ភ្នំពេញ ៖ ជនសង្ស័យ៣នាក់ ដែលជំនាញខាងកាច់កម៉ូតូត្រូវបាន កម្លាំងសមត្ថកិច្ចព្រហ្មទណ្ឌកម្រិតស្រាល ក្រុងចាប់ខ្លួនបាននៅក្នុងផ្ទះជួលមួយកន្លែង ខណៈដែលពួកគេតែងតែជិះម៉ូតូពាក់ស្លាកលេខខេមរភូមិន្ទសម្រាប់ធ្វើសកម្មភាពលួចកាច់កម៉ូតូក្នុងរាជធានីភ្នំពេញនិងក្រុងតាខ្មៅ។
ហេតុការណ៍នេះ បានកើតឡើងកាលពីវេលាម៉ោង៩និង៣០នាទីព្រឹក ថ្ងៃទី០៨ ខែមករា ឆ្នាំ២០១៩ ចំណុចផ្ទះជួល ភូមិភ្នាត សង្កាត់ស្ទឹងមានជ័យ២ ខណ្ឌមានជ័យ។
ជនរងគ្រោះបានឲ្យដឹងថា ម៉ូតូបានទុកនៅមុខបន្ទប់ជួលដោយចាក់សោ.ក ត្រឹមត្រូវរួចដើរចូលក្នុងបន្ទប់ ពេលដែលទៅ ជនរងគ្រោះបានដើរបញ្ច្រាស់ទិសគ្នាជាមួយជនសង្ស័យ ស្រាប់តែបានប៉ុន្មានម៉ោងក្រោយមកស្រាប់តែបាត់ម៉ូតូ ទើបមានការភ្ញាក់ផ្អើល ហើយជិះដើររកទាំងយប់ លុះព្រឹលឡើងជនរងគ្រោះនៅតែបន្តរកទៀត ទើបដឹងថាជនសង្ស័យនៅទីតាំងខាងលើ ក៏ប្តឹងទៅសមត្ថកិច្ចព្រហ្មទណ្ឌកម្រិតស្រាល។
សមត្ថកិច្ចព្រហ្មទណ្ឌកម្រិតស្រាលបានឲ្យដឹងថា មុនពេលចុះបង្ក្រាបមុខសញ្ញាជំនាញខាងកាច់.ក.ម៉ូតូ៣នាក់ខាងលើ ហើយពួកគេជិះម៉ូតូម៉ាក កាវ៉ាសាគី ដែលពាក់ស្លាកលេខ ខេមរភូមិន្ទ ធ្វើសកម្មភាព រួចមកសំងំលាក់ខ្លួននៅផ្ទះជួលនេះ គឺយោងតាមពាក្យបណ្តឹងពីជនរងគ្រោះ ដែលជាម្ចាស់ម៉ូតូម៉ាក់ MSX(ស្លាកលេខត្រូវជនសង្ស័យកាច់ចេញបាត់) បានបាត់ម៉ូតូកាលពីវេលាម៉ោង៣ជាងទៀបភ្លឺថ្ងៃទី០៨ ខែមករា ឆ្នាំ២០១៩ នៅសង្កាត់កំពង់សំណាញ់ ក្រុងទឹកខ្មៅ។
សមត្ថកិច្ចបានបន្តទៀតថា ដោយជនរងគ្រោះបានស្គាល់មុខសញ្ញានិងតាមដានដឹងថា ជនសង្ស័យដែលធ្វើសកម្មភាពលួចកាច់.ក.ម៉ូតូរួចមកពួនសំងំក្នុងផ្ទះ ក៏ធ្វើការទំនាក់ទំនងទៅសមត្ថកិច្ចព្រហ្មទណ្ឌកម្រិតស្រាលក្រុងភ្លាមៗចុះមកក្របួចបានតែម្តង។
បច្ចុប្បន្នជនសង្ស័យចំនួន៣នាក់ រួមនឹងវត្ថុតាងមានម៉ូតូ២គ្រឿងម៉ូតូ១គ្រឿងម៉ាកកាវ៉ាសាគីដែលពាក់ស្លាកលេខ ខេមរភូមិន្ទសម្រាប់ជិះធ្វើសកម្មភាពបានយកទៅធ្វើការសួរនាំនៅព្រហ្មទណ្ឌកម្រិតស្រាលរាជធានីភ្នំពេញនិងកសាងសំណុំរឿងតាមនីតិវិធីនៃច្បាប់៕
Source: Kampuchea Thmey Daily
0 Comments