គណៈកម្មាធិការជាតិអូឡាំពិកកម្ពុជា(NOCC) បានបើកវគ្គរដ្ឋបាលកីឡាមួយដែលមានរយៈពេល៣ថ្ងៃ គឺចាប់ពីថ្ងៃទី២០ដល់២៣ នៅខេត្តព្រៃវែង។ វគ្គនេះរៀបចំឡើង ក្រោមការឧបត្ថម្ភរបស់អង្គការសាមគ្គីអូឡាំពិកអន្តរជាតិ ដែលមានសិក្ខាកាមចូលរួមចំនួន២៤រូប ក្នុងនោះ៤រូបជានារី។ ពួកគេសុទ្ធតែជាមន្ត្រី ដែលកំពុងបម្រើការងារលើវិស័យកីឡា ជាគ្រូអប់រំកាយ និង កីឡា ជាគ្រូកីឡាតាមសាលារៀន។
វាគ្មិន ដែលចូលរួមឧទ្ទេសនាមក្នុងវគ្គនេះមានលោកវ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជា ដែលលោកនឹងធ្វើបទបង្ហាញពីប្រវត្តិនៃចលនាអូឡាំពិក និងរចនាសម្ព័ន្ធអូឡាំពិក។ ប្រវត្តិអង្គការសាមគ្គីអូឡាំពិក ផែនការកម្មវិធីហ្វឹកហាត់ ផែនការនៃការធ្វើដំណើររបស់ប្រតិភូកីឡា និង ភាពជាអ្នកដឹកនាំ។
លោកវេជ្ជបណ្ឌិតស្ដើងជាដែលជាប្រធានអុនគណៈកម្មការវេជ្ជសាស្ត្រអមគណៈកម្មាធិការជាតិអូឡាំពិកកម្ពុជាធ្វើបទបង្ហាញពីរបបអាហារ និងភេសជ្ជៈសម្រាប់កីឡាករ-កីឡាការិនី ការត្រួតពិនិត្យដូពីង(សារធាតុលើកកម្លាំងដែលហាមមិនឲ្យប្រើប្រាស់ក្នុងកីឡា) ការបញ្ជាក់ភេទ ការសង្គ្រោះបឋម និង វេជ្ជសាស្ត្រកីឡា។
លោកកែវ សារ៉េតនាយកសាលាបាល់ទាត់បាទីធ្វើបទបង្ហាញពីការលេងដោយយុត្តិធម៌ ការកំណត់និស្ស័យរបស់កីឡាករ-កីឡាការិនី ការអភិវឌ្ឍន៍គ្រូបង្វឹក ការអភិវឌ្ឍន៍កីឡាកម្រិតខ្ពស់ និង ការដោះស្រាយបញ្ហា។
លោកបឹង គឹមតោ អនុប្រធាននាយកដ្ឋានងប់រំកាយ និងកីឡាធ្វើបទបង្ហាញពីរបៀបធ្វើការជាមួយអ្នកស្ម័គ្រចិត្តការទំនាក់ទំនង ការរៀបចំព្រឹត្តិការណ៍កីឡា ស្ត្រី និង កីឡា និង របៀបរៀបចំអង្គប្រជុំ៕
Source: Kampuchea Thmey Daily
0 Comments