ប្រទេស​សហភាព​អឺរ៉ុប​ចំនួន​ប្រាំមួយ ​នឹង​ទទួលយក​ជនអន្តោប្រវេសន៍​ដែល​ជាប់​ក្នុង​កប៉ាល់​សង្គ្រោះ

ប្រទេស​របស់​សហភាព​អឺរ៉ុប​ចំនួន​ប្រាំមួយ ​បាន​យល់ព្រម​ទទួលយក​ជនអន្តោប្រវេសន៍​ជាង ២០០​នាក់​ដែល​ជាប់​នៅលើ​កប៉ាល់​ជួយសង្គ្រោះ​ជិត​ឆ្នេរសមុទ្រ​ប្រទេស​ម៉ា​ល់តា​។ នេះ​បើតាម​ការ​ឲ្យ​ដឹង​ពី​ប្រធានាធិបតី​បារាំង​លោក Emmanuel Macron កាលពី​ថ្ងៃ​អង្គារ ​បន្ទាប់ពី​មាន​ជម្លោះ​ប៉ុន្មាន​ថ្ងៃ​រវាង​រដ្ឋ​ជា​សមាជិក​លើ​ជោគវាសនា​របស់​ពួកគេ។

លោក Macron បាន​និយាយ​នៅក្នុង​ទីក្រុង​រ៉ូម​បន្ទាប់ពី​កិច្ចពិភាក្សា​ជាមួយ​សម្តេច​ប៉ាប Francis ថា រដ្ឋ​ជា​សមាជិក​នីមួយៗ​ដែល​រួមមាន​ទាំង​ប្រទេស​បារាំង អ៊ីតាលី​និង​ព័រ​ទុយ​ហ្គា​ល់​ផងដែរ​នោះ​នឹង​យក “​មនុស្ស​មួយចំនួន​” នៃ​ជនអន្តោប្រវេសន៍​ចំនួន​២៣៣​នាក់​នៅលើ​នាវា Lifeline។ ទោះបីជា​យ៉ាងណាក៏ដោយ​លោក Macron​ក៏បាន​រិះគន់​អង្គការក្រៅរដ្ឋាភិបាល​អាល្លឺម៉ង់​ដែល​កំពុង​ប្រតិបត្តិការ​នាវា​នេះ​ផងដែរ​សម្រាប់​ការរំលោភបំពាន “​ច្បាប់​ទាំងអស់​” ដោយ​ការចូល​មកជួយ​សង្គ្រោះ​ជនអន្តោប្រវេសន៍​ចំពេល​ដែល​ឆ្មាំ​សមុទ្រ​លី​ប៊ី​បានធ្វើ​អន្តរាគមន៍​រួចទៅហើយ​។​លោក​បាន​និយាយថា “​យើង​មិនអាច​ទទួលយក​ស្ថានភាព​នេះ​ជា​អចិន្ត្រៃយ៍​បានទេ​។ នៅ​ទីបញ្ចប់ យើង​នឹង​លេង​ជាមួយ​អ្នករត់ពន្ធ​មនុស្ស​”​។​មតិយោបល់​របស់លោក Macron បាន​កើតឡើង​បន្ទាប់ពី​ប្រទេស​ម៉ា​ល់តា​និយាយថា ខ្លួន​នឹង​អនុញ្ញាត​ឲ្យ​ជនអន្តោប្រវេសន៍​ចូលមក​ប្រសិនបើ​បណ្តា​
​
ប្រទេស EU ប្រើ​កូតា​របស់​ពួកគេ​។​ជោគវាសនា​របស់​នាវា​នេះ​ស្ថិតក្នុង​ភាពស្រពិចស្រពិល​ចាប់តាំងពី​សប្តាហ៍​មុន​

មក​ខណៈពេលដែល​សមាជិក​ប្លុក​នេះ​នៅតែ​មិន​យល់ស្រប​អំពី​របៀប​ដើម្បី​គ្រប់គ្រង​លំហូរ​នៃ​មនុស្ស​ដែល​កំពុង​ព្យាយាម​ទៅដល់​ទ្វីប​នេះ​។​នាវា​នេះ​បាន​ជួយសង្គ្រោះ​ជនអន្តោប្រវេសន៍​រួមទាំង​កុមារ​និង​ស្ត្រី​មាន​ផ្ទៃពោះ​ផងដែរ​
​
កាលពី​ថ្ងៃ​ព្រហស្បតិ៍​ប៉ុន្តែ​ពីដំបូង​ប្រទេស​ម៉ា​ល់តា​និង​អ៊ីតាលី​បាន​បដិសេធ​ទទួលយក​ពួកគេ​។​ទោះបីជា​យ៉ាងណាក៏ដោយ រដ្ឋាភិបាល​ក្រុង Valletta បាន​យល់ព្រម​កាលពី​ថ្ងៃ​អង្គារ​ដើម្បី​អនុញ្ញាត​ឲ្យ​នាវា​នេះ​ចូល​ចត​នៅពេលដែល​
​
សហភាព​អឺរ៉ុប​ផ្សេងទៀត​បានបញ្ជាក់​ថា​ពួកគេ​នឹង​ជួយ។ ប៉ុន្តែ​ប្រទេស​ម៉ា​ល់តា​ក៏បាន​ព្រមាន​ផងដែរ​ថា ខ្លួន​នឹង​បើក​ការស៊ើបអង្កេត​មួយ​ហើយ​អាច​ចាត់វិធានការ​ប្រឆាំងនឹង​នាវា Lifeline នៅពេលដែល​វា​ចូល​ដល់​ក្នុង​ដែនទឹក​ម៉ា​ល់តា​៕ AFP

​

Source: Kampuchea Thmey Daily