ប្រទេសថៃ ៖ ពលករខ្មែរម្នាក់ ដែលបានទៅធ្វើការនៅឯប្រទេសថៃ ទាំងពីរនាក់ប្តី ប្រពន្ធ បានធ្វើអត្តឃាតដោយចង កសម្លាប់ខ្លួន បង្កអោយមានការភ្ញាក់ផ្អើលទាំងពេលរំលងអធ្រាត្រ ក្រោយពីពលករខ្មែររូបនេះ បានយកលុយកាក់ និងមាសរបស់ប្រពន្ធ ទៅដើរស៊ីចាយរហូតអស់ពីខ្លួន ហើយក៏ត្រូវប្រពន្ធធ្វើការស្តីបន្ទោស។
ការធ្វើអត្តឃាត និងត្រូវបានអ្នកភូមិប្រទះឃើញនោះ បានកើតឡើងនៅវេលាម៉ោង ១រំលងអធ្រាត្រ ឈានចូលថ្ងៃទី៨ ខែមិថុនា ឆ្នាំ ២០១៨ ត្រង់ចំណុចភូមិ១ ឃុំណងខាម ស្រុករ៉ាឆា ខេត្តឈុនបុរី នៅប្រទេសថៃ ដែលជនរងគ្រោះមានឈ្មោះ សាត សយ ភេទប្រុស អាយុ៤៤ឆ្នាំ ជាពលករខ្មែរ ទៅធ្វើការនៅក្នុងប្រទេសថៃ។
បើយោងតាមការរៀបរាប់ពីស្ត្រីជាភរិយាបាននិយាយថា នៅល្ងាចមុនពេលកើតហេតុ គឺស្វាមីរបស់នាងបានយកលុយ និងលួចយកមាសរបស់ខ្លួន ( មាសគ្រឿង ) ទម្ងន់៤ជីទៅដើរស៊ីចាយជាមួយស្រីស្នេហ៍ រហូតដល់អស់លុយពីខ្លួន ទើបត្រឡប់មកដល់កន្លែងស្នាក់នៅវិញ ឃើញបែបនេះនាងក៏បានស្ដីបន្ទោស ដោយសារតែខឹងខ្លាំងពេក ដូច្នេះសង្ស័យថាអាចមកពីការស្តីបន្ទោសបានជាគាត់លួចទៅចង កសម្លាប់ខ្លួនតែម្តង។
ក្រោយពីមានការត្រួតពិនិត្យពីសំណាក់ក្រុមតម្រួតថៃរួចមក សពត្រូវបានសមត្ថកិច្ចថៃ រៀបចំប្រគល់ទៅអោយក្រុមគ្រួសារ ដើម្បីរៀបចំធ្វើបុណ្យតាមប្រពៃណី៕
Source: Kampuchea Thmey Daily
0 Comments