កាលពីថ្ងៃពុធ ក្រុមហ៊ុន Facebook Inc (FB.O) បានឱ្យដឹងក្នុងរបាយការណ៍មួយថា ការទាមទាររបស់រដ្ឋាភិបាលសម្រាប់បញ្ហាទិន្នន័យអ្នកប្រើរបស់ខ្លួន បានកើនឡើង នៅក្នុងឆមាសទីមួយនៃឆ្នាំ២០១៥ ដោយទទួលបាននិន្នាការយ៉ាងហោចណាស់ ២ឆ្នាំមុន នៅពេលដែលក្រុមហ៊ុននេះបានចាប់ផ្តើមបង្ហាញសំណើបែបនេះសម្រាប់ជាការលើកកម្ពស់ថ្មីមួយ។
ការចូលដំណើរការរបស់រដ្ឋាភិបាល ទៅលើទិន្នន័យផ្ទាល់ខ្លួន ពីក្រុមហ៊ុនទូរស័ព្ទ និងបណ្តាញបានក្លាយទៅជាបញ្ហាមួយ ដោយមានភាពចម្រូងចម្រាសចំពោះបញ្ហាភាពឯកជនមួយ ចាប់តាំងពីអតីតបុគ្គលិករបស់ទីភ្នាក់ងារចារកម្មលោក Edward Snowden បានបង្ហាញថា កម្មវិធីបានឃ្លាំមើលដោយលួចលាក់។
ឧស្សាហកម្មបច្ចេកវិទ្យា បានជំរុញអោយមានតម្លាភាពស្តីពីសំណើទិន្នន័យរបស់រដ្ឋាភិបាល ក្នុងការស្វែងរកដំណោះស្រាយពីការព្រួយបារម្ភថា ពួកគេកំពុងធ្វើការជាមួយនឹងរដ្ឋាភិបាលហើយរំលោភលើសិទ្ធិឯកជនរបស់អ្នកប្រើប្រាស់។
របាយការណ៍ឆមាសរបស់ Facebook គឺជាការចាប់អារម្មណ៍មួយ ដែលជាប្រធានសូចនាករនៃរដ្ឋាភិបាល នៅក្នុងទិន្នន័យរបស់ក្រុមហ៊ុននេះ។ ប្រព័ន្ធផ្សព្វផ្សាយសង្គមដ៏ធំនេះ មិនត្រូវបានអនុញ្ញាតឱ្យផ្សាយជាសាធារណៈ សម្រាប់សំណើជាក់លាក់ក្នុងការអនុវត្តដោយច្បាប់ និងទីភ្នាក់ងារចារកម្មនោះទេ។
ហ្វេសប៊ុកបានឱ្យដឹងក្នុងរបាយការណ៍ ដែលគេបានបង្ហោះនៅលើគេហទំព័ររបស់ខ្លួនថា រដ្ឋាភិបាលបានស្នើសុំទិន្នន័យនៃគណនីនៅទូទាំងពិភពលោក ដែលបានកើនឡើង ១៨ ភាគរយនៅឆមាសទីមួយក្នុងឆ្នាំ២០១៥ ដែលមានចំនួនដល់ទៅ ៤១,២១៤ គណនី កើនឡើងពីចំនួន ៣៥,០៥១ ដែលជាសំណើនៅក្នុងឆមាសទីពីរនៃឆ្នាំ២០១៤។
នៅក្នុងពាក់កណ្តាលឆមាសទី ១ នៃឆ្នាំនេះ បណ្តាញ Facebook ដកចេញការបង្ហោះជាង ២០,៥៦៨ និងបំណែកផ្សេងទៀតនៃមាតិកា ដែលរំលោភច្បាប់ក្នុងស្រុក ដែលមានចំនួនច្រើនជាងទ្វេដងនៃចំនួននៅក្នុងឆមាសទីពីរនៃឆ្នាំ២០១៤។
អ្នកប្រើហ្វេសប៊ុកបានកើនឡើង ១.៥៥ ពាន់លាននាក់ ដែលជាការកើនឡើងពីកម្រិត ១.៤ ពាន់លាននាក់ កាលពីឆមាសទីពីរនៃឆ្នាំមុន។
