ការប្រយុទ្ធគ្នាដ៏សាហាវសម្រាប់មូលដ្ឋានចុងក្រោយរបស់ក្រុមរដ្ឋឥស្លាមនៅភាគខាងកើតប្រទេសស៊ីរី បានឈានចូលដល់ថ្ងៃទី៥ហើយនៅថ្ងៃពុធ ខណៈក្រុមគ្រួសារដែលអស់កម្លាំង បានចាកចេញពីទឹកដី ដែលកំពុងថយចុះដែលទីតាំងរបស់ក្រុមជីហាដនិយមកំពុងត្រូវបានវាយលុកដោយកងកម្លាំងដែលដឹកនាំដោយពួកឃើដ។
មនុស្សរាប់រយនាក់បានភៀសខ្លួនទាំងយប់ទាំងថ្ងៃចេញពីទីប្រជុំជន Baghouz ក្បែរតំបន់ដែលពួកយុទ្ធជន IS កំពុងឈរជើងចុងក្រោយ។
ក្រុមជ្រុលនិយមបានប្រកាសរដ្ឋ “caliphate” ឆ្លងកាត់ព្រំដែននៅក្នុងប្រទេសស៊ីរីនិងអ៊ីរ៉ាក់កាលពីឆ្នាំ២០១៤ប៉ុន្តែយុទ្ធនាការយោធាជាច្រើនបានធ្វើឲ្យដែនដីរបស់ខ្លួនធ្លាក់ចុះមកនៅតិចជាង៤គីឡូម៉ែត្រការ៉េនៅលើព្រំដែនអ៊ីរ៉ាក់។
បន្ទាប់ពីបានផ្អាករយៈពេលជាងមួយសប្តាហ៍ដើម្បីអនុញ្ញាតឲ្យជនស៊ីវិលចាកចេញ កងកម្លាំងប្រជាធិបតេយ្យស៊ីរី (SDF) បានប្រកាសការវាយលុកចុងក្រោយដើម្បីដណ្តើមទឹកដីពីពួកជ្រុលនិយមវិញកាលពីថ្ងៃសៅរ៍ដោយមានជំនួយពីយន្តហោះចម្បាំងនិងកាំភ្លើងធំរបស់ក្រុមចម្រុះដឹកនាំដោយអាមេរិក។
អ្នកនាំពាក្យ SDF លោក Mustefa Bali បាននិយាយកាលពីថ្ងៃអង្គារថា ជនស៊ីវិលចំនួន៦០០នាក់បានភៀសខ្លួនចេញពីតំបន់ប្រយុទ្ធនៅពេលយប់ហើយក្រុមឃ្លាំមើលសង្គ្រាមស៊ីរីដែលមានមូលដ្ឋាននៅចក្រភពអង់គ្លេសបាននិយាយថាមនុស្ស៣៥០នាក់ផ្សេងទៀតបានចាកចេញនៅថ្ងៃនោះ។
សង្កាត់ភាគច្រើនបានស្ថិតនៅក្រោមការគ្រប់គ្រងរបស់ SDF ប៉ុន្ដែផ្នែកភាគខាងត្បូងនៃទីក្រុងតូចមួយដែលសំឡេងនៃការប្រយុទ្ធអាចស្ដាប់ឮគឺនៅតែត្រូវបានកាន់កាប់ដោយក្រុម IS ។
មិនមានអង្គការក្រៅរដ្ឋាភិបាលដទៃទៀតឬភ្នាក់ងារអង្គការសហប្រជាជាតិណាមួយនៅកន្លែងជម្លៀសមនុស្សនោះទេ។
មនុស្សចំនួន៦នាក់ដែលស្ថិតក្នុងចំណោមអ្នកមកដល់ថ្មីគឺជាបុរសពេញវ័យ។ អ្នកផ្សេងទៀតគឺជាស្ត្រីនិងកុមារ។
ប្រហែលពាក់កណ្តាលគឺជាស្ត្រីសញ្ជាតិអ៊ុយក្រែនឬរុស្ស៊ីនិងកូនៗរបស់ពួកគេខណៈដែលភាគច្រើននៃអ្នកផ្សេងទៀតគឺជាជនជាតិស៊ីរី៕ AFP
Source: Kampuchea Thmey Daily
0 Comments