តារា​ផេ​ ផ្ដល់ជូន​អតិថិជន​នូវ​ដំណោះស្រាយ​ទូទាត់​បង់ប្រាក់​ទៅ​ក្រសួង​សាធារណការ និង​ដឹកជញ្ជូន ដោយ​ប្រើប្រាស់​បច្ចេកវិទ្យា​ទំនើប​បំផុត​

ភ្នំពេញ ៖ ស្របតាម​បេសកកម្ម​ក្នុងការ​ផ្ដល់ជូន​អតិថិជន​នូវ​ប្រព័ន្ធ​អេកូ​ហិរញ្ញវត្ថុ​ ដែល​បង្កើត​គុណ​តម្លៃ និង​ប្រកបដោយ​ទំនុកចិត្ត ក្រុមហ៊ុន​តារា​ផេ ដែលជា​ក្រុមហ៊ុន​ផ្ដល់​សេវា​កាបូប​លុយ​អេឡិចត្រូនិក​ចល័ត និង​ដំណោះស្រាយ​ក្នុងការ​ទូទាត់​សាច់ប្រាក់​ដ៏​ទំនើប​បំផុត​នៅ​កម្ពុជា បានផ្ដល់​ដំណោះស្រាយ​លើ​ការទូទាត់​បង់ប្រាក់​ទៅ​ក្រសួង​សាធារណការ និង​ដឹកជញ្ជូន​តាមបែប​ឌីជីថល​ដ៏​ល្អ​បំផុត​ជូន​ដល់​អតិថិជន​គឺ “​បច្ចេកវិទ្យា​ទូទាត់​តាមរយៈ​ការ​ស្កេ​ន QR Code​។​”

អតិថិជន​អាចធ្វើ​ការទូទាត់​ថ្លៃ​សេវា​បាន​យ៉ាង​រហ័ស​ទៅកាន់​ក្រសួង​សាធារណការ និង​ដឹកជញ្ជូន ទាក់ទង​នឹង​ការចុះបញ្ជី​យានយន្ដ ត្រួតពិនិត្យ​លក្ខណៈ​បច្ចេកទេស​យានយន្ត ចេញ​បណ្ណ​បើកបរ​យានយន្ដ និង​អាជីវកម្ម​ដឹកជញ្ជូន​ផ្លូវគោក បាន​ភ្លាមៗ ប្រកបដោយ​សុវត្ថិភាព និង​ភាពងាយស្រួល​។ សេវាកម្ម​ទូទាត់​បង់ប្រាក់​នេះ មាន​ភាព​រហ័ស ងាយស្រួល និង​ចំណេញ​ថវិកា​ទៀតផង ។ ជាពិសេស ក្រុមហ៊ុន​តារា​ផេ​នឹង​ផ្ដល់ជូន​កម្មវិធី​ប្រូ​ម៉ូ​សិន​ពិសេស គឺ​ការ​ឥតគិតថ្លៃ​សេវា​រយៈពេល 3 ខែ​ចំពោះ​ការទូទាត់​ថ្លៃ​សេវា​នានា​ទៅកាន់​ក្រសួង​សាធារណការ និង​ដឹកជញ្ជូន​នេះ។

វា​ពិត​ជាមាន​ភាពងាយស្រួល​ជាង​មុន​ច្រើនណាស់ អតិថិជន​ទាំងអស់​គ្រាន់តែ​ស្កេ​ន QR Code ដែលមាន​នៅលើ​វិក្កយបត្រ គឺអាច​ទូទាត់​បង់ប្រាក់​បាន​ភ្លាមៗ ដោយ​មិនចាំបាច់​បំពេញ​ព័ត៌មាន​ផ្សេងៗ​ដូចជា លេខ​វិក្កយបត្រ ឬ​ក៍​ចំនួន​ទឹកប្រាក់​ដែល​ត្រូវ​បង់​នោះទេ​។ អតិថិជន​អាច​ទូទាត់​បង់ប្រាក់​បាន​ដោយ​ខ្លួនឯង តាមរយៈ​កម្មវិធី តារា​ផេ App ក៏បាន ឬក៏​អាចធ្វើ​ការទូទាត់ តាមរយៈ​ភ្នាក់ងារ​តារា​ផេ ទូទាំងប្រទេស​ដែល​នៅ​ជិត​លោក​បំផុត​ក៏បាន​។ ត្រឹម​ថ្ងៃទី 28 ខែមីនា ឆ្នាំ​2019 នេះ តារា​ផេ​មាន​ភ្នាក់ងារ​ច្រើនជាង 3000 កន្លែង​ទូទាំង​ខេត្ត​ក្រុង​ក្នុងប្រទេស​កម្ពុជា រង់ចាំ​បម្រើសេវា​ជូន​អតិថិជន​ដូចជា សេវា​វេរ​លុយ​ក្នុងប្រទេស​ទូទាំង​25 ខេត្ត​ក្រុង ទូទាត់​វិក្កយបត្រ​នានា និង​ថ្លៃ​ទឹក​ភ្លើង បញ្ចូល​លុយ​កាត​ទូរស័ព្ទ សេវា​ទូ​បង់ប្រាក់​កម្ចី ការណែនាំ​កម្ចី និង​សេវា​ដទៃទៀត​ជាច្រើន​។​

