គ្រាប់បាល់នៅនាទី៨៨របស់កីឡាករ Christian Eriksen បានទម្លុះសំណាញ់ទីក្រុម Brighton and Hove Albion ដើម្បីធ្វើឲ្យក្រុម Spursរកបានជ័យជំនះ១-០កាលពីថ្ងៃអង្គារ ក្នុងដំណើរតាមប្រម៉ាញ់តំណែងក្រុមកំពូលទាំង៤របស់ពួកគេនៅក្របខណ្ឌ Premier League។
ការបញ្ជូនបាល់ទាបរបស់កីឡាករដាណឺម៉ាកម្នាក់នេះ នៅក្រៅតំបន់គ្រោះថ្នាក់ បានផុតដៃអ្នកចាំទី Mat Ryan របស់ក្រុម Brighton ។
ក្រុមរបស់លោក Chris Hughton បានក្រាញននៀលដល់ទីបញ្ចប់នៅមុខទីរបស់ក្រុម Spursស្ទើតែពេញមួយប្រកួត ប៉ុន្តែធ្វើមិនបាសម្រេចនោះទេ លើកលែងតែការស៊ុតបាល់របស់កីឡាករ Toby Alderweireld នៅ២០នាទីចុងក្រោយ ត្រូវចំបង្គោលទី។
នៅការប្រកួតមួយនេះដែរ គេឃើញគ្រូបង្វឹករបស់ក្រុម Spursលោក Mauricio Pochettino បានបញ្ជូនខ្សែប្រយុទ្ធ Vincent Janssen ឲ្យចូលលេងនៅនាទី៨០ ដែលជាការបង្ហាញខ្លួនលើកដំបូងរបស់គាត់ក្នុងរដូវកាលនេះ។
កីឡាករ Eriksen បាននិយាយប្រាប់ Sky Sportsថា លោកបានស៊ុតគ្រាប់បាល់បានប៉ុន្មានលើកដែរ មុនពេលមានគ្រាប់បាល់មួយនេះ ។ លោកស៊ុតបាល់បានល្អ ហើយឃើញវាហោះចូលក្នុងសំណាញ់ទីបានសម្រេច។
បច្ចុប្បន្នក្រុម Brighton លេង៦ប្រកួតដោយមិនរកបាន១គ្រាប់ណាឡើយ ពោលគឺចាញ់៥ប្រកួត ក្នុងចំណោមការប្រកួតទាំងនោះ ហើយនិងលេង៣ប្រកួតចុងក្រោយរបស់ពួកគេ ជាមួយនឹង៣ពិន្ទុប៉ុណ្ណោះ ពីលើក្រុមបាតតារាងទី៣ Cardiff City ។
ពួកគេនឹងត្រូវប៉ះជាមួយក្រុមជើងខ្លាំង Arsenal និងក្រុម Man City ក្រោយពេលពេលធ្វើម្ចាស់ផ្ទះជាមួយក្រុម Newcastle នាចុងសប្តាហ៍នេះ៕
Source: Kampuchea Thmey Daily
0 Comments