ឧត្តរមានជ័យ ៖ នៅថ្ងៃទី២២ ខែមេសា ឆ្នាំ២០១៩ វេលាម៉ោង៨និង៣០នាទី កម្លាំងប៉ុស្តិ៍រដ្ឋបាលអូរស្មាច់ បានចុះធ្វើការងារដ្ឋបាលនៅតាមផ្ទះសំណាក់(អាស៊ាន) ស្ថិតនៅភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ។
ជាលទ្ធផល បានពិនិត្យឃើញមានជនបរទេសម្នាក់ មកស្នាក់នៅក្នុងមូលដ្ឋានដោយខុសច្បាប់ (ប្រើប្រាស់ទិដ្ឋាការហួសសុពលភាព រយៈពេល៦ខែ) ដែលមាន ឈ្មោះ Park Taejoo ភេទប្រុស សញ្ជាតិ កូរ៉េខាងត្បូង ថ្ងៃខែឆ្នាំកំណើត១២-១០-១៩៦៨ កាន់លិខិតឆ្លងដែនលេខ 180917959 ប្រើទិដ្ឋាការ ប្រភេទ T1 single មានសុពលភាពពី ២៨-០៩-២០១៨ ដល់ ២៨-១០-២០១៨ ដោយចូលមកប្រទេសកម្ពុជាតាមច្រកទ្វារព្រំដែនអន្តរជាតិប៉ោយប៉ែត។
បច្ចុប្បន្ន ជនបរទេសខាងលើ ត្រូវបានកម្លាំងយើងធ្វើការឃាត់ខ្លួន នាំមកកាន់ប៉ុស្តិ៍នគរបាលរដ្ឋបាលអូរស្មាច់ ដើម្បីធ្វើការសាកសួរ និងកសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តចាត់ការបន្តតាមនីតិវិធី៕
Source: Kampuchea Thmey Daily
0 Comments