ជាញឹកញាប់ រដ្ឋាភិបាលបានធ្វើការស្នើជាមូលដ្ឋាន សម្រាប់អាសយដ្ឋានអ្នកប្រើប្រាស់ លេខ IP ឬមាតិការបស់គណនី រួមទាំងអ្វីៗ ដែលមនុស្សបានបង្ហោះលើបណ្តាញ។
ភាគច្រើននៃសំណើរបស់រដ្ឋាភិបាល បានមកពីទីភ្នាក់ងារអនុវត្តច្បាប់របស់សហរដ្ឋអាមេរិក។ ភ្នាក់ងាររបស់អាមេរិក បានស្នើសុំទិន្នន័យពីគណនីជាង ២៦,៥៧៩ ដែលមានចំនួនច្រើនជាង ៦០ ភាគរយនៃសំណើនៅទូទាំងពិភពលោក ដែលបានកើនពីចំនួន ២១,៧៣១ គណនីនៅក្នុងឆមាសទីពីរនៃឆ្នាំ២០១៤។
ហ្វេសប៊ុកបានឱ្យដឹងថា បារាំង អាល្លឺម៉ង់ និងប្រទេសអង់គ្លេស ក៏បានធ្វើឱ្យមានចំនួនភាគរយដ៏ធំនៃសំណើ ហើយបានដាក់កំហិតលើមាតិកា ដែលបានបង្ហោះក្នុងឆ្នាំ២០១៥។
ប្រទេសឥណ្ឌា និងប្រទេសទួរគី ត្រូវបានទទួលខុសត្រូវចំពោះមាតិកា ដែលបានរំលោភលើច្បាប់ក្នុងស្រុក។ ប្រទេសឥណ្ឌាមានចំនួន ១៥,១៥៥ នៃមាតិកា ដែលបានដាក់កំហិត ដែលមានកម្រិតចំនួនច្រើនជាង ៣ ដង នៅក្នុងឆមាសទីពីរនៃឆ្នាំ ២០១៤ ខណៈពេលដែលតួកគីមានចំនួន ៤,៤៩៦ កើនឡើងពីកម្រិត ៣,៦២៤។ ចំនួនអ្នកប្រើប្រាស់ហ្វេសប៊ុក នៅក្នុងប្រទេសឥណ្ឌា បានកើនឡើងដល់ ៧០ លាននាក់ ចាប់តាំងពីខែមិថុនា ឆ្នាំ២០១៤ ដែលសរុបមកមានចំនួន ១៩០ លាននាក់។
រដ្ឋាភិបាលបានធ្វើការពឹងផ្អែកកាន់តែខ្លាំងឡើង ចំពោះហ្វេសប៊ុកទៅលើភាពដ៏ល្វឹងល្វើយនៃទិន្នន័យអ្នកប្រើប្រាស់ ដើម្បីជួយស៊ើបអង្កេតករណីព្រហ្មទណ្ឌ សម្រាប់ភាគច្រើននៃសំណើដែលគេហទំព័រ Facebook បាននិយាយ។
“Facebook មិនបានផ្តល់ឱ្យរដ្ឋាភិបាលនូវ “ច្រកចូលទិន្នន័យ” ណាមួយ ឬក៏អនុញ្ញាតឱ្យចូលដំណើរការដោយផ្ទាល់លើទិន្នន័យប្រជាជននោះទេ”។ នេះបើតាមហ្វេសប៊ុកបានសរសេរ។
Facebook, Microsoft Corp (MSFT.O), Yahoo Inc (YHOO.O) និង Alphabet Inc (GOOGL.O) ជាអតីតក្រុមហ៊ុន Google កាលពីឆ្នាំមុន បានចាប់ផ្តើមបោះពុម្ភផ្សាយភាពលម្អិតអំពីចំនួននៃសំណើរបស់រដ្ឋាភិបាល សម្រាប់ទិន្នន័យ ដែលពួកគេទទួលបាន៕
ហ្វេសប៊ុក រាយការណ៍ពីការកើនឡើង នៃសំណើរបស់រដ្ឋាភិបាល សម្រាប់បញ្ហាទិន្នន័យ
0 Comments