បន្ទាយមានជ័យ ៖ ឪពុកជាសត្វតិរច្ឆានម្នាក់បានរំលោភកូនស្រីបង្កើតតាំងអាយុ១២ឆ្នាំរហូតដល់អាយុ១៥ឆ្នាំ ទើបបែកការណ៍ដោយសារតែកូនស្រីទ្រាំនឹងទង្វើតិរច្ឆានមិនបាន ក៏សម្រេចចិត្តប្រាប់ម្ដាយដើម្បីឲ្យសមត្ថកិច្ចឃាត់ខ្លួនកាលពីថ្ងៃទី១១ ខែកុម្ភៈ ឆ្នាំ២០១៥ នៅក្នុងភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ លោក ឆេង អីសុខា អធិការស្រុកអូរជ្រៅបានប្រាប់ឲ្យដឹងថា ម្តាយដោយឮសូរកូនប្រាប់ថា ឪពុកចាប់រំលោភខ្លួនអស់រយៈពេល៣ឆ្នាំកន្លងមកហើយនោះម្តាយខឹងយ៉ាងខ្លាំង ក៏បានមកដាក់ពាក្យបណ្ដឹងនៅប៉ុស្តិ៍នគរបាលឃុំអូរបីជាន់ដើម្បីជួយអន្តរាគមន៍។ លោកសិទ្ធ ឡោះ ស្នងការនាយការិយាល័យទទួលបន្ទុកព្រហ្មទណ្ឌបានប្រាប់តាមរយៈទូរស័ព្ទថា ក្រោយកម្លាំងនគរបាលស្រុកអូរជ្រៅបានឃាត់ខ្លួនសាកសួរនាំនៅស្នងការជនសង្ស័យខាងលើបានសារភាពកំហុសរបស់ខ្លួនដែលចាប់រំលោភកូនខ្លួនឯងកន្លងមកផងដែរ។ លោកបានបន្តថា ជនសង្ស័យឪពុកបង្កើតមានឈ្មោះ សុះ សិទ្ធ អាយុ៣៥ឆ្នាំ មានទីលំនៅក្នុងភូមិកើតហេតុមុខរបរជាកម្មករ និងមានប្រពន្ធឈ្មោះ ប៊ុន ស្រីមុំ អាយុ៣៣ឆ្នាំ ចំណែកក្មេងរងគ្រោះត្រូវជាកូនមានឈ្មោះស.ច.ថ អាយុ១៥ឆ្នាំ។
លោកបានបន្ថែមថា ជនសង្ស័យត្រូវជាឪពុកបង្កើតបានធ្វើសកម្មភាពរំលោភកូនស្រីខ្លួនឯងតាំងពីអាយុ១២ឆ្នាំមកម្ល៉េះ ហើយក៏បានគំរាមសម្លាប់កូនចោលផងដែរបើសិនណាប្រាប់ម្តាយ។ ក្រោយពីសមត្ថកិច្ចជំនាញបានឃាត់ខ្លួនជនសង្ស័យបានសារភាពរាល់ទង្វើទាំងអស់ដែរខ្លួនបានប្រព្រឹត្តទៅកូនស្រីបង្កើតខ្លួនឯង។ ជនសង្ស័យបានឆ្លើយសារភាពរួចរាល់ហើយ សមត្ថកិច្ចបានកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់។ ចំណែកក្មេងស្រីរងគ្រោះ ត្រូវបានខាងអង្គការកម្ពុជាជួយស្រី្តមានវិបត្តិ(cwcc)យកទៅថែរក្សា ចិញ្ចឹមបីបាច់ដើម្បីរៀនសូត្រតាមជំនាញ៕
គង្គា
0 Comments