ភ្នំពេញ ៖ ថ្លែងទៅកាន់វេទិកាខ្សែក្រវាត់និងផ្លូវ លើកទី២ សម្រាប់កិច្ចសហប្រតិបត្តិការអន្តរជាតិ ដែលបានប្រារព្ធបើកជាផ្លូវការនាព្រឹកថ្ងៃទី២៦ ខែ មេសា នាមជ្ឈមណ្ឌលសន្និសីទអន្តរជាតិទីក្រុងប៉េកាំង សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសថា គំនិតផ្ដួចផ្ដើមខ្សែក្រវាត់និងផ្លូវនឹងមិនផ្ដល់នូវផលប៉ះពាល់ជាអវិជ្ជមានដល់ប្រទេសណាមួយឡើយ។ ជាមួយនេះសម្តេចតេជោហ៊ុន សែន បានរិះគន់ចំពោះ ទស្សនៈមួយចំនួនដែលយល់ថា គំនិតផ្ដួចផ្ដើមនេះនឹងបណ្ដាលឲ្យប្រទេសមួយចំនួនជាប់អន្ទាក់បំណុល។
ពិធីបើកវេទិកាខ្សែក្រវាត់និងផ្លូវ លើកទី២ សម្រាប់កិច្ចសហប្រតិបត្តិការអន្តរជាតិ ត្រូវបានប្រារព្ធបើកជាផ្លូវការ កាលពីព្រឹកថ្ងៃទី២៦ ខែ មេសានាមជ្ឈមណ្ឌលសន្និសីទអន្តរជាតិទីក្រុងប៉េកាំង។ ប្រមុខរដ្ឋប្រមុខរដ្ឋាភិបាលមកពី៤០ ប្រទេស និង អ្នកតំណាងមកពីជាង ១០០ ប្រទេស ក្នុងទ្វីបអាស៊ីអឺរ៉ុបនិងអាហ្វ្រិក,ប្រមុខអង្គការសហប្រជាជាតិ,ប្រធានធនាគារពិភពលោក,ប្រធានមូលនិធិរូបិយវត្ថុអន្តរជាតិនិងប្រតិភូថ្នាក់រដ្ឋមន្ត្រី,សហគ្រិន,អ្នកជំនាញខាងកិច្ចការហិរញ្ញវត្ថុប្រមាណ ១.២០០នាក់ រួមទាំងអ្នកសារព័ត៌មានអន្តរជាតិមកពី១១០ប្រទេសលើពិភពលោកបានចូលរួមផងដែរ។
សម្តេចតេជោ ហ៊ុន សែន មានប្រសាសន៍ដោយបានវាយតម្លៃខ្ពស់ចំពោះ លោក ស៊ីជីនពីងនិងថ្នាក់ដឹកនាំរដ្ឋាភិបាលចិន និង ប្រជាជនចិនទាំងអស់ ចំពោះវឌ្ឍនភាពដ៏ល្អប្រសើរនិងធំធេងនៃគំនិតផ្ដួចផ្ដើមខ្សែក្រវាត់និងផ្លូវក្នុងរយៈពេលជិត៦ឆ្នាំនៃការអនុវត្តកន្លងមក។ គំនិតផ្ដួចផ្ដើមខ្សែក្រវាត់និងផ្លូវសម្រេចបានផ្លែផ្កាគួរឲ្យកត់សម្គាល់ជាច្រើនសម្រាប់កិច្ចសហប្រតិបត្តិការក្នុងតំបន់និងលើសកលលោកទាំងការតភ្ជាប់គ្រប់ប្រព័ន្ធរូបវ័ន្តនិងអរូបវ័ន្តការបន្ស៊ីនិងការសម្របសម្រួលគោលនយោបាយអភិវឌ្ឍន៍ការវិនិយោគនៅក្នុងវិស័យហេដ្ឋារចនាសម្ព័ន្ធកិច្ចសហប្រតិបត្តិការសេដ្ឋកិច្ចពាណិជ្ជកម្មការវិនិយោគនិងការផ្លាស់ប្ដូរវប្បធម៌និងទំនាក់ទំនងរវាងប្រជាជននិងប្រជាជន ដែលវឌ្ឍនភាពទាំងនេះ ត្រូវបានឆ្លុះបញ្ចាំងតាមរយៈកំណើននៃលំហូរពាណិជ្ជកម្មលំហូរមូលធនលំហូរទេសចរណ៍ការផ្លាស់ប្ដូរវប្បធម៌និងការផ្ទេរបច្ចេកវិទ្យាជាដើម។ ប្រការនេះពិតជាបានរួមចំណែកដល់ការលើកស្ទួយសុខុមាលភាពនិងការអភិវឌ្ឍតំបន់របស់យើងទាំងក្នុងវិស័យសន្តិសុខសេដ្ឋកិច្ចនិងសង្គមលើសពីនេះទៀតចំនួនប្រទេសចូលរួមក្នុងវេទិកាខ្សែក្រវាត់និងផ្លូវលើកទី២មានការកើនឡើងគួរឲ្យកត់សម្គាល់ដែលនេះគឺជាសញ្ញានៃការរីកដុះដាលនិងភាពកាន់តែរឹងមាំជាលំដាប់នូវការផ្តល់សេចក្តីគាំទ្រនិងការជឿទុកចិត្តលើគំនិតផ្តួចផ្តើម«ខ្សែក្រវាត់និងផ្លូវ»សម្រាប់ការលើកកម្ពស់សន្តិភាពការជំរុញការអភិវឌ្ឍសេដ្ឋកិច្ចនិងពង្រឹងវិបុលភាពតំបន់និងនៅលើសកលលោក។
ជាមួយវឌ្ឍនភាពនៃគំនិតផ្តួចផ្តើម «ខ្សែក្រវាត់និងផ្លូវ» វេទិកាលើកទី២នាពេលនេះនឹងផ្តល់ឱកាសឲ្យយើងទាំងអស់គ្នាដែលជាប្រជាជាតិមានការជឿជាក់លើសកលភាវូពាណិជ្ជកម្មនិងការបើកចំហសេដ្ឋកិច្ចដោយឈរលើគោលការណ៍កិច្ចសហប្រតិបត្តិការជាដៃគូយូរអង្វែងរួមគ្នាពង្រឹងកម្លាំងសាមគ្គីនិងពូតដៃគ្នាការពារផលប្រយោជន៍និងវិបុលភាពរួមពិភាក្សានិងដាក់ចេញនូវគោលនយោបាយជាយុទ្ធសាស្ត្រ និង ការប្តេជ្ញាចិត្តយ៉ាងពិតប្រាកដដើម្បីសម្រេចឲ្យបាននូវសមិទ្ធផលជាផ្លែផ្កាថ្មីៗបន្ថែមទៀតហើយបោះជំហានទៅមុខឥតងាករេលើមាគ៌ាមួយកាន់តែច្បាស់លាស់សម្រាប់កិច្ចសហប្រតិបត្តិការជាអន្តរជាតិក្នុងស្មារតីខិតខំរួមគ្នាចែករំលែកផលប្រយោជន៍រួមគ្នានិងទទួលឱកាសដូចគ្នា។
សម្តេចតេជោនាយករដ្ឋមន្ត្រីបានបន្តថា នៅក្នុងយុគ្គឌីជីថលពិភពលោកទាំងមូលលែងបែងចែកជាទ្វីបទៀតហើយយើងទាំងអស់គ្នារស់នៅយ៉ាងកៀកបង្កើយដោយរួមសុខរួមទុក្ខហើយខ្ញុំយល់ថាមានតែការខិតខំប្រឹងប្រែងដើម្បីកសាងវាសនារួមគ្នាប៉ុណ្ណោះដែលនឹងទ្រទ្រង់មនុស្សជាតិទាំងមូលអាចបន្តរួមរស់ជាមួយគ្នាដោយសុខដុមរមនានិងសន្តិភាព។ នេះជាអ្វីដែលខ្ញុំវាយតម្លៃខ្ពស់បំផុតចំពោះគំនិតផ្តួចផ្តើម «ខ្សែក្រវាត់និងផ្លូវ»។ ប្រការដែលមហាអំណាចសេដ្ឋកិច្ចមួយមានឧត្តមគតិនិងមនសិការគិតគូរដល់ការកសាងសហគមន៍វាសនារួមគ្នាជាមួយបណ្តាប្រទេសសេដ្ឋកិច្ចផ្សេងៗទៀតទាំងតូចនិងធំជាគតិបណ្ឌិតគំរូប្រកបដោយវីរភាពហើយក៏ជាកាយវិការដ៏ទន់ភ្លន់គួរឲ្យគោរពកោតសរសើរសមជាអរិយប្រទេស។ ខ្ញុំរំពឹងថា បណ្តាប្រទេសនិងសេដ្ឋកិច្ចដែលមានភាពរីកចម្រើនលូតលាស់និងរុងរឿងនានានឹងប្រកាន់យកលំអាននិងទស្សនវិជ្ជា «រួមគ្នាពោលគឺប្រទេសខ្លាំងជួយប្រទេសខ្សោយប្រទេសមានជួយប្រទេសដែលនៅខ្វះខាតក្នុងគោលដៅតែមួយនិងរួមគ្នាជួយគ្នាដើម្បីឲ្យយើងមានវាសនាអនាគតរុងរឿងដូចគ្នា។
