កំពត ៖ ជនសង្ស័យ ជួញដូរ និងប្រើប្រាស់គ្រឿងញៀន ចំនួន ០៥ នាក់ រួមនឹងវត្ថុតាង ត្រូវបាន កម្លាំងនៃការិយាល័យ កណ្តាលនគរបាល ព្រហ្មទណ្ឌ ដឹកនាំដោយ លោកឧត្តមសេនីយ៏ត្រី ម៉ៅ ច័ន្ធមធុរិទ្ធ ស្នងការខេត្តកំពត សហការជាមួយមន្ទីរប្រឆាំងគ្រឿងញៀនក្រសួងមហាផ្ទៃ ធ្វើការឃាត់ខ្លួនជនសង្ស័យចំនួន ០២ នាក់ កាលពីវេលាម៉ោង ១ និង៣០នាទីយប់ ថ្ងៃទី ១១ ខែ វិច្ចិកា ឆ្នាំ២០១៥ នៅចំណុច ក្នុងភូមិទ្វីខ/ជ សង្កាត់អណ្ដូងខ្មែរ ក្រុងកំពត។
ជនសង្ស័យទាំង៥នាក់នោះ ត្រូវបានគេស្គាល់ឈ្មោះ៤នាក់ ទី១. ប៊ិ សុភ័ក្រ ឬប៊ិ សុវណ្ណរ៉ា អាយុ៣៤ឆ្នាំ រស់នៅភូមិសាគរ សង្កាត់កំពង់កណ្ដាល។ ទី២. អ៊ុង តាន់ អាយុ២៧ឆ្នាំ រស់នៅភូមិគ្រៀល ឃុំជុំគ្រៀល ស្រុកទឹកឈូ។ ទី៣ញឹម បុទុម ភេទប្រុស អាយុ៣៤ឆ្នាំ ភូមិស្វាយធំ សង្កាត់ក្រាំងអំពិល ក្រុងកំពត។ ទី៤. ស៊ី រតនា ភេទប្រុស អាយុ២៤ឆ្នាំ រស់នៅ សង្កាត់អណ្ដូងខ្មែរ ក្រុងកំពត។
លោកវរសេនីយ៍ទោ លក ញ៉ាវ នាយរងការិយាល័យព្រហ្មទណ្ឌកម្រិតធ្ងន់ ស្នងការដ្ឋានខេត្តបានឲ្យដឹងថា ជនសង្ស័យចែកចាយ និងប្រើប្រាស់គ្រឿងញៀន៥នាក់ ត្រូវកម្លាំងសមត្ថកិច្ចនគរបាលខេត្តសហការជាមួយមន្ទីរប្រឆាំងគ្រឿងញៀនក្រសួងមហាផ្ទៃ ឃាត់ខ្លួននៅចំណុចផ្ទះជួល ក្នុង ភូមិ ឃុំ ខាងលើ។
លោកបានបន្តទៀតថា វត្ថុតាងរឹបអូសដែលសមត្ថកិច្ចដកហូតបានរួមមានដកហូតម្សៅថ្នាំញៀនចំនួន២កញ្ចប់ ឧបករណ៍កែច្នៃសម្រាប់ជក់២ សម្រាប់ជញ្ជីងថ្លឹង២គ្រឿង គ្រាប់អាវុធខ្លី២២គ្រាប់ទូរស័ព្ទដៃ៧គ្រឿង អាយផេត០១ លុយខ្មែរជាង២០ម៉ឺនរៀល ម៉ូតូ៤គ្រឿង និងរថយន្ត camry ហាយព្រីតស៊េរី ២០០៨ ១គ្រឿង។
បច្ចុប្បន្នជនសង្ស័យក្រោយពីសមត្ថកិច្ចធ្វើការសាកសួររួច បានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕
កម្លាំងចម្រុះសហការជាមួយក្រសួងមហាផ្ទៃ ឃាត់ខ្លួនជនសង្ស័យពាក់ព័ន្ធនឹងគ្រឿងញៀន៥នាក់ រួមនឹងវត្ថុតាង
0 Comments