ភ្នំពេញ ៖ អភិបាលរងរាជធានីភ្នំពេញ លោក នួន ផារ័ត្ឋ បានស្នើរឲ្យមន្ដ្រីជំនាញ ពាក់ព័ន្ធ ចុះត្រួតពិនិត្យ សុវត្ថិភាព លើការដាំបន្លែដូចជា ត្រកួន និងកញ្ឆែត ស្ពៃ ផ្ទី ជាដើម នៅតំបន់ទឹកស្អុយ បឹងទំពុន មុននិងឲ្យពួកគាត់យកទៅលក់នៅលើទីផ្សារ។
ការស្នើបែបនេះរបស់លោកនួន ផារ័ត្ន បានធ្វើឡើងកាលពីព្រឹកថ្ងៃព្រហស្បតិ៍ ០៨រោច ខែផល្គុន ឆ្នាំចសំរឹទ្ធិស័ក ព.ស២៥៦២ ត្រូវនឹងថ្ងៃទី២៨ មីនា ឆ្នាំ២០១៩ ក្នុងវគ្គផ្សព្វផ្សាយ ស្តីពីសុវត្ថិភាពម្ហូបអាហារ និងការពារ អ្នកប្រើប្រាស់ រៀបចំឡើងដោយអគ្គនាយកដ្ឋានកាំកុងត្រូលនៃក្រសួងពាណិជ្ជកម្ម សហការ ជាមួយរដ្ឋបាលរាជធានីភ្នំពេញ នៅសាលារាជធានីភ្នំពេញ ដោយមានការចូលរួមពី លោក គឹមមាស សុខ សីហា អគ្គនាយករង នៃអគ្គនាយកដ្ឋានកាំកុងត្រូល ក្រសួងពាណិជ្ជកម្ម បងប្អូនអាជីវករ អាជ្ញាធរខណ្ឌទាំង១២ មន្ទីរ និងស្ថាប័នជំនាញពាក់ព័ន្ធមួយចំនួនទៀត។
លោកនួន ផារ័ត្ឋ អភិបាលរងរាជធានីភ្នំពេញ ក្នុងឱកាសនោះ បានលើកឡើងអំពីកង្វល់ នៃការដាំត្រកួន និងកញ្ឆែត នៅបឹងទំពុនដែលកន្លង មកមាន ការផ្សព្វផ្សាយករណីនិងសុវត្ថិភាពដែលសូម្បីអ្នកដាំខ្លួន ឯងក៏មិនហ៊ានទទួលទានផងនោះ លោកអភិបាលបាន ចោទសួរថា តើនេះជាសមត្ថកិច្ចនិងជំនាញខាងណាជាអ្នកទទួលខុសត្រូវក្នុងន័យនេះ លោកសូមឲ្យផ្នែកពាក់ព័ន្ធសហការគ្នាចូលរួមកាត់ បន្ថយ និងបង្កើនយ៉ាងណាឲ្យបញ្ហាសុវត្ថិភាពចំណីអាហារ របស់យើងដែលចរាចរ ក្នុងទីក្រុងភ្នំពេញមានសុវត្ថិភាពគ្រប់គ្រាន់ជូនដល់អ្នកប្រើប្រាស់។
លោក នួន ផារ័ត្ន បានលើកឡើងអំពីករណី នៃបញ្ហាមិនមានអនាម័យបរិស្ថានសម្រាប់អ្នកលក់មឹកនៅផ្សារធំថ្មីដែលមិនមានជំនាញនិងយកចិត្តទុកដាក់ ឬ ណែនាំឲ្យអាជីវករកុំឲ្យធ្វើរបៀបនេះដែលមើលទៅហាក់ដូចជាវាធ្វើឲ្យប៉ះពាល់សុខភាពអ្នកប្រើប្រាស់ធ្ងន់ធ្ងរ លោកថា អាជីវករត្រូវសហការធ្វើយ៉ាងណាទប់ស្កាត់របស់ខូចគុណភាពនិងត្រូវលក់ជូនអ្នកប្រើប្រាស់នូវអាហារដែលមានគុណភាពល្អ ព្រោះជំងឺយើងមិនអាចមើលឃើញនោះទេ។ ដូច្នេះការគ្រប់គ្រងអាជីវកម្មជារឿងសំខាន់ដើម្បីប្រាកដថា ការគ្រប់គ្រងសុវត្ថិភាពចំណីអាហាររបស់យើងមានសុវត្ថិភាព។
លោកបន្តថា ការចូលរួមរបស់អាជីវករ និង បងប្អូនប្រជាពលរដ្ឋនិងធ្វើឲ្យ កម្មវិធីសុវត្ថិភាពម្ហូបអាហារនិងការពារអ្នកប្រើប្រាស់របស់យើងទទួលបានជោគជ័យព្រោះបើគ្មានការចូលរួមពីពួកគាត់ក៏មិនទទួលបានជោគជ័យនោះដែរ។
