ្តួលរំលំរដ្ឋាភិបាលរបស់ប្រទេសឥណ្ឌា ហើយបានធ្វើសង្គ្រាមជាមួយក្រុមអាជ្ញាធរ អស់រយៈពេលច្រើនទសវត្សរ៍មកហើយ ពិសេសនៅគឺតាមតំបន់ដាច់ស្រយាលឆ្ងាយៗ ដែលស្ថិតនៅភាគកណ្តាល និងភាគខាងកើតប្រទេសឥណ្ឌា៕
ក្រុមនគរបាលចាប់ខ្លួនបានពួកឧទ្ទាមម៉ៅនិយម៥នាក់ នៅតំបន់ភាគខាងកើតប្រទេសឥណ្ឌា
0 Comments