ក្នុងរយៈពេលជិត៦ឆ្នាំ នៃការអនុវត្តកន្លងមកគំនិតផ្តួចផ្តើម «ខ្សែក្រវាត់និងផ្លូវ» សម្រេចបានផ្លែផ្កាគួរឲ្យកត់សម្គាល់ជាច្រើនសម្រាប់កិច្ចសហប្រតិបត្តិការក្នុងតំបន់និងលើសកលលោកទាំងក្នុងការតភ្ជាប់រូបវ័ន្តនិងអរូបវ័ន្តការបន្ស៉ីនិងសម្របសម្រួលគោលនយោបាយការវិនិយោគនៅក្នុងវិស័យហេដ្ឋារចនាសម្ព័ន្ធកិច្ចសហប្រតិបត្តិការសេដ្ឋកិច្ចពាណិជ្ជកម្មការវិនិយោគនិងការផ្លាស់ប្តូរវប្បធម៌និងទំនាក់ទំនងរវាងប្រជាជននិងប្រជាជនដែលវឌ្ឍនភាពទាំងនេះត្រូវបានឆ្លុះបញ្ចាំងតាមរយៈកំណើននៃលំហូរពាណិជ្ជកម្មលំហូរមូលធនលំហូរទេសចរណ៍ការផ្លាស់ប្តូរវប្បធម៌និងការផ្ទេរបច្ចេកវិទ្យាជាដើម។
ប្រការនេះបានចូលរួមចំណែកដល់ការលើកស្ទួយសុខុមាលភាព និង ការអភិវឌ្ឍតំបន់របស់យើងទាំងក្នុងវិស័យសន្តិសុខសេដ្ឋកិច្ចនិងសង្គម។ លើសពីនេះទៀត ចំនួនប្រទេសចូលរួមក្នុងវេទិកា«ខ្សែក្រវាត់និងផ្លូវ»លើកទី២មានការកើនឡើងគួរឲ្យកត់សម្គាល់ដែលនេះជាសញ្ញានៃការរីកដុះដាលនិងភាពកាន់តែរឹងមាំជាលំដាប់នូវការផ្តល់សេចក្តីគាំទ្រនិងការជឿទុកចិត្តលើគំនិតផ្តួចផ្តើម«ខ្សែក្រវាត់និងផ្លូវ» សម្រាប់ការលើកកម្ពស់សន្តិភាពការជំរុញការអភិវឌ្ឍសេដ្ឋកិច្ចនិងពង្រឹងវិបុលភាពតំបន់និងនៅលើសាកលលោក។
ជាមួយវឌ្ឍនភាពនៃគំនិតផ្តួចផ្តើម «ខ្សែក្រវាត់និងផ្លូវ» វេទិកាលើកទី២នាពេលនេះនឹងផ្តល់ឱកាសឲ្យយើងទាំងអស់គ្នា ដែលជាប្រជាជាតិមានការជឿជាក់លើសកលភាវូពាណិជ្ជកម្មនិងការបើកចំហសេដ្ឋកិច្ចដោយឈរលើគោលការណ៍កិច្ចសហប្រតិបត្តិការជាដៃគូយូរអង្វែងរួមគ្នាពង្រឹងកម្លាំងសាមគ្គីនិងពូតដៃគ្នាការពារផលប្រយោជន៍និងវិបុលភាពរួមពិភាក្សានិងដាក់ចេញនូវគោលនយោបាយជាយុទ្ធសាស្ត្រនិងការប្តេជ្ញាចិត្តយ៉ាងពិតប្រាកដដើម្បីសម្រេចឲ្យបាននូវសមិទ្ធផលជាផ្លែផ្កាថ្មីៗបន្ថែមទៀតហើយបោះជំហានទៅមុខឥតងាករេលើមាគ៌ាមួយកាន់តែច្បាស់លាស់សម្រាប់កិច្ចសហប្រតិបត្តិការជាអន្តរជាតិក្នុងស្មារតីខិតខំរួមគ្នាចែករំលែកផលប្រយោជន៍រួមគ្នានិងទទួលឱកាសដូចគ្នា។
