ភ្នំពេញ ៖ លោកឧត្ដមសេនីយ៍ត្រី ចនណាតាន់ ប្រាហ្គា (Jonathan Braga) មេបញ្ជាការ បញ្ជាការដ្ឋានប្រតិបត្តិការពិសេស តំបន់ប៉ាស៊ីហ្វិក នៃកងទ័ពសហរដ្ឋអាមេរិក កាលពីរសៀលថ្ងៃទី៩ ខែមេសា ឆ្នាំ២០១៩ បានទទួលស្វាគមន៍ និងបង្ហាញទឹកចិត្តសប្បាយរីករាយ ដែលលោកឧត្ដមសេនីយ៍ឯក ហ៊ុន ម៉ាណែត បានចំណាយពេលវេលាមកចូលរួមសិក្ខាសាលាអន្តរជាតិ ស្តីពីប្រតិបត្តិការពិសេស តំបន់ប៉ាស៊ីហ្វិក “PASOC 19”។ លោកសង្ឃឹមថា កងកម្លាំងនៃប្រទេសទាំងពីរ នឹងបន្តពង្រឹង និងពង្រីកកិច្ចសហប្រតិបត្តិការទៅថ្ងៃអនាគត។
មេបញ្ជាការកងទ័ពជើងគោក បានថ្លែងអំណរគុណ មេបញ្ជាការ បញ្ជាការដ្ឋានប្រតិបត្តិការពិសេស តំបន់ប៉ាស៊ីហ្វិក ដែលបានអញ្ជើញរូបលោក និងគណៈប្រតិភូកងទ័ពកម្ពុជា មកចូលរួមសិក្ខាសាលអន្តរជាតិនេះ។
លោកឧត្ដមសេនីយ៍ឯកបានបន្តថា ទំនាក់ទំនងកម្ពុជា-សហរដ្ឋអាមេរិក មានយូរមកហើយលើគ្រប់វិស័យ ចំពោះវិស័យការពារជាតិកម្ពុជា និងសហរដ្ឋអាមេរិក ក៏បានធ្វើការងាររួមគ្នាច្រើននាពេលកន្លងមក ទាំងការជួយឧបត្ថម្ភ ការហ្វឹកហ្វឺន និងការធ្វើលំហាត់រួមគ្នាលើ ប្រធានបទប្រយុទ្ធប្រឆាំងអំពើភេរវកម្ម ការងារមនុស្សធម៍ និងការសង្គ្រោះគ្រោះមហន្តរាយ។ ល។
លោកឧត្ដមសេនីយ៍ឯកសង្ឃឹមថា ទៅថ្ងៃអនាគតទំនាក់ទំនង នៃកងទ័ពប្រទេសទាំងពីរ នឹងបន្តរីកចម្រើនទៅថ្ងៃអនាគត៕
Source: Kampuchea Thmey Daily
0 Comments