មណ្ឌលគិរី ៖ មនុស្សចំនួនពីរនាក់នៅភូមិពូត្រែង ឃុំដាក់ដាំ ស្រុកអូររាំងខេត្តមណ្ឌលគិរីត្រូវបានកម្លាំងនគរបាលស្រុកអូររាំងចាប់ខ្លួនភ្លាមៗ ពាក់ព័ន្ធទៅនឹងករណីរំលោភបូក ទៅលើស្រីម្នាក់នៅភូមិឃុំកើតហេតុខាងលើ។ ហេតុការណ៍នេះបានកើតឡើងកាលពីវេលាម៉ោង១១និង២០នាទីយប់ថ្ងៃទី១១ ខែសីហា ឆ្នាំ២០១៥ជនសង្ស័យទាំងពីរនាក់ នគរបាលបានបញ្ជូនខ្លួនមកកាន់ស្នងការខេត្តដើម្បីឱ្យការិយាល័យជំនាញចាត់ការតាមនីតិវិធីច្បាប់។
លោក ប៊ូ ប៊ុនឈាត អធិការស្រុកអូររាំងបានប្រាប់អ្នកឆ្លើយឆ្លងព័ត៌មានប្រចាំខេត្តនេះឱ្យដឹងថាករណីនេះមុនពេលកើតហេតុ មានការផឹកស៊ីជុំគ្នា នៅក្នុងចំការនៅភូមិកើតហេតុមានស្រី និងប្រុសបន្ទាប់ពីផឹកស៊ីរួចអ្នកចូលរួមមួយចំនួន ក៏បានចែកផ្លូវគ្នារៀងៗខ្លួន នៅតែជនសង្ស័យចំនួនពីរនាក់ និងនារីក្រមុំម្នាក់នៅទីនោះដែរ ឃើញឱកាសល្អ ជនសង្ស័យទីមួយបានធ្វើការរំលោភ បន្ទាប់ពីរួចរាល់ ជនសង្ស័យទីពីរកើតមានអារម្ភរោលរាលតណ្ហាខ្លាំងក៏បានធ្វើការរំលោភនារីនោះម្តងទៀត ដោយសង្ស័យបងស្រីនារីរងគ្រោះបានដើររកប្អូន ស្រាប់តែជួបហេតុការណ៍នេះតែម្តង។
បងស្រីនារីរងគ្រោះបានរាយការណ៍ករណីនេះ ទៅកាន់នគរបាលស្រុកអូររាំងភ្លាមៗ ដើម្បីធ្វើការឃាត់ខ្លួនជនសង្ស័យ លោកអធិការ បានបន្តទៀតថា ជនសង្ស័យដែលកម្លាំងនគរបាលឃាត់ខ្លួនជាប់ពាក់ព័ន្ធករណីនេះទីមួយឈ្មោះ ចាន់នី សម្បត្តិភេទប្រុស អាយុ២៦ឆ្នាំជនជាតិខ្មែរ មុខរបរកម្មករ ទីលំនៅភូមិព្រៃវែង ឃុំពាមប្រធ្នោះ ស្រុកកោះសូទិន ខេត្តត្បូងឃ្មុំ ទីពីរឈ្មោះកូយ សំខាន់ ភេទប្រុសអាយុ៣២ឆ្នាំជនជាតិខ្មែរទីលំនៅ ភូមិក្បាលទឹក ឃុំប្រធាតុ ស្រុកអូររាំងឱ ខេត្តត្បូងឃ្មុំមុខរបរកម្មករ។
នារីរងគ្រោះក្នុងហេតុការនេះឈ្មោះ ហយ លឹមអៀង ភេទស្រីអាយុ២១ឆ្នាំ ទីលំនៅភូមិបុសខ្នុរ ឃុំ ស្រុកចំការលើ ខេត្តកំពង់ចាម។ បច្ចុប្បន្នជនសង្ស័យទាំងពីរនៅថ្ងៃទី១២ ខែសីហា ឆ្នាំ២០១៥បានធ្វើការបញ្ជូនមកកាន់ស្នងការខេត្ត ដើម្បីសួរនាំ និងកសាងសំណុំរឿង បញ្ជូនទៅកាន់សាលាដំបូងខេត្តចាត់ការបន្តតាមនីតិវិធីច្បាប់៕
ជនសង្ស័យពីរនាក់ពាក់ព័ន្ធករណីរំលោភបូក ត្រូវនគរបាលស្រុកអូររាំងចាប់ខ្លួន
0 Comments