ភ្នំពេញ ៖ តារាសម្តែងប្រុសរូបសង្ហាលោក រតនៈ ពិសិទ្ធ ថ្មីៗនេះបានបង្កការភ្ញាក់ផ្អើលខ្លាំងដល់ទស្សនិកជនអ្នកគាំទ្រ ខណៈដែលរូបថតបង្ហាញពីការស្លាប់ក្នុងមន្ទីរពេទ្យរបស់លោក ត្រូវបានអ្នកនិយមលេងបណ្តាញសង្គមហ្វេសប៊ុកយកទៅបង្ហោះនិងចែកចាយបន្ត ហើយចែករំលែកឲ្យគ្នាពីមួយទៅមួយធ្វើឲ្យមានការសួរដេញដោលចង់ដឹងការពិតថា តើវាជារឿងពិតមែនទែនឬមួយយ៉ាងណានោះ ?
យោងតាមរូបភាព ដែលបានបង្ហោះភ្ជាប់ជាមួយការសរសេរសារបង្ហាញនៅលើបណ្តាញសង្គមហ្វេសប៊ុក បានលើកឡើងថា “លោក រតនៈ ពិសិទ្ធ តារាសម្តែងកើតចាស់ឈឺស្លាប់ វាមិនទៀង តែអ្វីដែលសោកស្តាយស្លាប់ទាំងវ័យក្មេងហើយទុកមនុស្សដែលខ្លួនស្រលាញ់ចោល មិនដឹងថាអារម្មណ៍អ្នកនៅរស់សោកសៅសង្វេគយ៉ាងណា ? ចូលរួមរំលែកទុក្ខផង”។
តាមរយៈការលេចឮដំណឹង នៃការស្លាប់របស់តារាសម្តែងលោក រតនៈ ពិសិទ្ធ ពេលនេះបានធ្វើឲ្យមានការភ្ញាក់ផ្អើល និង ចាប់អារម្មណ៍ជាខ្លាំងដល់អ្នកលេងហ្វេសប៊ុក បន្ទាប់ពីរូបភាពដេកស្លាប់មានគ្របក្រណាត់សរបស់លោក កំពុងតែចែកចាយពាសពេញបណ្តាញសង្គមដ៏ពេញនិយមមួយនេះ។ ប៉ុន្តែមិនទាន់ដឹងមូលហេតុច្បាស់ទេ តើតារាប្រុសរូបនេះពិតជាស្លាប់មែនទេ?
ដើម្បីចង់ដឹងរឿងនេះពិត ឬ យ៉ាងណានោះកម្ពុជាថ្មី បានភ្ជាប់ការទំនាក់ទំនងតាមទូរស័ព្ទដើម្បីស្វែងរកការបញ្ជាក់ពីតារាប្រុសរូបនេះដែរ ប៉ុន្តែមិនអាចទាក់ទងបានឡើយនៅរសៀលថ្ងៃទី ១៣ ខែវិច្ឆិកា។
ប៉ុន្តែទោះបីជាយ៉ាងនេះក្តីក៏មានមិត្តភក្តិនៅក្នុងហ្វេសប៊ុកមួយចំនួនបានចេញមុខអះអាង និង លើកឡើងថា ការស្លាប់នេះគ្រាន់តែជាការថតសម្តែងក្នុងឈុតសាច់រឿងនោះទេ….! ព្រោះមើលទៅវាមិនមែនជាការពិតឡើយ៕
លោករតនៈ ពិសិទ្ធ ស្លាប់ហើយមែនទេ???
0 Comments