នៅក្នុងយុគ្គឌីជីថលពិភពលោកទាំងមូល លែងបែងចែកជាទ្វីបទៀតហើយ យើងទាំងអស់គ្នារស់នៅយ៉ាងកៀកបង្កើយដោយរួមសុខរួមទុក្ខហើយខ្ញុំយល់ថាមានតែការខិតខំប្រឹងប្រែងដើម្បីកសាងវាសនារួមគ្នាប៉ុណ្ណោះដែលនឹងទ្រទ្រង់មនុស្សជាតិទាំងមូលអាចបន្តរួមរស់ជាមួយគ្នាដោយសុខដុមរមនានិងសន្តិភាព។ នេះជាអ្វីដែលខ្ញុំវាយតម្លៃខ្ពស់បំផុតចំពោះគំនិតផ្តួចផ្តើម«ខ្សែក្រវាត់និងផ្លូវ»។ ប្រការដែលមហាអំណាចសេដ្ឋកិច្ចមួយមានឧត្តមគតិនិងមនសិការគិតគូរដល់ការកសាងសហគមន៍វាសនារួមគ្នាជាមួយបណ្តាប្រទេសសេដ្ឋកិច្ចផ្សេងៗទៀតទាំងតូចនិងធំជាគតិបណ្ឌិតគំរូប្រកបដោយវីរភាពហើយក៏ជាកាយវិការដ៏ទន់ភ្លន់គួរឱ្យគោរពកោតសរសើរសមជាអរិយប្រទេស។ខ្ញុំរំពឹងថា បណ្តាប្រទេសនិងសេដ្ឋកិច្ចដែលមានភាពរីកចម្រើនលូតលាស់និងរុងរឿងនានានឹងប្រកាន់យកលំអាននិងទស្សនវិជ្ជា«រួមគ្នាពោលគឺប្រទេសខ្លាំងជួយប្រទេសខ្សោយប្រទេសមានជួយប្រទេសដែលនៅខ្វះខាតក្នុងគោលដៅតែមួយនិងរួមគ្នាជួយគ្នាដើម្បីឱ្យយើងមានវាសនាអនាគតរុងរឿងដូចគ្នា។
សម្តេចតេជោបន្តថាបច្ចុប្បន្នសាធារណរដ្ឋ ប្រជាមានិតចិនបានក្លាយជាមហាអំណាចដ៏ធំទី១នៅអាស៊ីនិងធំទី២នៅលើសកលលោក។ កត្តានេះបានធ្វើឱ្យមានការចូលរួមចំណែកនិងការទទួលខុសត្រូវរបស់ប្រទេសចិននៅក្នុងការអភិវឌ្ឍក្នុងតំបន់និងលើសកលោកពិតជាមានភាពចាំបាច់ខ្វះមិនបាន។ ការដាក់ចេញនិងអនុវត្តន៍នូវក្របខ័ណ្ឌគំនិតផ្តួចផ្តើម«ខ្សែក្រវាត់និងផ្លូវ»ជាសក្ខីកម្មមួយយ៉ាងប្រត្យក្សនៃកិច្ចខិតខំប្រឹងប្រែងរបស់ចិនក្នុងការរួមចំណែកជំរុញអភិវឌ្ឍន៍តំបន់និងសកលលោក។ យើងដឹងហើយថាគំនិតផ្តួចផ្តើម«ខ្សែក្រវាត់និងផ្លូវ»នេះគឺជាក្របខ័ណ្ឌនៃកិច្ចសហប្រតិបត្តិការសេដ្ឋកិច្ចនិងការអភិវឌ្ឍក្នុងតំបន់និងលើសកលលោកនិងជាយន្តការមួយដែលផ្តល់ធនធានដល់ប្រទេសនានាក្នុងសកលលោកពិសេសប្រទេសកំពុងអភិវឌ្ឍន៍សម្រាប់បំពេញគម្លាតតម្រូវការហិរញ្ញប្បទានដើម្បីបង្កើនការតភ្ជាប់។
