ភ្នំពេញ ៖ លោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅជារៀងរាល់ថ្ងៃលោកតែងតែឆ្លៀតពេលចូលទៅក្នុងការិយាល័យច្រកចេញចូលតែមួយ របស់សាលាខណ្ឌដើម្បីពិនិត្យនិងចុះហត្ថលេខាលើឯកសារជូនប្រជាពលរដ្ឋយកទៅប្រើប្រាស់តាមផ្លូវច្បាប់។
លោកចេង មុនីរ៉ា បានមានប្រសាសន៍ថា ក្រោយថ្ងៃបុណ្យចូលឆ្នាំខ្មែរនេះ គឺមានបងប្អូនប្រជាពលរដ្ឋលោកបានមកបំពេញឯកសារនៅការិយាល័យច្រកចេញចូលតែមួយដើម្បីយកទៅប្រើប្រាស់តាមផ្លូវដូច្នេះហើយទើបលោកអភិបាលខណ្ឌតែងតែឆ្លៀតចូលទៅពិនិត្យនិងចុះហត្ថលេខាលើឯកសាររបស់ប្រជាពលរដ្ឋដែលលោកបានស្នើសុំ។
ក្នុងឱកាសនោះដែរ លោកចេង មុនីរ៉ា បានធ្វើការផ្សព្វផ្សាយដល់ប្រជាពលរដ្ឋដែលលោកបានមកបំពេញឯកសារយកទៅប្រើប្រាស់សូមផ្តាំតៗគ្នាឲ្យមកបំពេញឯកសារយកទៅប្រើប្រាស់ដោយខ្លួនឯងផ្ទាល់ដោយបញ្ឈប់ការចាញ់បោកអ្នកគប់ជេឯកសារដែលកន្លងមកបងប្អូនប្រជាពលរដ្ឋមួយចំនួនលោកតែងពឹងពាក់អ្នកគប់ជេឲ្យរត់ឯកសារឲ្យដោយបង់ថ្លៃសេវាខ្ពស់ហើយរហូតមានរឿងរ៉ាវដោយសារអ្នកគប់ជេយកឯកសារទៅទុកចោលរហូតដល់បាត់ក៏និងចំណាយពេលវេលាយូរទៀតផង។
ដូច្នេះហើយទើបលោកអភិបាលខណ្ឌសំណូមពរដល់បងប្អូនប្រជាពលរដ្ឋដែលមានបំណងចង់បំពេញឯកសារអ្វីមួយយកទៅប្រើប្រាស់សូមធ្វើដំណើរមកកាន់ការិយាល័យច្រកចេញចូលតែមួយ ដែលស្ថិតនៅក្នុងសាលាខណ្ឌច្បារអំពៅដើម្បីមកបំពេញយកទៅប្រើប្រាស់ដោយឯកសារខ្លះមិនបង់ប្រាក់និងចំណាយពេលតែកន្លះម៉ោងអាចយកឯកសារទៅប្រើប្រាស់បានដោយក្នុងនោះមានមន្ត្រីរាជការរង់ចាំបម្រើការជូនរាល់ម៉ោងធ្វើការដោយមិនឲ្យខកចិត្តឡើយ៕
Source: Kampuchea Thmey Daily
0 Comments