ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្មងការដ្ឋាននគរបាលជាតិប្រាប់ថា កាលពីថ្ងៃទី២៣ ខែកក្កដា ឆ្នាំ២០១៥ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៧លើក ក្នុងនោះយប់៤លើក, បណ្តាលឲ្យមនុស្សស្លាប់៥នាក់(ស្រីម្នាក់)រងរបួសធ្ងន់៦នាក់(ប្រុស) និងរបួសស្រាល៥នាក់(ប្រុស)។
នៅក្នុងហេតុការណ៍គ្រោះថ្នាក់ចរាចរណ៍ទាំង ៧លើកនេះ បានបង្កឲ្យមានការខូចខាតយានយន្តសរុប៩គ្រឿង ក្នុងនោះមានម៉ូតូចំនួន៦គ្រឿង, រថយន្តធុនតូច៣គ្រឿង និងថ្មើរជើង២នាក់។
យោងតាមរបាយការណ៍ខាងលើប្រាប់បន្តថា មូលហេតុដែលបណ្ដាលឲ្យកើតមានករណីគ្រោះថ្នាក់ចរាចរណ៍ រួមមាន ល្មើសល្បឿន៣លើក,មិនគោរពសិទ្ធ២លើក,មិនប្រកាន់ស្តាំ១លើក,និងមនុស្សដើរឆ្លងផ្លូវ១លើក។ ចំពោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន១២នាក់(យប់១០នាក់)។
យោងតាមប្រភពព័ត៌មានពីនាយកដ្ឋានសណ្ដាប់ធ្នាប់ នៃអគ្គស្មងការដ្ឋាននគរបាលជាតិប្រាប់បញ្ជាក់ឲ្យដឹងថា កាលពីថ្ងៃទី២៣ ខែកក្កដា ឆ្នាំ២០១៥ រថយន្តទាំងអស់ដែលត្រូវផាកពិន័យសរុបចំនួន៨៥១គ្រឿង(រថយន្តធំ២៥៤គ្រឿង)ស្មើនិង៨៨០ករណី,ល្មើសក្រដាសស្នាម៥៧៥ គ្រឿង ស្មើនឹង៥៧៥ករណី,ចំណែកករណីល្មើសបច្ចេកទេស២៧៦ គ្រឿងស្មើនឹង ៣០៥ករណី។ ដោយឡែកម៉ូតូត្រូវបានពិន័យសរុបចំនួន ១.៨០១ គ្រឿង៕
គ្រោះថ្នាក់ចរាចរណ៍ថ្ងៃ ទី២៣ ខែកក្កដាកើតឡើង៧លើកស្លាប់៥នាក់របួសធ្ងន់ស្រាល១១នាក់
0 Comments