ភ្នំពេញ ៖ មន្ត្រីនគរបាល ពាក់ស័ក្តិ៤កន្លះម្នាក់ សង្ស័យ មានវិបត្តិដោះស្រាយ មិនចេញ បានដាច់ចិត្ត ធ្វើអត្តឃាត បាញ់សម្លាប់ខ្លួននៅក្នុងបន្ទប់សណ្ឋាគារកូឡូសូ និងខារ៉ាអូខេកូឡូសូ បង្កឲ្យមានការភ្ញាក់ផ្អើល រសៀលថ្ងៃទី១ ខែសីហា ឆ្នាំ២០១៨ នៅក្នុងបន្ទប់សណ្ឋាគារ កូឡូសូនិងខារ៉ាអូខេកូឡូសូ នៅតាម ផ្លូវ៣៥០ សង្កាត់បឹងកេងកង៣ ខណ្ឌចំការមន រាជធានីភ្នំពេញ។
ជនរងគ្រោះ ត្រូវបានគេស្គាល់ឈ្មោះម៉ម រតះ ឧត្តម ភេទប្រុស អាយុ៣០ឆ្នាំ ជាមន្ត្រីនៃក្រសួងមហាផ្ទៃ មាន ឋានន្តរស័ក្តិ វរសេនីទោ ពាក់ស័ក៤កន្លះ ស្នាក់នៅសង្កាត់បឹងជំពុន ខណ្ឌមានជ័យ ដោយប្រើប្រាស់កាំភ្លើង ខ្លី៥៤ បាញ់សម្លាប់ខ្លួនឯង។
ប្រភពព័ត៌មានពីបុគ្គលិកប្រចាំនៅទីនោះ បាននិយាយឲ្យដឹង នៅរសៀលថ្ងៃ ទី១សីហា នេះថា កាលពីថ្ងៃទី៣១ ខែកក្កដា បុរសរងគ្រោះខាងលើបាន ចូលទៅជួលបន្ទាប់សណ្ឋាគារ កូឡូសូនិងខារ៉ាអូខេកូឡូសូ នៅតាមផ្លូវ៣៥០ សង្កាត់បឹងកេងកង៣ ខណ្ឌចំការមន រាជធានីភ្នំពេញ ស្នាក់នៅ លុះមកដល់ម៉ោងប្រមាណជា១២ថ្ងៃត្រង់ថ្ងៃទី១ ខែសីហា បុគ្គលិកនៅទីនោះ មិនឃើញ ជនរងគ្រោះ ចេញពីបន្ទាប់មានការ សង្ស័យ បុគ្គលិក ក៏បានទៅគោះ ទ្វា បន្ទាប់ តែគ្មាន អ្នកឆ្លើយតប ឡើយ ដោយមានការ សង្ស័យ បុគ្គលិកក៏បានយកកូនសោ បើកចូលទៅមើល ក៏ប្រទះឃើញ បុរសរូបនោះ បាញ់ក្បាល ធ្លាយទៅម្ខាង សម្លាប់ខ្លួនឯង ស្លាប់ក្នុងថ្លុកឈាម។
ប្រភពដដែលបន្ត ថាបន្ទាប់ពី ឃើញបែបនេះ បុគ្គលិក បានរាយការណ៍ទៅ ម្ចាស់ សណ្ឋាគារ រួចរាយការណ៍ ទៅសមត្ថកិច្ចមូលដ្ឋាននិងជំនាញ ឲ្យចុះមកពិនិត្យ និងកោសល្យវិច័យ រកមូលហេតុពិតនៃការស្លាប់របស់ ជនរងគ្រោះ ប៉ុន្តែទោះបីជាយ៉ាងណាក៏ដោយ ក៏អ្នកយកព័ត៌មានជា ច្រើន មិនត្រូវមិន សមត្ថកិច្ចអនុញ្ញាតឲ្យ ចូលទៅផ្តិតរូបភាព ឡើយ។ ជុំវិញករណី បាញ់សម្លាប់ខ្លួនឯងនេះ សមត្ថកិច្ចមិនទាន់ដឹងពីមូលហេតុនៅឡើយ ទេ ខណៈសមត្ថកិច្ចកំពុងតែពិនិត្យ និងធ្វើកោសល្យវិច័យ៕
Source: Kampuchea Thmey Daily
0 Comments