​ក្រុម​សិទ្ធិមនុស្ស​ ៖ សកម្មជន​ចិន​ត្រូវ​ជាប់ពន្ធនាគារ​រយៈពេល​៥​ឆ្នាំ​

យោងតាម​អង្គការ​សិ​ទិ្ធ​មនុស្ស​បាន​ឲ្យ​ដឹងថា ស្ថាបនិក​នៃ​គេហទំព័រ​ស៊ីវិល​និង​សិ​ទិ្ធ​មនុស្ស​ចិន​ដ៏​លេច​ធ្លា​ម្នាក់​ត្រូវបាន​កាត់ទោស​ឲ្យ​ជាប់ពន្ធនាគារ​រយៈពេល​៥​ឆ្នាំ​នៅ​ថ្ងៃ​អង្គារ​ពីបទ​ញុះញង់​ឲ្យ​ផ្តួលរំលំ​រដ្ឋ​។​

​លោក Liu Feiyue បាន​បង្កើត​និង​គ្រប់គ្រង​គេហទំព័រ​ឃ្លាំមើល​សិ​ទិ្ធ​ពលរដ្ឋ​និង​ជីវភាព​ដែល​គ្របដណ្តប់​លើ​បញ្ហា​ស៊ីវិល​និង​សិ​ទិ្ធ​មនុស្ស​នានា​ដូចជា​ការតវ៉ា ការរំលោភបំពាន​រប​ស់​ប៉ូលិស​និង​អំពើពុករលួយ​របស់រ​ដ្ឋា​ភិ​បាល​ជាដើម​។​

​យោងតាម​អង្គការ​ឃ្លាំមើល​សិ​ទិ្ធ​មនុស្ស​បាន​ឲ្យ​ដឹងថា តុលាការ​ប្រជាជន​កម្រិត​មធ្យម​ទីក្រុង Suizhou ក្នុង​ខេត្ត Hubei ភាគ​កណ្តាល​បាន​ផ្តន្ទាទោស​គាត់​បន្ទាប់ពី​គាត់​ត្រូវបាន​គេ​រកឃើញថា​មាន​កំហុស​ពីបទ​ញុះញង់​ឲ្យ​មានការ​ផ្តួលរំលំ​រដ្ឋអំណាច​។​

​លោក Patrick Poon អ្នកស្រាវជ្រាវ​ចិន​នៅ​អង្គការ​លើកលែងទោស​អន្តរជាតិ​បាន​ប្រាប់ AFP ថា “​ការកាត់ទោស​នេះ​បានបង្ហាញ​ជាថ្មី​ម្តងទៀត​អំពី​របៀប​ដែល​រដ្ឋាភិបាល​ចិន​បំពាន​ប្រព័ន្ធយុត្តិធម៌​ដើម្បី​បំបិទមាត់​អ្នកប្រឆាំង​”​។ លោក​បាន​បន្ថែមថា “​មានគុណ​វិបត្តិ​យ៉ាងធ្ងន់ធ្ងរ​នៅក្នុង​នីតិវិធី​នៃ​សំណុំ​រឿងនេះ​ព្រោះ​គ្មាន​ដំណើរការ​ត្រឹមត្រូវ​ស្របតាម​បទដ្ឋាន​អន្តរជាតិ​ទេ​”​។​

ការកាត់ទោស​របស់លោក Liu បាន​កើតឡើង​មួយថ្ងៃ​បន្ទាប់ពី​មេធាវី​ការពារ​សិទ្ធិ​មនុស្សលោក Wang Quanzhang ត្រូវបាន​កាត់ទោស​ជាប់ពន្ធនាគារ​៤​ឆ្នាំកន្លះ​លើ​ការចោទប្រកាន់​ដូចគ្នានេះ​។​

​លោក Wang គឺជា​មនុស្ស​ម្នាក់​ក្នុងចំណោម​មេធាវី​និង​សកម្មជន​ជាង​២០០​នាក់​ដែល​ត្រូវបាន​គេ​បោសសម្អាត​ក្នុងការ​បង្ក្រាប​ឆ្នាំ​២០១៥​ដែល​សំដៅ​ទៅលើ​អ្នក​រិះគន់​ដល់​អាជ្ញាធរ​កុ​ម្មុយ​នី​ស​។​

លោក Huang ត្រូវបាន​ចាប់ខ្លួន​ក្នុង​ឆ្នាំ​២០១៦​សម្រាប់​ការទម្លាយ​អាថ៌កំបាំង​របស់​រដ្ឋ​ហើយ​ចាប់តាំងពី​ពេល​នោះមក​គាត់​ត្រូវបាន​ឃុំខ្លួន​នៅក្នុង​មណ្ឌល​ឃុំឃាំង​មួយ​នៅ​ខេត្ត Sichuan ភាគ​និរតី​ហើយ​ត្រូវគេ​រំពឹងថា​នឹងត្រូវ​កាត់ទោស​នៅ​ដើមខែ​នេះ​៕ AFP

​

Source: Kampuchea Thmey Daily