សម្តេចតេជោនាយករដ្ឋមន្ត្រីបានបន្តថា សម្រាប់កម្ពុជាគំនិតផ្តួចផ្តើម«ខ្សែក្រវាត់និងផ្លូវ»បានផ្តល់ផលប្រយោជន៍យ៉ាងច្រើនដល់ការអភិវឌ្ឍសេដ្ឋកិច្ចសង្គមវប្បធម៌។ ភាពជោគជ័យនៃការអភិវឌ្ឍតំបន់សេដ្ឋកិច្ចពិសេសខេត្តព្រះសីហនុដែលជាគម្រោងវិនិយោគដ៏ធំរបស់ចិននិងជាសក្ខីភាពមួយយ៉ាងច្បាស់នៃការកសាងគម្រោងផែនការសហប្រតិបត្តិការ«ខ្សែក្រវាត់និងផ្លូវ»រវាងប្រទេសទាំងពីរ។គម្រោងទាំងនេះទទួលបានជោគជ័យល្អប្រសើរហើយបច្ចុប្បន្នមានក្រុមហ៊ុនចំនួន១៦១កំពុងធ្វើសហប្រតិបត្តិការ។ ក្នុងនោះមានក្រុមហ៊ុនចិនចំនួន១៤៨និងបង្កើតការងារជូនប្រជាជនកម្ពុជាជាង២ម៉ឺននាក់។ ការអភិវឌ្ឍសេដ្ឋកិច្ចក្រុងព្រះសីហនុជំហានពីរអាចនឹងបង្កើតការងារជូនប្រជាជនប្រមាណ៨ម៉ឺននាក់បន្ថែមទៀត។ សមិទ្ធផលថ្មីមួយទៀតតាមរយៈគំនិតផ្តួចផ្តើមនេះគឺកម្ពុជាសម្រេចបាននូវការកសាងផ្លូវល្បឿនលឿនភ្នំពេញ-ព្រះសីហនុដែលនឹងក្លាយទៅជាកម្លាំងចលករមួយចូលរួមកែប្រែវិមាត្រសេដ្ឋកិច្ចកម្ពុជានិងបង្កើនការតភ្ជាប់ក្នុងតំបន់ឲ្យកាន់តែប្រសើរឡើងខុសប្លែកពីទស្សនៈមួយចំនួន ដែលយល់ឃើញថា គំនិតផ្តួចផ្តើមនេះនឹងបណ្តាលឲ្យប្រទេសមួយចំនួនជាប់អន្ទាក់បំណុល។ ប្រទេសកម្ពុជាមិនត្រឹមតែអាចចរចានិងរៀបចំគម្រោងនេះដោយឈរលើស្មារតីការពារផលប្រយោជន៍ជូនជាតិនិងប្រជាជនរបស់ខ្លួនដោយស្មើភាពនិងស្មើសិទ្ធិប៉ុណ្ណោះទេ។ ប៉ុន្តែថែមទាំងសម្រេចបាននូវការធ្វើវិស្វកម្មហិរញ្ញវត្ថុមួយដែលមិនបង្កើតបន្ទុកហិរញ្ញវត្ថុនិងបំណុលសាធារណៈដល់រដ្ឋថែមទៀតផង។
សម្តេចតេជោបន្តទៀតថា ដោយឈរលើស្មារតីខិតខំរួមគ្នាចែករំលែកផលប្រយោជន៍ជាមួយគ្នានិងទទួលបានឱកាសដូចគ្នា។ ខ្ញុំយល់ថា គំនិតផ្តួចផ្តើម«ខ្សែក្រវាត់និងផ្លូវ»នឹងមិនផ្តល់ផលប៉ះពាល់ជាអវិជ្ជមានដល់ប្រទេសណាមួយឡើយ។ ក្នុងនាមជាប្រទេសដែលមានអធិបតេយ្យយើងមានសិទ្ធិនិងជម្រើសក្នុងការសម្រេចយកតែអ្វីដែលយើងចង់បាននិងប្រភេទហិរញ្ញប្បទានណាដែលយើងត្រូវការហើយអនុវត្តន៍គម្រោងទាំងនោះដោយឈរលើគោលការណ៍នៃការពង្រឹងភាពជាម្ចាស់និងភាពជាអ្នកដឹកនាំការអភិវឌ្ឍជាតិរបស់ខ្លួន។ ជាក់ស្តែងស្ថានភាពបំណុលរបស់កម្ពុជាមកដល់ពេលនេះស្ថិតក្នុងលក្ខណៈល្អប្រសើរដោយសារយើងមានគោលនយោបាយនិងបានអនុវត្តការគ្រប់គ្រងម៉ាក្រូសេដ្ឋកិច្ចនិងហិរញ្ញវត្ថុសាធារណៈប្រកបដោយវិន័យហ្មត់ចត់តឹងរ៉ឹងព្រមទាំងផែនការនិងយុទ្ធសាស្ត្រអភិវឌ្ឍន៍ជាតិយ៉ាងច្បាស់ដោយផ្តល់អាទិភាពនិងការរៀបចំអភិវឌ្ឍន៍តាមលំដាប់លំដោយជាប្រព័ន្ធប្រទាក់ក្រឡាគ្នានិងធានាសង្គត្តភាពរវាងផែនការសកម្មភាពនិងគម្រោងថ្នាក់ជាតិជាមួយនឹងផែនការសកម្មភាពនិងគម្រោងថ្នាក់ក្រោមជាតិក៏ដូចជាធានាសង្គត្តភាពជាមួយផែនការសកម្មភាពនិងគម្រោងនៃកិច្ចសហប្រតិបត្តិការទ្វេភាគីនិងពហុភាគីទាំងអស់ដើម្បីធានាឲ្យបាននូវភាពជាក់ស្តែងនិយមឆ្លើយតបទៅនឹងអាទិភាពនិងប្រសិទ្ធភាពនៃការអនុវត្តផងដែរ។
ជារួមសម្តេចមានជំនឿយ៉ាងមុតមាំថា គំនិតផ្តួចផ្តើម«ខ្សែក្រវាត់និងផ្លូវ»កំពុងបង្កើតកម្លាំងចលករថ្មីសម្តៅបន្តពង្រឹងនិងពង្រីកកិច្ចសហប្រតិបត្តិការរបស់បណ្តាប្រទេសក្នុងតំបន់និងលើសកលលោកដើម្បី បុព្វហេតុសន្តិសុខសន្តិភាពភាពសុខដុមរមនាវិបុលភាពនិងការអភិវឌ្ឍប្រកបដោយចីរភាព។ ក្នុងស្មារតីនេះយើងពិតជាមានតម្រូវការចាំបាច់ក្នុងការជំរុញកសាងសាមគ្គីភាពនិងការយោគយល់គ្នាដោយផ្អែកលើតម្លៃនៃគុណធម៌សាមគ្គីភាពមិត្តភាពនិងជំនឿទុកចិត្តនិងសមភាពនៅក្នុងទំនាក់ទំនងរវាងប្រទេសនិងប្រទេសរវាងប្រជាជននិងប្រជាជនរបស់យើង។
ថ្លែងសុន្ទរកថាពិធីបើកវេទិកាខ្សែក្រវាត់និងផ្លូវលើកទី២ សម្រាប់កិច្ចសហប្រតិបត្តិការអន្តរជាតិលោក ស៊ីជីនពីងប្រធានាធិបតីនៃសាធារណរដ្ឋប្រជាមានិតចិននិងជាម្ចាស់ផ្ទះមានប្រសាសន៍ថា គំនិតផ្តួចផ្តើមខ្សែក្រវាត់ និងផ្លូវ (BRI) ជាការលើកទិសដៅកសាងបណ្តាញហេដ្ឋារចនាសម្ព័ន្ធ និងពាណិជ្ជកម្ម ហើយការចូលរួមក្នុងគម្រោងខ្សែក្រវាត់និងផ្លូវនេះបានជួយបើកចំហនូវឱកាសថ្មីសម្រាប់ការអភិវឌ្ឍសេដ្ឋកិច្ចសកល។ គំនិតផ្តួចផ្តើមខ្សែក្រវាត់និងផ្លូវត្រូវបានឈរលើគោលការណ៍នៃភាពស្មើភាពគ្នានិងផលប្រយោជន៍ទៅវិញទៅមកដើម្បីសម្រេចបាននូវលទ្ធផលឈ្នះឈ្នះ និងការអភិវឌ្ឍជារួម។
លោកប្រធានាធិបតីចិន ស៊ី ជិនពីង ក៏បានសង្កត់ធ្ងន់បន្ថែមទៀតផងដែរថាគោលការណ៍នៃការពិគ្រោះយោបល់ដ៏ទូលំទូលាយការរួបរួមគ្នានិងការចែករំលែកផលប្រយោជន៍គួរតែត្រូវបានលើកឡើង ហើយក៏ត្រូវធ្វើការបើកចំហ និងគោរពតាមវិធីសាស្ត្របៃតង និងស្អាតផងដែរ។ បន្ថែមពីនេះគ្រប់គ្នាត្រូវសម្រេចឲ្យបាននូវគោលបំណងនៃការអភិវឌ្ឍប្រកបដោយស្តង់ដារខ្ពស់ទៅលើជីវភាពរស់នៅរបស់ប្រជាជននិងការអភិវឌ្ឍដែលប្រកបដោយចីរភាពថែមទៀត។
