ភ្នំពេញ ៖ យុវជនម្នាក់បានសម្រេចចិត្តចង.កសម្លាប់ខ្លួនក្នុងផ្ទះ បន្ទាប់ពីសុំលុយម្តាយចំនួន២០០ដុល្លារមិនបាន។
ហេតុការណ៍នេះ បានកើតឡើងនៅវេលាម៉ោង១៥និង២០នាទីរសៀល ថ្ងៃទី១៩ ខែកក្កដានៅក្នុងផ្ទះជនរងគ្រោះផ្ទាល់ជាប់ខ្លោងទ្វារបុរីហាយតិច២ ក្រោយវត្តកំសាន្តស្ថិតក្នុងសង្កាត់និរោធខណ្ឌច្បារអំពៅ រាជធានីភ្នំពេញ។
យោងតាមប្រភពនៅកន្លែងកើតហេតុបានឲ្យសមត្ថកិច្ចដឹងថា ជនរងគ្រោះដែលបានធ្វើអត្តឃាតចង.កសម្លាប់ខ្លួន ត្រូវបានគេស្គាល់ឈ្មោះ វង្ស គង្គា អាយុ២៨ឆ្នាំ គ្មានមុខរបរពិតប្រាកដ។
សាក្សីបានបញ្ជាក់ថា មុនពេលកើតហេតុជនរងគ្រោះបានសុំលុយម្តាយបង្កើតចំនួន២០០ដុល្លារ ដើម្បីយកទៅលោះម៉ូតូ តែម្តាយមិនឲ្យ ហើយថែមទាំងបងស្រីស្តីបន្ទោសបន្ថែម ធ្វើឲ្យជនរងគ្រោះរត់ចូលទៅក្នុងបន្ទប់ដេករួចយកខ្សែកាបទូរទស្សន៍ភ្ជាប់ជាមួយដែកមេដំបូល ចង.ក ស្លាប់បាត់ទៅ។
ក្រុមគ្រួសារជនរងគ្រោះបានឲ្យសមត្ថកិច្ចដឹងថា កន្លងមកជនរងគ្រោះបានគំរាមចង.កសម្លាប់ខ្លួនជាញឹកញាប់ ពេលដែលម្តាយមិនឲ្យលុយ ហើយនៅថ្ងៃកើតហេតុបងស្រីស្តីបន្ទោសបន្ថែមទៀតនោះ ទើបជនរងគ្រោះដាច់ចិត្តចង.កសម្លាប់ខ្លួនបានសម្រេចតែម្តង។
តាមប្រភពពីលោកវរសេនីយ៍ត្រី ព្រហ្ម សុផល មេបញ្ជាការរងកងរាជអាវុធហត្ថខណ្ឌច្បារអំពៅបានឲ្យដឹងថាក្រោយពេលកើតហេតុជនរងគ្រោះបានសរសេរសំបុត្រសុំទោសអ្នកម្តាយពីទោសកំហុសដែលធ្លាប់ធ្វើទៅលើម្តាយរួចបញ្ជាក់ថា អ្នកម្តាយរបស់ខ្លួនមានចិត្តល្អកម្ររកបាន តែ(កូនសូមលាអ្នកម្តាយជាទីស្រឡាញ់) ចាប់ពីថ្ងៃនេះតទៅ៕
Source: Kampuchea Thmey Daily
0 Comments