ការសិក្សាមួយបានដាក់ក្រុមហ៊ុនដឹកជញ្ជូនជាតិរបស់អូស្ត្រាលី Qantas នៅលំដាប់កំពូលនៃសុវត្ថិភាពកម្រិតរបស់ក្រុមហ៊ុនអាកាសចរនៅលើពិភពលោក។ Airlinerankings.com ដែលបានចាប់ផ្តើមនៅក្នុងឆ្នាំ២០១៣ បានចាត់ថ្នាក់ក្រុមហ៊ុនអាកាសចរអូស្ត្រាលីថា ជាឆ្អឹងខ្នងសុវត្ថិភាពបំផុតរបស់ពិភពលោកនៅក្នុងឆ្នាំ២០១៣។
នៅក្នុងការស្រាវជ្រាវចុងក្រោយបំផុតដែលបានត្រួតពិនិត្យក្រុមហ៊ុនអាកាសចរសរុបចំនួន៤៤៩ក្រុមហ៊ុននោះ Qantasជាថ្មីម្តងទៀត បានកាន់កាប់កន្លែងកំពូលនេះបើផ្អែកទៅលើលក្ខណៈសុវត្ថិភាពជាក់លាក់៧ចំណុច។
លក្ខណៈទាំងនេះរួមមាន ថាតើក្រុមហ៊ុនអាកាសចរនេះមានលិខិតបញ្ជាក់IOSA(International Air Transport Association operational safetyaudit)ឬក៏យ៉ាងណាថាតើក្រុមហ៊ុននេះ ស្ថិតនៅក្នុងបញ្ជីខ្មៅរបស់សហភាពអឺរ៉ុបឬក៏យ៉ាងណា ថាតើក្រុមហ៊ុននេះត្រូវបានយល់ព្រមដោយអាជ្ញាធរអាកាសចរសហព័ន្ធឬក៏យ៉ាងណា ថាតើប្រទេសដើមឆ្លើយតបបានបទដ្ឋានសុវត្ថិភាពទាំងអស់របស់អង្គការអាកាសចរស៊ីវិលអន្តរជាតិឬក៏យ៉ាងណា និង ថាតើកងយន្តហោះរបស់ក្រុមហ៊ុនអាកាសចរនេះ ត្រូវបានដាក់ឲ្យឈប់ហោះហើរដោយសារការបារម្ភអំពីសុវត្ថិភាពឬក៏យ៉ាងណានោះ។
ក្រុមហ៊ុនអាកាសចរនេះគឺល្បីឈ្មោះនៅក្នុងការបង្ហាញនៅក្នុងឆាកមួយនៅក្នុងខ្សែភាពយន្តរឿង"Rain Man"នៅពេលដែលតួសម្ដែងដោយលោកDystin Hoffman Man"បាននិយាយថា នេះគឺជាក្រុមហ៊ុនដឹកជញ្ជូនតែមួយគត់ដែលមិនដែលធ្លាក់(ទោះបីជាជំនាញការអាកាសចរនិយាយអំពីឧប្បត្តិហេតុដែលបណ្ដាលឲ្យមនុស្សស្លាប់ជាច្រើននាក់នៅក្នុងសម័យមុនយន្តហោះJet ដែលគ្រោះថ្នាក់ចុងក្រោយបានកើតឡើងនៅក្នុងឆ្នាំ១៩៥១ក៏ដោយ។
ក្រុមហ៊ុនអាកាសចរអង់គ្លេសក៏លេចឡើងនៅក្រុមហ៊ុនដឹកជញ្ជូនដ៏មានសុវត្ថិភាពថ្នាក់កំពូលចំនួន១០ផងដែរ ដោយក្រុមហ៊ុនអាកាសចរMonarch Airlines និងក្រុមហ៊ុនThomas Cook ទាំងពីរនេះ បានលេចឡើងនៅក្នុងបញ្ជីកំពូលចំនួន១០ក្រុមហ៊ុន។
នៅក្នុងចំណោមការវាយតម្លៃទាំងនោះ ក្រុមហ៊ុនអាកាសចរចំនួន១៤៩សម្រេចបានតែ៤គត់ ដែលលំដាប់ថ្នាក់ទទួលបានផ្កាយមួយសម្រាប់សុវត្ថិភាពគឺKarn Air ,Nepal Airlines Scat និងTara Air៕
ថាលីយ៉ាន
0 Comments