ស្ទឹងត្រែង ៖ រថយន្តប៉ែនដឹកឈើ១គ្រឿងត្រូវបានកម្លាំងកងរាជអាវុធហត្ថតាមប្រមាញ់រហូតស្ទាក់ចាប់បាន និងឃាត់ខ្លួនមនុស្ស២នាក់បញ្ជូនទៅទីបញ្ជាការអាវុធហត្ថខេត្ត។
រថយន្តដឹកឈើខាងលើត្រូវអាវុធហត្ថស្ទាក់ចាប់បានកាលពីវេលាម៉ោង១១និង៣០នាទីយប់ ថ្ងៃទី២ ខែតុលា ឆ្នាំ២០១៥ នៅចំណុចគីឡូម៉ែត្រ៦ ស្ថិតក្នុងភូមិរាជានិកូល សង្កាត់-ក្រុងស្ទឹងត្រែង ក្រោយពីធ្វើការ ដឹកចេញពីចំណុចជិតគល់ស្ពានមេគង្គ។ ក្នុងនោះដែរសមត្ថកិច្ចបានឃាត់ខ្លួនអ្នកបើកបរ និងអ្នករត់ការបញ្ជូនទៅបញ្ជាការអាវុធហត្ថ ហើយនៅព្រឹកថ្ងៃទី២ ខែតុលានេះ អាវុធហត្ថកំពុងធ្វើកំណត់ហេតុប្រគល់ប្រគល់ឲ្យជំនាញរដ្ឋបាលព្រៃឈើចាត់ការបន្ត ប៉ុន្តែមិនទាន់ស្គាល់ឈ្មោះអ្នកទាំង២នោះនៅឡើយ។ ចំណែកឈើត្រូវបានបញ្ជូនទៅកាន់ខណ្ឌរដ្ឋបាលព្រៃឈើដើម្បីធ្វើការរាប់ចំនួន៕
អាវុធហត្ថតាមប្រមាញ់រថយន្តប៉ែនដឹកឈើ ដោយឃាត់ខ្លួនមនុស្ស២នាក់រួមនឹងឈើ
0 Comments