Ad Code

បង​ប្រុស​រារាំង​រំខាន​ពិធី​ភ្ជាប់​ពាក្យ​ប្អូនស្រី​ផ្អើល​ពេញ​រោង​ពិធី

ភ្នំពេញ​ ៖ នៅ​វេលា​ម៉ោង​១០​ព្រឹក​ថ្ងៃទី២១ ខែ​កក្កដា ​ឆ្នាំ​២០១៥​នេះ ​មាន​ភាព​ចម្រូងចម្រាស​បាន​កើតឡើង​នៅ​ក្នុង​ពិធី​ភ្ជាប់​មួយ ដោយសារ​តែ​បងប្រុស​រារាំង​បិទទ្វារ​ភូមិគ្រឹះ​មិន​ឲ្យ​ប្អូនស្រី​របស់​ខ្លួន​ធ្វើ​ពិធី​នោះ​ឡើយ។

ភាព​ចម្រូងចម្រាស​នោះ​​​​​កើតឡើង​នៅ​តាម​បណ្ដោយ​ផ្លូវ​ម៉ុងឫទ្ធី កែង​នឹង​ផ្លូវ​ហាណូយ ស្ថិតក្នុង​ភូមិគ្រឹះ​លេខ​១២៧ ភូមិ​បា​យ៉ាប សង្កាត់​ភ្នំពេញ​ថ្មី ខណ្ឌ​សែន​សុខ។

សេចក្ដីរាយការណ៍​បាន​ឲ្យ​ដឹង​ថា ពិធី​ភ្ជាប់​ពាក្យ​នោះ ​កូនស្រី​ឈ្មោះ​ចាន់ រតនា កើត​ឆ្នាំ​១៩៩០ និង​កូនប្រុស​ឈ្មោះ​ឡេង ប៊ុនឡុង កើត​ឆ្នាំ​១៩៨០ ត្រូវ​បាន​រាំង​ដោយ​បុរស​ម្នាក់​ឈ្មោះ​ប៉ែន ចាន់​មុន្នី ហៅ​មួង ម៉ៅ ហៅ​ម៉ៅ ត្រូវ​ជា​បងប្រុស​របស់​កូនស្រី ដែល​មាន​ឪពុក​ទីទៃ​ពី​គ្នា​(​ម្ដាយ​របស់​ពួកគេ​មាន​ប្ដី​២) ហើយ​សុទ្ធតែ​ស្លាប់​អស់​ហើយ។

ពាក់ព័ន្ធ​នឹង​រឿង​នេះ ​ម្ដាយ​របស់​កូនស្រី​បញ្ជាក់​ថា កន្លងមក​ប្អូនៗ​ស្រី​៤​នាក់​មាន​ គេ​ចូល​ស្ដីដណ្ដឹង​ជាច្រើនលើក​ច្រើន​សា​មកហើយ ប៉ុន្តែ​ត្រូវ​រារាំង​ដោយ​បង​ប្រុស​របស់​ពួកគេ​ឈ្មោះ​មួង ម៉ៅ រហូត។ ចំណែក​ឈ្មោះ​មួង ម៉ៅ វិញ​អះអាង​ថា ការរារាំង​នេះ ដោយសារតែ​កូនប្រុស​ ដែល​ធ្វើ​ពិធី​ភ្ជាប់​ពាក្យ​ជាមួយ​ប្អូន​ស្រី​របស់​ខ្លួន​ជា​បុរស​ពោះម៉ាយ​កូន​២ ទើប​គេ​​រារាំង​បែប​នេះ​ ចៀសវាង​​​មាន​បញ្ហា​នៅ​ថ្ងៃក្រោយ។

សេចក្ដីរាយការណ៍​​​​​បន្ត​ថា​ថា ដោយសារតែ​ការ​រាំង​បិទទ្វារ​ភូមិគ្រឹះ​ធ្វើ​ឲ្យ​មាន​ភាព​ចម្រូងចម្រាស​ក្នុង​ពិធី​ភ្ជាប់​ពាក្យ​នោះ ទើប​កម្មវិធី​នោះ​បាន​ប្ដូរ​ទីតាំង​ទៅ​ហាង​គុយទាវ​នៅ​ក្បែរនោះ​វិញ​។ ប៉ុន្តែ​គិត​មកដល់​ម៉ោង​១០​និង​២១​នាទី​ថ្ងៃ​ដដែល​នេះ​​ភាព​ចម្រូងចម្រាស​នៅតែ​កើតមាន​នៅឡើយ៕

M21-07-15-b2

M21-07-15-b1

M21-07-15-b


បង​ប្រុស​រារាំង​រំខាន​ពិធី​ភ្ជាប់​ពាក្យ​ប្អូនស្រី​ផ្អើល​ពេញ​រោង​ពិធី

Post a Comment

0 Comments

Close Menu