សុខ សា​វិ​ន អាច​យកឈ្នះ Pich Vichhean បាន​ ឬ​ អត់?

​ប្រដាល់ ៖ សុខ សា​វិ​ន អ្នក​ប្រដាល់​ក្លិប​ឆ្មា​ស​សែន​សុខ​គុន​ខ្មែរ ត្រូវគេ​ផ្គូឲ្យ​ជួប​ជាមួយ​អ្នក​ប្រដាល់​ថៃ​ឈ្មោះ ​Pich Vichhean ក្នុងការ​ប្រកួត​ជា​លក្ខណៈ​មិត្តភាព​អន្តរជាតិ លើ​ស​ង្វៀន TV5 ព្រែកកំពឹស នា​ថ្ងៃ​សៅរ៍​ ទី​១៥ ខែ​ធ្នូ​ ឆ្នាំ​២០១៨​នេះ។ អ្នក​ប្រដាល់​ទាំងពីរ​នាក់​នេះ ជួប​ប្រកួត​គ្នា ក្នុង​ប្រភេទ​ទម្ងន់​៦០​គីឡូក្រាម។​

Pich Vichhean នេះ គេ​មិន​ធ្លាប់​មក​ប្រកួត​នៅ​ស្រុក​ខ្មែរ​ច្រើន​ទេ​កន្លងមក គឺ​ទើបតែ​មក​ជា​លើក​ទី​១​ប៉ុណ្ណោះ។ បើ​តាម លោក សេង ក​ដិ​កា អ្នកគ្រប់គ្រង​កម្មវិធី​ប្រដាល់​TV5 ឲ្យ​ដឹង​ថា អ្នក​ប្រដាល់​ថៃ​រូបនេះ គេ​មាន​ស្នៀត​ប្រដាល់​ល្អ និង វាយ​ខ្លាំង ។ Pich Vichhean ប្រកួត​បាន​ចំនួន​៦៨​លើក ដោយ​ឈ្នះ​៥៤​លើក ចាញ់​១២​លើក និង​ស្មើ​០២​លើក។​
​
តែ​យ៉ាងណា មក​ប៉ះ​ជាមួយ​ សុខ​សា​វិ​ន ដែល​ជា​ជើង​ខ្លាំង​របស់​កម្ពុជា​យើង​នេះ ​Pich Vichhean ប្រហែល​ជា​ពិបាក​ទប់​ជាមួយ ​សា​វិ​ន​ ហើយ។
​
សុខ សា​វិ​ន គេ​មាន​ស្នៀត​ប្រដាល់​ល្អ ពិសេស ​គឺ​ស្នៀត​កែង​ និង​ស្នៀត​ជង្គង់ ហើយ​គេ​ខ្ពស់ និង​មាន​ចិត្ត​ប្រដាល់​ធំ​ថែមទៀត។ ​ក្នុង​ប្រវត្តិ​ប្រកួត​ចំនួន ៩២​លើក សា​វិ​ន​ វាយ​ឈ្នះ​៦៥​លើក ចាញ់​២២​លើក និង​ស្មើ​០៥​លើក។ ការប្រកួត​ជាមួយ​ថៃ​លើកចុងក្រោយ​នេះ សុខ សា​វិ​ន គេ​បាន​ផ្ដួល​អ្នក​ប្រដាល់​ថៃ Suay Ngam ឲ្យ​សន្លប់​ក្នុង​ទឹក​ទី​៣ កាលពី​ថ្ងៃ​ទី​០១​ធ្នូ​កន្លងមកនេះ។​
​
ចាំ​មើល សុខ​សា​វិ​ន ជួប Pich Vichhean លើក​នេះ តើ​គេ​អាច​យកឈ្នះ​បាន​ទៀត​ដែរ​ឬ​អត់​?៕

​

Source: Kampuchea Thmey Daily