អ្នកប្រជាជននិយមម្នាក់ ខាងគណបក្សអភិរក្សនិយមបានក្លាយទៅជាប្រធានាធិបតីស្រីលើកដំបូងបង្អស់របស់ប្រទេសក្រូអាស៊ី ក្រោយពីយកឈ្នះលើអ្នកកំពុងកាន់តំណែងឆ្វេងកណ្ដាលនៅក្នុងការបោះឆ្នោតសាជាថ្មី នៅចំពេលមានការមិនពេញចិត្តទូទៅដោយសារវិបត្តិសេដ្ឋកិច្ចនៅក្នុងសមាជិកថ្មីបំផុតរបស់សហភាពអឺរ៉ុប។
លោកស្រីកូលីនដាហ្ក្រាគិតាវិច(Kolinda Grabar Kitarovic) ជាអតីតអ្នកការទូតម្នាក់នោះ ទទួលបានសន្លឹកឆ្នោត៩៩.៣ភាគរយ ហើយអ្នកកំពុងកាន់តំណែងលោកអ៊ីវូ ចូស៊ីប៉ូវិច(IVO Josipovic) ទទួលបានពី៥០,៤០ភាគរយ។
លោកស្រីបាននិយាយប្រាប់ពួកអ្នកគាំទ្រថា "ពុំមានឱកាសណាមួយសម្រាប់ពួកអ្នកជ័យជំនះនិយមទេ...ចូរយើងនាំគ្នាធ្វើសារដើម្បីភាពរុងរឿងរបស់ប្រទេសយើង"។ តំណែងប្រធានាធិបតីនៅប្រទេសក្រូអាស៊ី គឺជាតំណែងកិត្តិយសធំទូលាយមួយ ប៉ុន្តែការបោះឆ្នោតនោះ ត្រូវបានគេចាត់ទុកថា ជាការសាកល្បងដ៏សំខាន់មួយសម្រាប់ពួកគណបក្សនយោបាយធំៗមុនការបោះឆ្នោតសភា ដែលគេរំពឹងថា នឹងធ្វើនៅឆមាសទីពីរនៃឆ្នាំ។
ជ័យជំនះសម្រាប់លោកស្រីហ្ក្រាបារគិតារូវិច ដែលបានឲ្យលោកស្រីនូវអាណត្តិ៥ឆ្នាំនោះ នឹងលើកស្ទួយឱកាសរបស់សហភាពប្រជាធិបតេយ្យក្រូអាស៊ី និយមស្តាំកណ្ដាលរបស់លោកស្រីដែលបានអំណាចត្រឡប់មកវិញ៕
រឹទ្ធ
0 Comments