នគរបាល​ប្រគល់​គ្រាប់ផ្លោង​ចាស់ៗ​ជាង​១០​គ្រាប់​ដល់​អង្គការ​ដោះ​មីន​កម្ពុជា

ព្រះវិហារ​ ៖ សេចក្តីរាយការណ៍​បានឱ្យដឹង​ថា​ នៅ​រសៀល​ថ្ងៃ​ទី​០៥ ​ខែ​មីនា​ ឆ្នាំ​២០១៩​ កម្លាំង​នគរបាល​គ្រប់គ្រង​អាវុធ​គ្រឿងផ្ទុះ​ និង​អគ្គិភ័យ​នៃ​ស្នងការដ្ឋាន​នគរបាល​ខេត្ត​ព្រះវិហារ​បាន​ប្រគល់​សំណល់​ជាតិ​ផ្ទុះ​សល់​ពី​សម័យ​សង្គ្រាមស៊ីវិល​ចំនួន ១៣​គ្រាប់ និង​គ្រាប់​អាវុធ​ធុន​តូច​ចំនួន ៦​គីឡូក្រាម​ ជូន​អង្គការ​ដោះ​មីន​កម្ពុជា (CSHD)​ដើម្បី​ពិនិត្យ​និង​បំផ្លាញ​ចោល។

មន្ត្រីនគរបាល​ដដែល​​ បាន​បន្តថា​ សំណល់​គ្រាប់​ចាស់ៗ​ខាងលើ​រួមមាន​ទី​១​ប្រភេទ​គ្រាប់​Mortar 82mm HETYPE 30 China ចំនួន ៤​គ្រាប់​ ទី​២Mortar 60mm HE Model 49US ចំនួន ៣​គ្រាប់​ ទី​៣​ប្រភេទ​គ្រាប់​Mortar 60mm HE TYPE 27 China ចំនួន ១​គ្រាប់​ ទី​៤​គ្រាប់បែកដៃ​Grenade Launcher 80 mm HEAT ទី​៥ គ្រាប់​បេ​40 China ចំនួន ២​គ្រាប់​ ទី​៦​គ្រាប់បែកដៃ​Grenade Hand 64mm M67 US ចំនួន ១​គ្រាប់​ ទី​៧​គ្រាប់បែកដៃ​Hand Grenade 55mm F1USSR ចំនួន ២​គ្រាប់​ និង​ទី​៨​គ្រាប់​អាវុធ​ធុន​តូច ចំនួន ៦​គីឡូក្រាម៕

Source: Kampuchea Thmey Daily