ប្រទេសបារាំងមានការសង្ស័យនៅថ្ងៃអង្គារ ថាតើគម្រោង អ ស ប នឹងបង្កកការប្រយុទ្ធគ្នានៅក្នុងទីក្រុងអាឡេបប៉ូរបស់ប្រទេសស៊ីរីនោះនឹងចេញជារូបរាងទេនោះ ហើយបានបន្ទោសរបបក្រុងដាម៉ាស់ចំពោះការបរាជ័យ។
ឯកអគ្គរដ្ឋទូតបារាំងលោកហ្វ្រង់ស្វ័រដេឡាសត្រេ(Francois Delattre) ដែលជាប្រធានក្រុមប្រឹក្សាសន្តិសុខ អ ស ប ក្នុងខែនេះបាននិយាយថា បេសកជនពិសេស អ ស ប លោកស្តាហ្វហ្វានឌើមិសទូរ៉ា(Staffan DeMistura) នៅតែមានការគាំទ្រពេញលេញរបស់ក្រុមប្រឹក្សាដែលមានសមាជិក១៥ប្រទេស ទោះបីជាកិច្ចប្រឹងប្រែងរបស់លោកមិនជោគជ័យក៏ដោយ។
បេសកជនរូបនោះបាននិយាយប្រាប់សន្និសីទកាសែតមួយថា"ប្រទេសបារាំងនៅតែមានមជ្ឈធាតុនិយមអំពីឆន្ទៈរបស់របបដើម្បីគាំទ្រគម្រោងរបស់ អ ស ប សម្រាប់អាឡេបប៉ូ។
លោកឌើមិសទូរ៉ាកាលពីខែតុលា បានបង្ហើបឲ្យដឹងនូវសំណើសុំផ្អាកការប្រយុទ្ធគ្នានៅអាឡេបប៉ូដើម្បីអនុញ្ញាតឲ្យមានការដឹកជញ្ជូនជំនួយមនុស្សធម៌ និងបង្កើតជំហានទីមួយឆ្ពោះទៅរកកិច្ចព្រមព្រៀងនយោបាយកាន់តែធំទូលាយមួយ។
កងកម្លាំងឧទ្ទាមស៊ីរីនៅអាឡេបប៉ូបានបដិសេធគម្រោងនេះហើយបានអំពាវនាវឲ្យមានសំណើយោគយល់គ្នាមួយវិញដើម្បីបញ្ចប់សង្គ្រាមជិត៤ឆ្នាំ ដែលបានសម្លាប់ប្រជាជន២១០.០០០នាក់នោះ៕
រឹទ្ធ
0 Comments