រតនគិរី ៖ យុវជនម្នាក់ ត្រូវបានកម្លាំងនគរបាលអធិការនគរបាលក្រុងបានលុង ធ្វើការឃាត់ខ្លួន ពាក់ព័ន្ធនឹងការប្រើប្រាស់ហិង្សាដោយចេតនា។ (ប្រើប្រាស់ដាវសាំម៉ូរ៉ៃ)។ ការឃាត់ខ្លួនយុវជននេះ កាលវេលាម៉ោង៣និង៣០នាទីរសៀល ថ្ងៃអង្គារ ៨កើត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១២ ខែកុម្ភៈ ឆ្នាំ២០១៩កន្លងទៅ នៅចំណុចខាងកើតផ្សារក្រុងបានលុង ស្ថិតក្នុងភូមិជ័យជំនះ សង្កាត់ឡាបានសៀក ក្រុងបានលុង។
សមត្ថកិច្ចនគរបាលបានឲ្យដឹងថា ជនសង្ស័យ ឈ្មោះ គឹម ម៉េងគាង ភេទប្រុស អាយុ២០ឆ្នាំ ជនជាតិខ្មែរ មានទីលំនៅភូមិដីឡូត៍ ឃុំជ័យឧត្តម ស្រុកលំផាត់ ខេត្តរតនគិរី មានមុខរបរ ជាងឈើ។
បច្ចុប្បន្ន ជនសង្ស័យ ត្រូវបានឃាត់ខ្លួនបណ្ដោះអាសន្ននៅអធិការដ្ឋាននគរបាលក្រុងបានលុង ដើម្បីធ្វើការស្រាវជ្រាវ និងបំពេញសំណុំរឿងបញ្ជូនទៅអយ្យការអមសាលាដំបូងខេត្ត ចាត់វិធានការតាមនីតិវិធីច្បាប់៕
Source: Kampuchea Thmey Daily
0 Comments