លោកនួន ផារ័ត្ន បន្តទៀតថា ភាពមិនមានអនាម័យ បរិស្ថានសម្រាប់អ្នកលក់មឹកនៅផ្សារធំថ្មី គឺមិនមានជំនាញណាមួយយកចិត្តទុកដាក់ឬណែនាំ អាជីវករឡើយដែលធ្វើឲ្យប៉ះពាល់សុខភាពអ្នកប្រើប្រាស់ធ្ងន់ធ្ងរ។ លោកថា អាជីវករត្រូវសហការធ្វើយ៉ាងណាទប់ស្កាត់របស់ខូចគុណភាពនិងត្រូវលក់ជូនអ្នកប្រើប្រាស់នូវអាហារដែលមានគុណភាពល្អ ព្រោះជំងឺយើងមិនអាចមើលឃើញនោះទេ។ ដូច្នេះការគ្រប់គ្រងអាជីវកម្មជារឿងសំខាន់ដើម្បីប្រាកដថា ការគ្រប់គ្រងសុវត្ថិភាពចំណីអាហាររបស់យើងមានសុវត្ថិភាព។
ក្នុងន័យនេះ លោកថា ការចូលរួមរបស់អាជីវករនិងបងប្អូនប្រជាពលរដ្ឋនិងធ្វើឲ្យកម្មវិធីសុវត្ថិភាពម្ហូបអាហារនិងការពារអ្នកប្រើប្រាស់របស់យើងទទួលបានជោគជ័យព្រោះបើគ្មានការចូលរួមពីពួកគាត់ក៏មិនទទួលបានជោគជ័យនោះដែរ។
លោកគឹម មាសសុខសីហា អគ្គនាយករងនៃអគ្គនាយកដ្ឋានកាំកុងត្រូល ក្នុងបទបង្ហាញបានបញ្ជាក់ថា បញ្ហាសុវត្ថិភាពម្ហូបអាហារនឹងបញ្ហាផលិតផល សុទ្ធតែបានផ្សារភ្ជាប់ជាមួយនឹងស្ថានភាពនៃជីវភាពរស់នៅរបស់បងប្អូនប្រជាពលរដ្ឋ គ្រប់មជ្ឈដ្ឋាន ទាំងអស់។ និយាយមែនទែនទៅ បញ្ហាសុវត្ថិភាពម្ហូបអាហារនេះ មិនមែនមានកង្វល់តែនៅកម្ពុជាមួយទេ តែវាជាកង្វល់រួមជាសកល ពោលគឺមិនមែនកើតមានឡើងនៅតែកម្ពុជាទេនោះ សូម្បីតែប្រទេសជឿនលឿន ដែលមានបច្ចេកវិទ្យា វិទ្យាសាស្ត្រជឿនលឿនប្រទេសរីកចម្រើនខ្លាំង ដូចជាអាមេរិកជាដើមនោះ ក៏នៅតែមានករណីនេះ ដោយមួយឆ្នាំៗ មានករណីពុលអាហារ ដល់អាយុជីវិតច្រើនផងដែរ។
លោកបន្តថា ផលិតផលម្ហូបអាហារ យើងពិតជាមានការព្រួយបារម្ភខ្លាំងមែនទែន ព្រោះយើងត្រូវទទួលទានជាប្រចាំ ដើម្បីទ្រទ្រង់ជីវិត។ ការលើកកម្ពស់ការយល់ដឹង ជូនបងប្អូនប្រជាពលរដ្ឋ ពីបញ្ហាសុវត្ថិភាពម្ហូបអាហារ ជារឿងសំខាន់។ សម្រាប់បងប្អូនអាជីវករ និងសិប្បករទាំងអស់ គឺត្រូវយកចិត្តទុកដាក់ ។ មិនមែនគ្រាន់តែចង់ចំណេញ ឬធ្វើឲ្យចំណូលរបស់យើងកើនជាអតិបរមា ចង់អ្នកណាឈឺឬអ្នកណាមានបញ្ហាអី យើងមិនគិតគូរ ខ្វះក្រមសីលធម៌ នៅក្នុងការគិតគូរនោះទេ។ ដូច្នេះទាមទារឲ្យបងប្អូន ដែលជាអ្នកផលិត អ្នកកែច្នៃ អ្នករៀបចំ អ្នកនាំចូល អ្នកលក់ដូរ ត្រូវមានស្វាយម្ចាស់ការនៅក្នុងការគ្រប់គ្រងផលិតផលរបស់ខ្លួន ដោយត្រូវវេចខ្ចប់ទុកដាក់ឲ្យបានត្រឹមត្រូវ៕
Source: Kampuchea Thmey Daily
0 Comments