ភ្នំពេញ ៖ ក្រសួងអប់រំ យុវជន និងកីឡា ដោយមានកិច្ចសហការពីអង្គការសង្គមស៊ីវិល បានរៀបចំសិក្ខាសាលាផ្សព្វផ្សាយ និងដាក់ឱ្យអនុវត្តគោលនយោបាយ និងផែនការសកម្មភាពសម្រាប់អនុវត្តគោលនយោបាយ ស្តីពីកិច្ចគាំពារកុមារនៅសាលារៀន នាព្រឹកថ្ងៃទី២០ ខែកក្កដានេះ នៅភោជនីយដ្ឋានទន្លេបាសាក់២ រាជធានីភ្នំពេញ។
សិក្ខាសាលាផ្សព្វផ្សាយនេះបាន ប្រព្រឹត្តទៅក្រោមវត្តមានលោក បណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា ក្នុងគោលបំណងពិភាក្សាពីគោលនយោបាយ ស្តីពីកិច្ចការពារកុមារនៅសាលារៀន ក៏ដូចជាផែនការសកម្មភាពសម្រាប់អនុវត្តគោលនយោបាយ ស្តីពីកិច្ចការពារកុមារ នៅសាលារៀន ក្នុងគោលបំណងធានា យ៉ាងណាឱ្យកុមារគ្រប់រូបទទួលបានសេវាអប់រំ ទទួលបានការថែទាំ និងការគាំទ្រពីគ្រប់អ្នកពាក់ព័ន្ធទាំងអស់៕
Source: Kampuchea Thmey Daily
0 Comments