ប្រធានាធិបតីស៊ីរីលោក Bashar al-Assad កាលពីថ្ងៃសុក្របានអំពាវនាវឲ្យមានវឌ្ឍនភាពក្នុងកិច្ចព្រមព្រៀងតំបន់ទ្រនាប់ដែលត្រូវជាប់គាំងមួយនៅជុំវិញតំបន់ Idlib ដែលគ្រប់គ្រងដោយពួកជីហាដមុនកិច្ចពិភាក្សាថ្មីៗដែល មានគោលបំណងបញ្ចប់ សង្គ្រាមរយៈពេលប្រាំបីឆ្នាំរបស់ប្រទេសនេះ។
លោក Assad បានជួបជាមួយបេសកជន Alexander Lavrentiev មកពីសម្ព័ន្ធមិត្តសំខាន់រុស្ស៊ីនៅក្នុងទីក្រុងដាម៉ាសដើម្បីពិភាក្សាអំពីការចរចារដែលនឹងប្រព្រឹត្តទៅនៅថ្ងៃទី២៥-២៦ខែមេសាក្នុងប្រទេសកាហ្សាក់ស្ថានប្រទេសអ៊ីរ៉ង់និងរុស្ស៊ីគឺជាអ្នកគាំទ្រដ៏សំខាន់នៃរបបស៊ីរីហើយរួមជាមួយនឹងអ្នកគាំទ្រក្រុមឧទ្ទាមគឺប្រទេសទួរគីបានឧបត្ថម្ភការចរចាម្តងហើយម្តងទៀតនៅក្នុងប្រទេសអាស៊ីកណ្តាលមួយនេះ។
ក្រុងមូស្គូនិងអង់ការ៉ាកាលពីខែកញ្ញាបានចុះហត្ថលេខាលើកិច្ចព្រមព្រៀងតំបន់ទ្រនាប់មួយដើម្បីទប់ស្កាត់ការវាយលុករបបដ៏ធំនៅខេត្ត Idlib ក្បែរព្រំដែនទួរគី។ប៉ុន្តែកិច្ចព្រមព្រៀងនេះមិនបានរាលដាលទេនៅពេលដែលអតីតសម្ព័ន្ធក្រុមអាល់កៃដាគឺ Hayat Tahrir al-Sham បានកាន់កាប់តំបន់នេះនៅក្នុងខែមករានិងតំបន់នេះបានស្ថិតនៅក្រោមការទម្លាក់គ្រាប់បែក។
លោក Assad បានទទូចនៅឯកិច្ចប្រជុំកាលពីថ្ងៃសុក្រថា ឧបសគ្គដែលរាំងខ្ទប់ការអនុវត្តពេញលេញនៃកិច្ចព្រមព្រៀងនេះគួរតែត្រូវបានដកចេញ។លោកបាននិយាយថា គោលបំណងចម្បងនៃកិច្ចព្រមព្រៀងនេះគឺ “លុបបំបាត់ក្រុមភេរវករ” នៅពេលដែលពួកយុទ្ធជនជីហាដមិនបានដកចេញពីតំបន់ជាកលាក់។
អង្គការសហប្រជាជាតិបានសម្តែងការព្រួយបារម្ភអំពីការកើនឡើងនូវអំពើហិង្សាក្នុងខេត្ត Idlib ដោយព្រមានថា ការផ្ទុះឡើងនេះកំពុងគំរាមកំហែងដល់ការផ្តល់ជំនួយដល់ប្រជាពលរដ្ឋប្រមាណ២.៧លាននាក់ដែលត្រូវការជំនួយ។របាយការណ៍នេះបាននិយាយថា មនុស្សជាង៨៦,៥០០នាក់បានភៀសខ្លួនចេញពីលំនៅដ្ឋានរបស់ពួកគេនៅក្នុងខែកុម្ភៈនិងមីនាដោយសារតែការកើនឡើងនៃអំពើហិង្សា៕ AFP
Source: Kampuchea Thmey Daily
0 Comments