ភ្នំពេញ ៖ ស្របពេលដែលចម្រៀងOriginal Songបទសន្យាអាចម៍ឆ្កែរបស់លោក ម៉ៃ សុគន្ធ ហាក់កំពុងតែទទួលបានការចាប់អារម្មណ៍ និង គាំទ្រពីសំណាក់ទស្សនិកជន និងមជ្ឈដ្ឋានស្រទាប់យុវវ័យនោះ ពេលនេះត្រូវបានសាមីខ្លួនបង្ហើបថា ត្រៀមនឹងថតFull MV ក្នុងពេលឆាប់ៗនេះដើម្បីបំពេញតម្រូវការរបស់អ្នកគាំទ្រខ្លួន។
ជាការកត់សម្គាល់បន្ទាប់ពីOriginal Songបទ សន្យាអាចម៍ឆ្កែច្រៀងដោយតារាប្រុសលោក ម៉ៃ សុគន្ធ ទើបចេញចរាចរណ៍ផ្សព្វផ្សាយនៅលើប្រព័ន្ធសង្គមយូធូប និងហ្វេសប៊ុកមិនទាន់បានប៉ុន្មានផង ក៏ស្រាប់តែ បង្កការចាប់អារម្មណ៍ខ្លាំងពីមហាជន។ មិនតែប៉ុណ្ណោះក៏មានការស្នើសុំដោយទទូចដើម្បីឲ្យសាមីខ្លួនក៏ដូចជាផលិតកម្មត្រូវប្រញាប់ផលិតចេញFull MV ផ្លូវការ។ ខណៈលោក ម៉ៃ សុគន្ធ ក៏កំពុងតែត្រៀមរៀបចំឆ្លើយតបការរង់ចាំរបស់មហាជនផងនោះ។
លោក ម៉ៃ សុគន្ធ បានទទួលស្គាល់ថា ចំណងជើង Orig in al Song បទថ្មីនេះហាក់មានលក្ខណៈអាក្រក់ស្តាប់បន្តិចមែន ប៉ុន្តែតាមការមើលឃើញគឺមានការគាំទ្រនិងចាប់អារម្មណ៍ច្រើនដោយខុសប្លែកពីបទចម្រៀងមុនៗ។ ម្យ៉ាងទៀតខ្ញុំមិនខ្វល់លើការរិះគន់ដែលកើតចេញពីបុគ្គលមួយចំនួននោះឡើយ តែអ្វីដែលខ្ញុំពេញចិត្តគឺបម្រើអារម្មណ៍ទស្សនិកជនដែលគាំទ្រខ្ញុំតែប៉ុណ្ណោះ។
សូមបញ្ជាក់ថា ចម្រៀងOriginal Song របស់លោក ម៉ៃ សុគន្ធ ដែលកំពុងទទួលបានការចាប់អារម្មណ៍នៅលើទីផ្សារសិល្បៈបន្ទាប់ពីមានការទម្លាយផ្សព្វផ្សាយនោះគឺមានចំណងជើងថាសន្យាអាចម៍ឆ្កែ។ បទនេះគឺជាស្នាកដៃនិពន្ធបទភ្លេងថ្មីដោយលោក ហាន ណារ៉ាក់ភារុន និង Melody និងនិពន្ធទំនុកច្រៀងដោយ Gina Sor៕
Source: Kampuchea Thmey Daily
0 Comments