ឧត្តរមានជ័យ ៖ ផ្ទះប្រជាពលរដ្ឋចំនួន៣២ខ្នង បានរងការខូចខាតដោយសារគ្រោះធម្មជាតិភ្លៀងលាយឡំនឹងខ្យល់កន្ត្រាក់ដូចជារបើកដំបូល,របើកជញ្ជាំង,រលំធ្លាក់ពីជើងតាំង កាលពីវេលាម៉ោង១៦និង៣០នាទីល្ងាច ថ្ងៃទី២១ ខែមេសា ឆ្នាំ២០១៩ ដែលមានចំនួន២ស្រុក នៅក្នុងភូមិគោកសំរេច ឃុំ
ចុងកាល់.ស្រុកចុងកាល់ ខេត្តឧត្តរមានជ័យ ចំនួន៧ខ្នង និងភូមិម៉ាលីស្រោង ឃុំបេង ស្រុកបន្ទាយអំពិលចំនួន២៥ខ្នង។
លោកវរសេនីយ៍ទោ ឃុល ភិន អធិការនគរបាលស្រុកបន្ទាយអំពិលបានឲ្យដឹងថា អាកាសធាតុ មេឃភ្លៀងធ្លាក់លាយឡំនឹងខ្យល់កន្ត្រាក់បណ្តាលឲ្យខូចខាតផ្ទះរបស់ប្រជាពលរដ្ឋចំនួន២៥ខ្នង។
រីឯ លោកវរសេនីយ៍ទោ រី ធារិទ្ធ អធិការនគរបាលស្រុកចុងកាល់ បានឲ្យដឹងដែលថា នៅវេលាម៉ោង១៦និង៣០នាទីល្ងាច ថ្ងៃទី២១ ខែមេសា ឆ្នាំ២០១៩ ខាងលើមានភ្លៀងធ្លាក់លាយឡំនឹងខ្យល់កន្ត្រាក់ បណ្តាលឲ្យខូចខាតផ្ទះប្រជាពលរដ្ឋ៧ខ្នង ក្នុងនោះរបើកតូបសង្កត់ឡាន និងត្រាក់ទ័រមួយគ្រឿងទៀតផង។
លោកអធិការស្រុកបានបន្តទៀតថា ករណីខាងលើនេះ មិនបង្កឲ្យមានគ្រោះថ្នាក់ដល់អាយុជីវិតមនុស្ស និងសត្វនោះទេ៕
Source: Kampuchea Thmey Daily
0 Comments