ការកើតអាការៈធាត់ប៉ះពាល់ដល់ទៅ១៨.៩ភាគរយនៃពលរដ្ឋប្រេស៊ីលរស់នៅតាមទីក្រុង ខណៈដែល៥៤ភាគរយ នៃអ្នកកើតអាការៈធាត់នោះ បានក្លាយទៅជាកើតជំងឺធាត់ ឬ លើសទម្ងន់ទៅហើយ។ នេះបើយោងតាមទិន្នន័យក្រសួងសុខាភិបាលចុះផ្សាយកាលពីថ្ងៃអង្គារ។
យោងតាមការឲ្យដឹងពី Vigitel ដែលជាការស៊ើបអង្កេតស្រាវជ្រាវមួយនៅក្នុងកត្តាហានិភ័យសុខភាពនិងជំងឺរ៉ាំរ៉ៃនៅទូទាំងប្រទេសនោះ អាការៈកើតធាត់បានកើនឡើងដល់ទៅ១១០ភាគរយក្នុងចំណោមមនុស្សវ័យក្មេងរវាងឆ្នាំ២០០៧ និងឆ្នាំ២០១៧។
ទោះជាយ៉ាងណាក៏ជាផ្នែកវិជ្ជមានវិញការសិក្សាស្រាវជ្រាវបានរកឃើញថា មានការកើនឡើងនូវសកម្មភាពរូបកាយ២៤.១ភាគរយរវាងឆ្នាំ២០០៩ និងឆ្នាំ២០១៧ និងមានការធ្លាក់ចុះការប្រើប្រាស់ភេសជ្ជៈមានជាតិឧស្ម័ន និងជាតិស្ករ ដល់ទៅ៥២,៨ភាគរយចន្លោះឆ្នាំ២០០៧ និងឆ្នាំ២០១៧។
ភេសជ្ជៈអស់ទាំងនេះធ្លាក់ចុះចំពោះមនុស្សធំដែលមានអាយុរវាង២៥និង៣៤ឆ្នាំនិងក្រុមមនុស្សអាយុលើសពី៦៥ឆ្នាំ។
ការងាកមករកការបរិភោគបន្លែ ផ្លែឈើក៏បានកើនឡើងដល់ទៅ៥ភាគរយរវាងឆ្នាំ២០០៨ និងឆ្នាំ២០១៧៕
ស៊ីនហួ
Source: Kampuchea Thmey Daily
0 Comments