ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃអង្គារថា មេដឹកនាំកូរ៉េខាងជើងលោកគីមជុងអ៊ុនបានស្ដីបន្ទោសយ៉ាងខ្លាំងក្នុងអំឡុងពេលធ្វើអធិការកិច្ចរោងចក្រ ស្ថានីយថាមពលនិងជំរំវិស្សមកាល ដែលក្រុមអ្នកវិភាគនិយាយថា របាយការណ៍នេះបានបង្ហាញពីបំណងប្រាថ្នារបស់ក្រុងព្យុងយ៉ាងដើម្បីផ្តោតលើការអភិវឌ្ឍសេដ្ឋកិច្ច។
ដំណើរទស្សនកិច្ចរបស់មេដឹកនាំរូបនេះគឺជារឿងដ៏សំខាន់ចំពោះប្រព័ន្ធផ្សព្វផ្សាយរដ្ឋរបស់កូរ៉េខាងជើងដោយលោកគីមតែងតែផ្តល់ការណែនាំនៅនឹងកន្លែងទៅកាន់មន្ត្រីយកចិត្តទុកដាក់។
បន្ទាប់ពីដំណើរទស្សនកិច្ចចុងក្រោយរបស់គាត់ទៅកាន់ខេត្ត North Hamgyong, កាសែត Rodong Sinmun បានបង្កើនទ្វេដងនៃទំព័ររបស់ខ្លួនរហូតទៅដល់១២ទំព័រដោយក្នុងនោះមាន៩ទំព័រទៅហើយដែលចុះផ្សាយអំពីដំណើរទស្សនកិច្ច។
យោងតាមទីភ្នាក់ងារព័ត៌មានផ្លូវការ KCNA របស់កូរ៉េខាងជើងឲ្យដឹងថា នៅស្ថានីយ៍អគ្គីសនី Orangchon ដែលមានតែ៧០ភាគរយប៉ុណ្ណោះបានធ្វើរួចរាល់បន្ទាប់ពីការពន្យារពេល លោកគីមបាននិយាយថា “លោកស្រងាកចិត្តណាស់ហើយគ្មានពាក្យត្រូវនិយាយទេ”។
សេចក្តីថ្លែងការណ៍បាននិយាយថា “គាត់បានស្តីបន្ទោសក្រុមមន្ត្រីនាំមុខនៃគណៈរដ្ឋមន្ត្រីដែលបានទុកចោលគម្រោងនេះទៅខេត្តនេះហើយមិនយកចិត្តទុកដាក់ចំពោះវា”។ ទោះបីជាយ៉ាងណាក៏ដោយ គាត់បានបញ្ជាឲ្យបញ្ចប់វានៅត្រឹមខែតុលាឆ្នាំក្រោយ។
លោកគីមក៏បានរិះគន់អាងទឹករដូវក្តៅដ៏កខ្វក់នៅឯជំរំថ្ងៃឈប់សម្រាក Onpho ផងដែរដោយហៅវាថា “អាក្រក់ជាងអាងត្រីទៅទៀត”។
ការរិះគន់មន្ត្រីគឺមិនមែនគេមិនដឹងនោះទេក្នុងដំណើរពិនិត្យរបស់លោកគីមប៉ុន្តែលក្ខខណ្ឌនិងទំហំនៃការប្រកាសនៅថ្ងៃអង្គារគឺមិនធម្មតាឡើយ។
គណៈកម្មាធិការបក្សនៃខេត្ត North Hamgyong ត្រូវបានគេចាត់ទុកថាជាអ្នករងការរិះគន់នេះខណៈកាសែត KCNA បាននិយាយថា គណៈកម្មាធិការនេះមិនបានទទួលយកគោលនយោបាយជាផ្លូវការលើការសាងសង់រោងចក្រកាបូបថ្មីមួយនៅតាមខេត្តនីមួយៗនោះទេ៕ AFP
Source: Kampuchea Thmey Daily
0 Comments