រតនគិរី ៖ នាព្រឹកថ្ងៃទី០៩ ខែមករា ឆ្នាំ២០១៩ លោក មួង ប៉ាង អភិបាលរងខេត្ត តំណាង លោក ថង សាវុន អភិបាលខេត្តរតនគិរី បានអញ្ជើញជាអធិបតីភាពក្នុងកិច្ចប្រជុំផ្សព្វផ្សាយសារាចរណែនាំលេខ០៧សរ ស្ដីពីការកំណត់នីតិវិធីសម្រាប់ការបើកផ្តល់បៀវត្សរៀងរាល់ពីរសប្ដាហ៍ម្តងជូនមន្ត្រីរាជការស៊ីវិល និងមន្ត្រីរាជការស៊ីវិល និងមន្ត្រីសាធារណៈផ្សេងទៀត ក្នុងឆ្នាំ២០១៩ ការរៀបចំរចនាសម្ព័ន្ធមន្ត្រីរាជការឲ្យត្រូវតាមប្រអប់ នៃតារាងព័ត៌មានវិទ្យា និងការរៀបចំតារាងព័ត៌មានវិទ្យារបស់ក្រុង~ស្រុកចេញពីតារាងព័ត៌មានវិទ្យារបស់សាលាខេត្ត។
កិច្ចប្រជុំនេះប្រព្រឹត្តិទៅនៅសាលាខេត្តរតនគិរី ដែលមានវត្តមាន លោក វ៉ាន់ សោភា ទីប្រឹក្សាក្រសួង និងជាប្រធានមន្ទីរមុខងារសាធារណៈខេត្ត លោកប្រធានមន្ទីរសេដ្ឋកិច្ច និងហិរញ្ញវត្ថុខេត្ត លោក លោកស្រីប្រធានមន្ទីរ អង្គភាពជំនាញពាក់ព័ន្ធ និងមន្ត្រីរាជការចូលរួមសរុបប្រមាណ១១០នាក់៕
Source: Kampuchea Thmey Daily
0 Comments