ឃាត់ខ្លួនមនុស្សជាង៤០នាក់ ពាក់ព័ន្ធបញ្ចូលមេជីវិតឱ្យស្ត្រីពពោះ

Cambodia News June 22, 2018

ភ្នំពេញ ៖ កម្លាំងការិយាល័យប្រឆាំងការជួញដូរមនុស្ស និងការពារអនីតិជនក្រសួងមហាផ្ទៃសហការជាមួយកម្លាំងនគរបាលខណ្ឌឫស្សីកែវ កម្លាំងការិយាល័យជួញដូរផ្លូវភេទ និងការពារអនីតិជន អាជ្ញាធរខណ្ឌឫស្សីកែវ និងកម្លាំងកងរាជអាវុធហត្ថខណ្ឌឫស្សីកែវ បានចុះបង្ក្រាបករណីបញ្ចូលមេជីវិតឲ្យពពោះជំនួស ដោយធ្វើការឃាត់ខ្លួនបុរសជនជាតិចិនម្នាក់ រួមនឹងស្ត្រីមានផ្ទៃពោះជាង៤០នាក់នាក់ និងមេការ២នាក់ ផងដែរ។

ប្រតិបត្តិការនេះ ធ្វើឡើងនៅម៉ោង៧និង៣០នាទី យប់ថ្ងៃទី២១ ខែមិថុនា ឆ្នាំ២០១៨ ស្ថិតនៅចំណុចផ្ទះលេខ២អា និង៩អា ក្រុម៤ ភូមិ៤ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ។

សូមបញ្ជាក់ផងដែរថា ប្រតិបត្តិការនេះ មានការសម្របសម្រួលពីព្រះរាជអាជ្ញារង អមសាលាដំបូងរាជធានីភ្នំពេញ លោកកួច គឹមទ្បុង។

ការបង្ក្រាបនេះ សមត្ថកិច្ចឃាត់ខ្លួនបានជនសង្ស័យម្នាក់ ឈ្មោះ LlU QlANG ភេទប្រុស អាយុ៤៩ឆ្នាំ (ជនជាតិចិន) និងស្ត្រីពពោះចំនួនជាង៤០នាក់ មេការ២នាក់ និងដកហូតរថយន្ត២គ្រឿង រួមមាន រថយន្តឡិចស៊ីស 470 រថយន្តស៊ាំយ៉ុង និងម៉ូតូ១គ្រឿងផងដែរ។

នៅចំពោះមុខជនសង្ស័យ និងស្ត្រីពពោះ មេការ និងរថយន្ត ត្រូវបានសមត្ថកិច្ចប្រគល់ទៅកាន់ការិយាល័យជួញដូរផ្លូវភេទដើម្បីចាត់ការបន្តតាមនីតិវិធី៕