តាមឯកសារដែលបានផ្សាយនៅថ្ងៃព្រហស្បតិ៍ឲ្យដឹងថា ប្រទេសនូវែលហ្សេឡង់បាននិងកំពុងស៊ើបការណ៍តាមអេឡិចត្រូនិកនូវបណ្ដាប្រទេសកោះប៉ាស៊ីហ្វិករបស់ខ្លួន និងប្រទេសឥណ្ឌូនេស៊ី ហើយកំពុងចែករំលែកព័ត៌មានចារកម្មជាមួយពួកសម្ពន្ធមិត្តអន្តរជាតិរបស់ខ្លួន។
ឯកសារដែលត្រូវបានផ្សាយដោយអតីតភ្នាក់ងាររបស់អាជ្ញាធរសន្តិសុខជាតិសហរដ្ឋអាមេរិកលោកអេដវើដ ស្នូដេន (Edward Snowden) និងកំណត់ថ្ងៃម្តងទៀតនៅឆ្នាំ២០០៩នោះនិយាយថា ទីភ្នាក់ងារចារកម្មអេឡិចត្រូនិកបានចាប់អ៊ីមែល ទូរស័ព្ទលើតុ ទូរស័ព្ទចល័តសារ សារព័ត៌មានសង្គម និងទំនាក់ទំនងព័តមានផ្សេងៗនៅក្នុងបណ្ដារដ្ឋតូចៗនៅប៉ាស៊ីហ្វិក ដែលក្នុងនោះរួមមានប្រទេសហ្វ៊ីជី សាម៉ាវ កោះសូឡូម៉ុង និងប៉ូលិនេស៊ីបារាំង។
ឯកសារនោះក៏បាននិយាយផងដែរថា ភ្នាក់ងារGCSB ម្នាក់របស់ប្រទេសនូវែលហ្សេឡង់ បានធ្វើការជាមួយក្រុមប្រឹក្សាចាងហ្វាងផ្តល់សញ្ញាអូស្ត្រាលីនៅក្នុងការស៊ើបការណ៍ក្នុងក្រុមហ៊ុន ទូរស័ព្ទដៃ Telkomsel របស់ឥណ្ឌូនេស៊ី៕
រឹទ្ធ
0 Comments