រតនគិរី ៖ កម្លាំងអធិការនគរបាលក្រុងបានលុងឃាត់ខ្លួនជនសង្ស័យម្នាក់ ពាក់ព័ន្ធករណីជួញដូរថ្នាំញៀនដោយខុសច្បាប់។
សមត្ថកិច្ចចុះបង្ក្រាបករណីជួញដូរថ្នាំញៀននៅវេលាម៉ោង១២និង៣០នាទីថ្ងៃត្រង់ ថ្ងៃពុធ ១៣រោច ខែចេត្រ ឆ្នាំកុរ សំរឹទ្ធិស័ក ព.ស២៥៦២ ត្រូវនឹងថ្ងៃទី១ ខែមិថុនា ឆ្នាំ២០១៩ ស្ថិតនៅក្នុងភូមិថ្មី សង្កាត់ឡាបានសៀក ក្រុងបានលុង។
អធិការនគរបាលក្រុងបានលុងលោក ហួត បូរី បានឲ្យដឹងថា ជនសង្ស័យឈ្មោះ សេន ស៊ាងហួយ ភេទប្រុស អាយុ២៥ឆ្នាំ ជនជាតិខ្មែរ មានទីលំនៅបច្ចុប្បន្ន ភូមិ/ឃុំកើតហេតុខាងលើ។
ក្រោយពីសមត្ថកិច្ចចុះបង្ក្រាបបាន ដកហូតម្សៅក្រាមពណ៌សថ្លា សង្ស័យជាសារធាតុញៀនចំនួន១ថង់ធំល្មម និង ២០កូនថង់តូច មានទម្ងន់៦.១១ក្រាមទាំងសំបកថង។ ថង់សម្រាប់វេចខ្ចប់មួយចំនួន ជញ្ជីងថ្លឹងចំនួន១គ្រឿង -ម៉ូតូTodayចំនួនគ្រឿង។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ន នៅអធិការក្រុងបានលុង ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី៕
Source: Kampuchea Thmey Daily
0 Comments