តុលាការ​ឥណ្ឌា​រារាំង​ខ្សែភាពយន្ត​រំលោភ​ជា​ក្រុម​

​ ​ប៉ូលិស​នៅក្នុង​ប្រទេស​ឥណ្ឌា​បាន​ទទួល​បញ្ជា​របស់​តុលាការ​មួយ​ដែល​ហាម​មិន​ឲ្យ​ផ្សាយ​បទ​សម្ភាសន៍​មួយ​ជាមួយ​អ្នក​រំលោភ​ម្នាក់​នៅក្នុង​ចំណោម​ពួក​អ្នក​រំលោភ​ជា​ក្រុម​នៅ​ក្រុង​ដែ​ល្លី​។​

​ ​សេចក្តី​សម្រេច​ចិត្ត​របស់​តុលាការក្រុង​ដែ​ល្លី ក៏បាន​រារាំង​ផង​ដែរ​មិន​ឲ្យ​មាន​ការ​បោះពុម្ព​ផ្សាយ​បទសម្ភាសន៍​ដែល​បាន​ធ្វើ​ឲ្យ​មនុស្ស​ជាច្រើន​ខឹងសំបារ​នៅក្នុង​ប្រទេស​ឥណ្ឌា​។​

​ ​សេចក្តី​សម្រេច​នៅ​ធ្វើឡើង​នៅពេល​រដ្ឋាភិបាល​ទាមទារ​ឲ្យ​មានការ​ពន្យល់​មួយ​ពី​ពួក​មន្ត្រី​គុក​ស្ដីពី​ថា​តើ​អ្នក​ផលិត​ខ្សែភាពយន្ត​ជនជាតិ​អង់គ្លេស​បាន​ទទួល​សិទ្ធិ​ចូល​យ៉ាងម៉េច​នោះ​។​

​ ​ការរំលោភ​នៅ​ក្រុង​ដែ​ល្លី​បាន​ធ្វើ​ឲ្យ​ពិភពលោក​ភ្ញាក់ផ្អើល​។ បុរស​៤​នាក់​ត្រូវ​បាន​គេ​កាត់ទោស​ព្យួរ​ក​ពី​បទ​រំលោភ ​និង​សម្លាប់​និស្សិត​ស្រី​អាយុ​២៣​ឆ្នាំ​ម្នាក់​។​

​ ​ការ​សម្ភាសន៍​របស់​អ្នក​ផលិត​ខ្សែភាពយន្ត​លោក​ឡេស​លី​អ៊ូ​ដ​វិ​ន​(LesLee udwin) នោះ​ហាក់​ដូចជា​នៅក្នុង​India's Daughter ភាពយន្ត​ឯកសារ​Story ville របស់​BBC​ ដែល​នឹង​ត្រូវ​ផ្សាយ​ថ្ងៃទី​៨ ខែ​មិនា ទិវា​នារី​អន្តរជាតិ​។ ភាពយន្ត​ឯកសារ​នោះ​ក៏​នឹង​ត្រូវ​គេ​បញ្ចាំង​ផង​ដែរ​នៅក្នុង​ទូរទស្សន៍​ND IV ក្នុង​ប្រទេស​ឥណ្ឌា​។​

​ ​ទីភ្នាក់ងារ​សារ​ព័ត៌មាន​PTI បាន​ដកស្រង់​សម្ដី​ពួក​មន្ត្រី​និយាយ​ថា រដ្ឋមន្ត្រី​មហាផ្ទៃ​លោក​រ៉ា​ណេ​ត​ស៊ី​ង​(Raj nath singh) បាន​ចាត់ទុក​បញ្ហា​នេះ​ធ្ងន់ធ្ងរ​ហើយ​បាន​និយាយ​ទៅកាន់​អគ្គនាយក​គុក​ទី​ហារ​ទាមទារ​ឲ្យ​មាន​សេចក្ដីរាយការណ៍​ជាបន្ទាន់​មួយ​៕

​រឹទ្ធ​