លោក ស៊ី ជិនពីង ក៏បានធ្វើការសន្យាផងដែរក្នុងនាមជាមេដឹកនាំនៃប្រទេសចិនដើម្បីធ្វើការជាមួយដៃគូនៃទីក្រុងប្រកបដោយនិរន្តរភាពនានានិងការចូលរួមសម្ព័ន្ធភាពគ្នាជាលក្ខណៈអន្តរជាតិសម្រាប់ការអភិវឌ្ឍបៃតងស្ថិតនៅក្រោមគំនិតផ្តួចផ្តើមខ្សែក្រវាត់និងផ្លូវ។ លោក ស៊ី ក៏បានលើកឡើងនៅមុននេះដែរថាគំនិតផ្តួចផ្តើមខ្សែក្រវាត់និងផ្លូវមិនមែនជារបស់ចិនផ្តាច់មុខនោះឡើយដោយបណ្តាប្រទេសនានានៅលើពិភពលោកត្រូវបានស្វាគមន៍ដើម្បីកសាងអនាគតរួម។
នៅក្នុងសម័យប្រជុំជាន់ខ្ពស់នៃវេទិកាខ្សែក្រវាត់ និងផ្លូវលើកទី២នៅថ្ងៃទី ២៦ ខែមេសាសម្តេចតេជោនាយករដ្ឋមន្ត្រីនឹងថ្លែងសុន្ទរកថាពីមូលបទរបស់វេទិកា«កិច្ចសហប្រតិបត្តិការខ្សែក្រវាត់និងផ្លូវៈបង្កើតជោគវាសនារួមដ៏ត្រចះត្រចង់»។ នៅថ្ងៃបន្ទាប់នៅក្នុងសម័យប្រជុំតុមូលរបស់ថ្នាក់ដឹកនាំសម្តេចតេជោនាយករដ្ឋមន្ត្រីនឹងអញ្ជើញចែករំលែកទស្សនវិស័យលើមូលបទ«ការជំរុញការតភ្ជាប់ដើម្បីស្វែងរកធនធានថ្មីសម្រាប់ការរីកចម្រើន»។
សម្រាប់វេទិកាខ្សែក្រវាត់និងផ្លូវលើកទី២ ឆ្នាំ២០១៩នេះកម្មវិធីចំនួន ១២ ត្រូវបានរៀបចំឡើងដោយរួមមានការតភ្ជាប់គោលនយោបាយ(Policy Connectivity),ការតភ្ជាប់ហិរញ្ញវត្ថុ (Financial Connectivity),ការតភ្ជាប់ប្រជាជននិងប្រជាជន (People-to-People Connectivity),វេទិកាផ្លាស់ប្តូរគំនិត(Think-tank Exchanges),វិថីសូត្រប្រណីត (Clean Silk Road),ការលើកកម្ពស់តំបន់សម្រាប់កិច្ចសហប្រតិបត្តិការសេដ្ឋកិច្ចនិងពាណិជ្ជកម្ម (Economic and Trade Cooperation Zone Promotion),ការតភ្ជាប់ហេដ្ឋារចនាសម្ព័ន្ធ (Infrastructure Connectivity),ការតភ្ជាប់ពាណិជ្ជកម្ម (Trade Connectivity),វិថីសូត្របច្ចេកវិទ្យា (Digital Silk Road),វិថីសូត្របៃតង(Green Silk Road),វិថីសូត្រនៃរបកគំហើញថ្មី (Silk Road of Innovation)និងកិច្ចសហប្រតិបត្តិការថ្នាក់ក្រោមជាតិ(Sub-national Cooperation)៕
Source: Kampuchea Thmey Daily
0 Comments