ភ្នំពេញ ៖ នៅវេលាម៉ោង១០ និង៤៥ នាទីព្រឹក ថ្ងៃទី១៧ ខែកក្កដា ឆ្នាំ២០១៨នេះ គណៈកម្មាធិការជាតិរៀបចំការបោះឆ្នោត (គ.ជ.ប) បានបើកកិច្ចប្រជុំជាមួយភាគីពាក់ព័ន្ធស្តីពីដំណើរការប្រព្រឹត្តទៅនៃការឃោសនាបោះឆ្នោតជ្រើសតាំង តំណាងរាស្ត្រនីតិកាលទី៦ ឆ្នាំ២០១៨ និងការបង្ហាញទឹកខ្មៅជ្រលក់ម្រាមដៃ នៅពេលបោះឆ្នោត ដែលកម្មវិធីទាំងពីរនេះ រៀបចំឡើងក្រោមអធិបតីភាពលោក ហ៊ែល សារ៉ាត់ សមាជិក គ.ជ.ប នៅសាលប្រជុំក្រសួងមហាផ្ទៃ ដោយមានការចូលរួមពី តំណាងក្រុមប្រឹក្សាធម្មនុញ្ញ តំណាងក្រសួង ពាក់ព័ន្ធនានា តំណាងគណបក្សនយោបាយ តំណាងអង្គការមិនមែនរដ្ឋាភិបាលជាតិ និងអន្តរជាតិ តំណាងស្ថានទូតជប៉ុន ជំនាញ jica និងអ្នកជំនាញកូរ៉េ ប្រចាំនៅ គ.ជ.ប និងអ្នកសារព័ត៌មានជាតិ និងអន្តរជាតិ យ៉ាងច្រើន។
ជាលទ្ធផល បានបង្ហាញថា ទឹកខ្មៅលុបលាងមិនជ្រះ សម្រាប់ជ្រលក់ម្រាមដៃ នៅពេលបោះឆ្នោត អាចទទួលយកបាន ពីព្រោះទោះបីជាលាងយ៉ាងណា ក៏មិនអាចលាងជ្រះដែរ ដោយសារតែនៅមានស្នាមទឹកថ្នាំដដែល ដែលអាចបញ្ជាក់ថា ពិតជាបានបោះឆ្នោតរួចហើយ មិនអាចបន្លំបានទេ៕
Source: Kampuchea Thmey Daily
0 Comments