គេនិយាយទៀតថា បច្ចុប្បន្នគេសង្កេតឃើញថា ស្ថានភាពសេដ្ឋកិច្ចរបស់នាងហាក់មានភាពធូរធារយ៉ាងឆាប់រហ័ស ពោលមានរថយន្តទំនើបLexus 470 ជិះ ប្រើប្រាស់របស់សុទ្ធតែល្អៗ មានប្រាក់ចាយពេញៗដៃ ហើយមិនតែប៉ុណ្ណោះនាងថែមទាំងបានបើកសម្អាងការនៅម្តុំរោងកុនលុច្ស ដែលបានដាក់ឈ្មោះថា«សម្អាងការ ចរិយា ពេជ្រ» ដែលធ្វើឲ្យអ្នកក្នុងរង្វង់សិល្បៈនាំគ្នាឆ្ងល់ថា តើ ចរិយា ពេជ្រ នាងបានប្រាក់មកពីណារាប់ម៉ឺនដុល្លារ ដើម្បីបើកមុខជំនួញ និងទិញឡានជិះនោះ ហើយប្រសិនបើរំពឹងទៅលើកម្រៃដែលបានពីអាជីពសិល្បៈវិញ គឺនាងមិនអាចធ្វើមាន ធ្វើបានយ៉ាងលឿនដូច្នេះទេ។
អ្នកសិល្បៈម្នាក់ដែលជាក្រុមសំដែងនៅ My TV បានឲ្យដឹងថា ភាពហ៊ឺហាដែល ចរិយា ពេជ្រកំពុងតែបង្អួតភ្នែកមហាជននេះ គឺដោយសារតែមានបុរសអាណិកជនខ្មែររស់នៅអូស្ត្រាលី មានវ័យជិត៤០ឆ្នាំ ដែលជាអ្នកជំនួញឆ្លងទ្វីប មានទ្រព្យស្ដុកស្ដម្ភ និងមានក្រុមហ៊ុនដាក់ទុននៅប្រទេសកម្ពុជាដែរនោះ ជួយទំនុកបម្រុងនាង ដូច្នេះហើយទើបកញ្ញាឯកប្រ៊ីសស្តុកជ័យលាភីលេខ២ ឆ្នាំ២០១១រូបនេះ ក្លាយជាអ្នកមានដោយមិនបាច់ខំប្រឹង។
គេបញ្ជាក់ទៀតថា ថ្មីៗនេះ គេបានឃើញតារាសំដែងកញ្ញា ចរិយា ពេជ្រ បណ្ដើរបុរសម្នាក់ក្នុងសភាពស្និទ្ធស្នាលមកដល់ស្ថានីយទូរទស្សន៍ My TV ថែមទៀតផង ដែលគេនាំគ្នាសន្និដ្ឋានថា បុរសនោះពិតជាគូស្នេហ៍ឆ្លងទ្វីបរបស់នាង។ «កម្ពុជាថ្មី» មិនមានលេខទូរស័ព្ទតារាសំដែងកញ្ញាចរិយា ពេជ្រ ដើម្បីខលសួរនាំទាក់ទងនឹងការនិយាយលើកឡើងពីពួកមាត់ចាបមាត់ព្រាបខាងលើនេះបានទេ៕
លេចឮថា ចរិយា ពេជ្រ មានបុរសអាណិកជនខ្មែរអូស្ត្រាលីជួយជ្រោមជ្រែង
0 Comments