ភ្នំពេញ ៖ ដំណើរការសម្រិតសម្រាំងបេក្ខភាពដែលបានដាក់ពាក្យមកកាន់កម្មវិធីប្រកួត Startupper ប្រចាំឆ្នាំ2018-2019 របស់ក្រុមហ៊ុនតូតាល់ បានបញ្ចប់រួចរាល់ហើយ។ បេក្ខភាពចំនួន 10រូបខាងក្រោមនេះ បាន ជាប់ឈ្មោះនៅក្នុងការជ្រើសរើសចុងក្រោយ មានឈ្មោះ ១-Leny KEO៖ Clean City 2-Linda EANG៖ Life Group 3-Mithona CHUOP៖ V-LIFT 4-Pauvrachana PHAUK៖ CamMhealth 5-Seavpor TENG៖ Homex Kh 6-Song Ravuth៖ Modern Agriculture 7-Sovannthorn SORN៖ Vectorkh.com 8-Sreysrors CHEA៖ KON CHHLAT Baby Porridge 9-Sovann SRUN៖ Tesdopi តេស្ត ១២ , 10-Vantara LONG៖ TreeWB, Social-Ecommerce។
គម្រោងខាងលើនេះ ត្រូវបានជ្រើសរើសចេញពីបេក្ខភាពជាង 92 បេក្ខភាព តាមរយៈការដាក់ពាក្យ និងដំណាក់កាល “ចែករំលែកដើម្បីទទួលបានការចូលចិត្ត” (“Share for Likes”) មុនពេលឈានដល់ដំណើរ ការពិនិត្យមើលដោយ អ្នកជំនាញធុរកិច្ចសង្គម។
បេក្ខភាពទាំង 10រូបនេះ បានធ្វើបទបង្ហាញអំពីគម្រោងរបស់ខ្លួននៅថ្ងៃតែមួយក្នុងថ្ងៃទី១៦ខែកុម្ភៈនេះ។ បេក្ខភាពទទួលបាន ការបង្ហាត់បង្រៀនមុនពេលធ្វើបទបង្ហាញដល់ក្រុមប្រឹក្សាវាយតម្លៃក្នុងស្រុក ដែលមានសមាសភាគដូច ខាងក្រោម៖ លោក Asif IQBAL នាយកគ្រប់គ្រង ក្រុមហ៊ុនតូតាល់ លោក Bernardo ESEO ជា VP Corporate Affairs ក្រុមហ៊ុនតូតាល់ Sopheak KEM ជា VP Commercial and Specialties ក្រុមហ៊ុនតូតាល់ Chantra BE, Barcamp, Tech & Startup Community Builder លោក Chansamrach LIM, នាយកគ្រប់គ្រង Cambodian Investment Club
Kounila KEO, នាយកគ្រប់គ្រង Redhill Asia, លោក Somethearith DIN សហស្ថាបនិកសណ្ឋាគារ Frangipani និងប្រធានសមាគមសណ្ឋាគារ លោក Stephen Peterson ទីប្រឹក្សាជាន់ខ្ពស់ និងអ្នកសម្របសម្រួលកម្មវិធីសម្រាប់សហគ្រិនភាព និងនវានុវត្តន៍ សាកលវិទ្យាល័យជាតិគ្រប់គ្រង
Penhleak “Pinkie” CHAN, អ្នកគ្រប់គ្រងពាណិជ្ជកម្ម និងសហគមន៍ ក្រុមហ៊ុន Raintree។
កម្មវិធីប្រគល់ពានប្រព្រឹត្តទៅនៅថ្ងៃទី01 ខែមីនា ឆ្នាំ2019 ដោយក្រុមប្រឹក្សាវាយតម្លៃ នឹងធ្វើការប្រកាសអ្នកទទួលបានជ័យលាភីចំនួនបីរូប ដែលជាអ្នកឈ្នះនៅក្នុងកម្មវិធីប្រកួត Startupper ប្រចាំឆ្នាំ2018-2019 របស់ក្រុមហ៊ុនតូតាល់នៅក្នុងប្រទេសកម្ពុជា។ សហគ្រិនវ័យក្មេងទាំងបីរូបនេះ នឹងទទួលបានការគាំទ្រផ្នែកហិរញ្ញវត្ថុដែលមានចំនួនទឹកប្រាក់រហូតដល់ 15000 ដុល្លារ (រង្វាន់ទីមួយ) ការគាំទ្រផ្ទាល់ខ្លួន និងការបង្ហាត់បង្រៀនពីក្រុមហ៊ុនតូតាល់ និងយុទ្ធនាការទំនាក់ទំនងដើម្បីធ្វើ ការផ្សព្វផ្សាយគម្រោងរបស់ពួកគេថែមទៀតផង។កម្មវិធីរបស់យើង ក៏នឹងមានពានរង្វាន់សហគ្រិនស្ត្រីឆ្នើមសម្រាប់ម្ចាស់ជ័យលាភីម្នាក់ក្នុងចំណោមបីនាក់ដើម្បីជាការជួយគាំទ្រដល់គម្រោងរបស់នាងផងដែរ។ពានរង្វាន់នឹងប្រគល់ជូន នៅក្នុងកម្មវិធីប្រគល់ពានរង្វាន់ផ្លូវការរបស់យើង។
កម្មវិធី Startupper ប្រចាំឆ្នាំ2018-2019 របស់ Total Challenge ត្រូវបានរៀបចំឡើងក្នុងពេលដំណាលគ្នា នៅក្នុងប្រទេសចំនួន 55 ដែលប្រទេសចំនួន 37 ក្នុងចំណោមនោះគឺស្ថិតនៅក្នុងទ្វីបអាហ្វ្រិក 11 ប្រទេស នៅក្នុងតំបន់អាស៊ីប៉ាស៊ីហ្វិចកនិងមជ្ឈិមបូព៌ា និង 4 ប្រទេសនៅទ្វីបអាមេរិក និង 3 ប្រទេសនៅទ្វីបអឺរ៉ុប ដែលប្រារព្ធឡើងដើម្បីបញ្ជាក់អំពីការប្ដេជ្ញាចិត្តរបស់ក្រុមហ៊ុនតូតាល់ចំពោះការអភិវឌ្ឍសង្គម និង
សេដ្ឋកិច្ចនៅតាមបណ្ដាប្រទេសម្ចាស់ផ្ទះដែលយើងធ្វើអាជីវកម្មនៅទូទាំងពិភពលោក។ តាមរយៈការជួយសហគ្រិនវ័យក្មេងដែលមានគំនិតច្នៃប្រឌិតខ្ពស់ឱ្យសម្រេចគម្រោងរបស់ខ្លួនដោយភាពជោគជ័យមានន័យថាកម្មវិធីChallengeជួយពង្រឹងធនធានមនុស្សដែលជាសរសៃឈាមនៅក្នុង សង្គមរបស់ប្រទេសម្ចាស់ផ្ទះ ដែលយើងធ្វើអាជីវកម្ម។
បញ្ជីឈ្មោះពេញលេញរបស់បេក្ខភាពជាប់ឈ្មោះ និងវិធានអំពីការប្រកួតមានផ្សព្វផ្សាយនៅលើទំព័រ facebook ផ្លូវការរបស់យើង (facebook.com/totalcambodge)៕
Source: Kampuchea Thmey Daily
0 Comments