លោក ភុ​ក រដ្ឋា ជា​នាយក​គ្រប់គ្រង​ទូទៅ​នៃ​ក្រុមហ៊ុន​តារា​ផេ បាន​មានប្រសាសន៍ថា​៖ “​ក្នុងនាម​ជា​ក្រុមហ៊ុន​បច្ចេកវិទ្យា​ហិរញ្ញវត្ថុ​ដ៏​ឈានមុខ​គេ​ក្នុងប្រទេស ក្រុមហ៊ុន​តារា​ផេ បាន​បន្ដ​ភាព​ច្នៃប្រឌិត​របស់ខ្លួន និង​អភិវឌ្ឍ​បច្ចេកវិទ្យា​របស់ខ្លួន​ជា​រៀងរាល់ថ្ងៃ​។ ពេលនេះ យើង​បាន​ផ្ដល់នូវ​ដំណោះស្រាយ​ទូទាត់​បង់ប្រាក់​ដោយ​ប្រើ​បច្ចេកវិទ្យា QR Code ជូន​ដល់​អតិថិជន ដូច្នេះហើយ ពួកគាត់​អាច​ចំណេញ​ពេលវេលា និង​ថ​រិ​កា ក្នុងការ​ធ្វើដំណើរ​ទៅ​បង់ប្រាក់​ទូទាត់​ថ្លៃ​សេវា​នានា​ទៅកាន់​ក្រសួង​សាធារណការ និង​ដឹកជញ្ជូន​។ ក្នុង​ពេលអនាគត​ខាងមុខនេះ ក្រុមហ៊ុន​តារា​ផេ នឹង​បន្ដ​បន្ថែម​ផលិតផល​ហិរញ្ញវត្ថុ​ជាច្រើន​ទៀត ដើម្បី​បម្រើសេវា​ដល់​អតិថិជន​ទាំង​នៅ​ទីក្រុង និង​នៅតាម​បណ្តា​ខេត្ត​នានា​។​”

​អំពី​តារា​ផេ
​តារា​ផេ​គឺជា​យីហោ​របស់​ក្រុមហ៊ុន កាណាឌីយ៉ា​-​ហ្វុ​ល​លើ​តុ​ន ម៉ូ​បែ​ល ម៉ាន់​នី ដែលជា​ក្រុមហ៊ុន​មួយ​ត្រូវបាន​បង្កើតឡើង​ក្នុង​ឆ្នាំ 2016​។ តារា​ផេ គឺជា​ក្រុមហ៊ុន​មួយ​ដែល​ចូលរួម​បង្កើតឡើង​រវាង ក្រុមហ៊ុន Canadia Investment Holding (CIH) នៃ​ប្រទេស​កម្ពុជា​និង​ក្រុមហ៊ុន Fullerton Financial Holdings (FHH) នៃ​ប្រទេស​សឹង្ហ​បុរី ក្នុង​គោលបំណង​បង្កើត​កាបូប​លុយ​អេ​ឡិច​ត្រូ​និ​ច​និង​អាជីវកម្ម​ទូទាត់​ប្រាក់​នៅក្នុង​កម្ពុជា​។ សេវាកម្ម​របស់ តារា​ផេ រួមមាន​៖ ការផ្ទេរ​ប្រាក់​(​វេរ​លុយ​) ការដក​/​ដាក់​ប្រាក់ ការទូទាត់​វិក្កយបត្រ ការបញ្ចូល​លុយ​ទូរស័ព្ទ ការទូទាត់​ប្រាក់​តាម​ប្រព័ន្ធ​អ៊ិន​ធឺ​ណិ​ត ការទូទាត់​ប្រាក់​តាម​ដៃគូ​ពាណិជ្ជករ ការបង់ប្រាក់​ឥណទាន សេវាកម្ម​បើកប្រាក់​ខែ និង​កាបូប​លុយ​អេ​ឡិច​ត្រូ​និ​ច​។ គិត​ត្រឹម​ថ្ងៃទី​28 ខែមីនា ឆ្នាំ 2019 ក្រុមហ៊ុន តារា​ផេ មាន​ភ្នាក់ងារ​ចំនួន​ច្រើនជាង 3000 កន្លែង​ទូទាំងប្រទេស ហើយ​ចំនួន​នេះ​ត្រូវបាន​រំពឹងថា​នឹង​កើនឡើង​រហូតដល់ 5200 នៅក្នុង​បំណាច់​ឆ្នាំ 2019 នេះ​។ ក្នុងពេល​បច្ចុប្បន្ន​នេះដែ​រ ក្រុមហ៊ុន តារា​ផេ មាន​ដៃគូ​ពាណិជ្ជករ​ជាង 2000 ហាង​ហើយ​ចំនួន​នេះ​ត្រូវបាន​សន្មត​ថា​នឹង​អាច​កើន​ឡើងដល់​ចំនួន 4500 នៅ​បំណាច់​ឆ្នាំ 2019​។ តាមរយៈ​ក្រុមហ៊ុន តារា​ផេ ប្រជាជន​កម្ពុជា និង​គ្រួសារ​រាប់ពាន់នាក់​នៅតាម​បណ្តា​ខេត្ត​និង​ទីក្រុង​នានា អាចធ្វើ​ការផ្ញើ​ប្រាក់​គ្រប់​ទីកន្លែង គ្រប់ពេលវេលា​ដោយមាន​សុវត្ថិភាព​ខ្ពស់​និង​សុខ​សុវត្ថិភាព​ផ្លូវចិត្ត​។​
​មិនទាន់មាន​កម្មវិធី តារា​ផេ App មែន​ទេ​?
​ទាញយក​ឥឡូវនេះ សម្រាប់​ប្រព័ន្ធ​ប្រតិបត្តិការ Android និង iOS ៖
https://goo.gl/7tvY1E
​តារា​ផេ រហ័ស សុវត្ថិភាព​និង​គ្រប់​ទីកន្លែង​។​

​

Source: Kampuchea Thmey Daily